Kolosi 1:13 - Hano Niu Testamen

¹³ God nu lai lua gida nin muramura ata lol ute meto, i mwa lai gida vai lol ute ratahigi non nituna.

Kolosi 1:13 ပူးပေါင်းရင်းမြစ်များ

Matiu 17:5

La mahavana be mwa avo radu na Pita, tenlan̄ gigita mwa haravuinira. Haḡe ram ron̄ avoana lol ten lan̄i gea mwa bevea be, “Geki haḡea Nituku gabe nam dabea i nam ron̄ mwandavuha ginia. Giv ron̄oe.”

Matiu 25:34

Haḡe inau siboku Ratahigi Lavoa nai vevea lalainira la mwatuaku be, ‘Gin mai, na kimiu gabe Tamaḡu nu vatavuhai kimiu. Gin mai ba lai rahuan gara gabe Tamaḡu nu lol vatuvwainia huri kimiu la bwatun tauva.

Matiu 3:17

Haḡe silo mwa himai nin ute atamare, mwa bevea be, “Geki haḡea Nituku gabe nam dabea, i nam doron maragainia.”

Leo Tavuha gabe Luk nu Ravae 13:24

“Giv lol ron̄oe be giv haroro lol gatava ḡuḡusi, bwatuna be sinombu ivusi, nam bevea lalai kimiu, rav lol ron̄oe be rav haroro take rasav haroro te dum.

Leo Tavuha gabe Luk nu Ravae 22:53

Nam dogo mai kimiu lol Imwa Tataro vataha gubwen̄, take gim hav haḡo te batugehiau. Take kadogaha mahavana be giv lol hano kun gabe gin doronia, lol mahavana geki be muramura ata lol ute meto mwa ratahigi.”

Leo Tavuha gabe Jon nu Ravae 17:24

“Tata! Gon laira lalaiau, i nam doron be rav togo maiau lol ute be nav to aia, huribe rav gita sarisariku, sarisari gabe gon laia lalaiau; huribe gon tabeau la bwativuna vuvuri mwa siv tau ureure.

Leo Tavuha gabe Jon nu Ravae 3:35

God mwa dabe Nituna i mwa lai muramura duluai lalainia.

Leo Tavuha gabe Jon nu Ravae 5:24

“Nam bev mwasigi lalai kimiu be, ihei tehe be mwa ron̄ noḡu avoana, i mwa binihimwasigi wani be nu horau, wani gea vi haḡo rahuana vai tuai.

Lalaḡova 26:18

“Giḡo haḡea gov havan̄ matara, i gov lai luara nin ute meto vai lol gigita i nin muramura non Setan huri God, huri be gin nora binihimwasigi garagusi aluku vi binihi kaburai vurora i rav lai dum tanora mai ira atat gita lua non God.”

Ravrava non Pol lalai ata Rom 14:17

Lol ute ratahigi non God, ginaganiana i wai mwinu varate ginau gaivua. Ginau n̄ano be nu marahi, kea be gom lol vavtutu lalai God, tamwata, i samwarana lol Vui Sabuga.

2 Korin 11:14

Geki mwa hav lol te kamai be gav dan̄an̄a. Matu Setan nu leahia sibona gitanana kun enjel huri gigita.

2 Korin 4:4

Setan be mwa lalaḡoi ureure uhu mwa lol binihiva ram matagaraga. Kera be ram hav binihi te mwasigi. Rasav gita te dum gigitan Leo Tavuha. Leo Tavuha huri sarisarin Kraes, kea gaituvwa n̄an mai God.

Ifisas 1:6

i mwa lai roroai lalai God bwatuna be gin non hogoi. God nu lai hogoi gea lalai gida vuroi nan kunia, alolon Kraes, atatu gabe mwa doronia.

Ifisas 4:18

Ram hav ilo te batoia, i ram hav ilo te havanau, bwatuna be ram hav doron tehe didi roron̄tai, i kera rasav lai te dum rahuana be God nu laia.

Ifisas 5:5

Giv ilo dumwia be atatu be mwa lol bwatigoro mai vavine sa atamwani sage mwa lol ginau hahantai, i bugurana (huribe bugurana kea dovon̄an gogonaiana lalai tagaro dodolua). Kea sihav togo te dumwi lol Ute Lavoa non Kraes i non God.

Ifisas 5:8

Tuai huba kimiu gin togo; lol ute meto, take kadogaha kimiu gim dogo lol ute rani lol Ratahigi. Haḡe giv togo kun ira nitun ute rani.

Ifisas 6:12

Nonda bwaloana vorate vai alun atatu lol ureure, take tam bwalo vai alun ira vui hahantai ata lol ureure amare, ira gitaḡoro hahantai, i ira muramura hahantai ata lol taro geki.

1 Tesalonaeka 2:12

Gan av dura kimiu gam av wasi lalai kimiu, gan doronia be giv togo lol rahuan tavuha huri God. God mwa doron be tav togo lol rahuana be tav tabea vataha mahavana.

Hibru 2:14

Kamai sinombu lol rebehi i daga. Bwatuna haḡea Jisas mwa bora kun kamai vwate. Kea nu mate huri be vi lol kaburai atmate, kea nu muramura ḡoro mateana.

1 Pita 2:9

Take kimiu haḡea atat gitalua, houn lalaḡo ata la ratahigi lavoa, bwatun vanua sabuga, atatu huri rovoga non God sibona. Kimiu gin gitalua huri lalaḡov tavuha huri God, gabe nu uloi lua kimiu nin ute meto vai lol gigita.

2 Pita 1:11

I kimiu giv lai laiḡoḡo gaivua vai alolon ute ratahigi non nonda Ratahigi i varahuda Jisas Kraes vai tuai i tuai.

1 Jon 2:8

Take mwasigi be silo gara, i gim ilo mwasin binihivanana, kun gabe Kraes mwa iloe. Kimiu giv gita dum ute meto be vi mata hara i mwasin gigita mwa ḡigita huba.

1 Jon 3:14

Nonda lolotabetabe huri gida vatvataha mwa seserainia be, tan mwalue nin mateana vai lol rahuana. Take be gim hav lolotabetabe te kimiu, kea kimiu gim dogo radu lol muramura nan mateana.

1 Jon 3:8

Atatu gabe ram buroga ḡaoḡao, kera nitun setan. Setan nu vuroga la bwativuna, take Nitun God nu mai be men lol kaburai Lalagova non setan.