Kelesia 6:3 - Hano Niu Testamen

³ Be atatu vwate mwa binibe kea liu be mwa hav vora te kunia, kea mwa lol mulei daltaleinia sibona.

Kelesia 6:3 ပူးပေါင်းရင်းမြစ်များ

Leo Tavuha gabe Luk nu Ravae 18:11

Varise mwa du hautu dagai gahena mwa dataro kungeki be, “Nam avkarigo God, huri be nam hav vora te bugurana, sa nam hav binihi te mamarai atatu, sa nam hav vuroga te mai vavine kun atat dodolua. Nam avkarigo huri be nam hav vora te kun atatun harahara homu kahaḡa.

Lalaḡova 5:36

Gim binihi dumwia nu visirae gubwen̄ vwate huba, i nu vevea be kea vivora atat lavoa vwate, i atatu kun vudolu vavasi ram bulu huba maia. Take nu wehiana, i non atatu duluai ram bisalsala, i non lalaḡova mwa mate kaburai.

Ravrava non Pol lalai ata Rom 12:16

Giv togo lol tamwata mai kimiu duluai. Gosav ravwega tehe, ta gov mwemwearu mai atat hivhivo. Gosav vinihi tehe be gon mataisaoga nin atat dodolua.

Ravrava non Pol lalai ata Rom 12:3

Huribe God nu lai lalaiau hogoi tavuha, nam binihi ginau tavuha vwate be nav vevea lalai kimiu. Gosav vinihi tehe be gon tavuha liua be hiḡo kadogaha. Gov vinihia be hiḡo atat kunhanigi la halan binihimwasigi garagusi be God nu laia lalainigo.

1 Korin 13:2

Nav haḡo hogoi huri avoan vasinerani. Nav ilo n̄oto ginau dauhiligi non God i iloute duluai, i noḡu binihimwasigi garagusi be nav tagara dum vusi nin tanona.

1 Korin 3:18

Gosav taltale te sibomwa! Be gomen vinihia be giḡo haḡea mataisao vai lol ureure geki, take gov lago kun gabe bwaḡele huri be gov mai dumwi gi mataisao mwasigi.

1 Korin 8:2

Be gom binibe gom ilo ginau vwate, gam hav ilo te ginau radu kebe mwa du be si vora kunia.

2 Korin 12:11

Nam avo kun daloi, take kimiu haḡea gim lolia nam lolia kunia. Kimiu haḡea be mwa du be gis vev ginau tavuha huriau. Inau nam mai gi ginau vuroi, take kera “ira hala lavoa” be lalavoa ram hav dadariha te n̄an maiau!

2 Korin 3:5

Gam hav vevea tehe be gav lol dum rovoga uhu gahemai. God, kea haḡea be mwa lol kamai gam lol dum rovoga be mwa du be gav lolira.

Kelesia 2:6

Ira tomuai keragea be ran lol ron̄oe kun gabe kera raumatan atatu liu ihei ram hav leahi te Roroi Tavuha be nan toretore huria. (Nan hav laia te kun gabe kera ira “atat lavoa” sage sigai. Lalai God atatu n̄oto dadariha.)

Kelesia 2:9

Semes, Pita mai Jon, be ram bora ira tomuai, ram ilo melmeloinia rovoga be God nu hogoinia lalaiau. I ram haḡo limamaru gi dovon̄ana be kamaru gaituvwa n̄an maira. Tam iloe be Banabas maiau gav lol rovoga aben ira Lolobon̄i mai ira Jius.

2 Timoti 3:13

Take sinombu be ram hantai i ram ruruhi rituai rav tau bwatuna rav hantai i rav hantai liu. Rav ruruhi rituai, take mulei rav ruruhira sibora.

Jemes 1:22

Gov lol hano be silo vagahi non God mwa bevea; batena be gom roron̄tai gom hav lol te ginau vwate huria, gom dentene lalainigo sibomwa.

Jemes 1:26

Kimiu gim binibe gim haḡo wasi nomiu binihimwasigi? Batena be gom hav vwalau te tavuhai meamwa, nom binihimwasigi kea ginau vuroi n̄ano, i gim dentene mulei lalai kimiu.

1 Jon 1:8

Be gida tas siehi gida siboda be tam hav vuroga tehe, kunia mwasigi sigai aloloda.