Kelesia 6:12 - Hano Niu Testamen

¹² Atatu rituai ram lol kimiu be ramen tav dovon̄ana alumiu, huribe ram sasagerega lol ginau ata lol rebehi n̄ano. Ram matagu be rav lol ḡagarasira be rav huri volovolo non Kraes.

Kelesia 6:12 ပူးပေါင်းရင်းမြစ်များ

Matiu 23:27

“Hahagavi lalai kimiu, ira vagahin Silo maira Varise! Kimiu ira hoḡoiḡoro! Alen̄amiu kun gabe bwarura atatmate be ram ulia gin laem maita i gitanana nu tavuha avare. Itake alolona nu masiri gin hui i bobohan rebehira atatmate.

Matiu 23:28

Kimiu haḡea kunia. Atatu ram ḡita kimiu halavare be gin vavtutu. Ita alolomiu gin masiri gin tenteneana i silo dahadaha.

Matiu 23:5

Ginau gabe ram lolia, ram lolia n̄an be atatu ramen gitara. Gim ḡita tan̄ vavagaha huri udun Ravrava Sabuga gabe ram bauhia la rera i la limara be lalavoa maragai. I gim ḡita ḡereḡeren gaisagara be n̄an̄ava maragai.

Matiu 5:10

Irahei be atatu ram lol ḡagarasira huri nora lalaḡova vavtutu, kera haḡea rav ron̄ mwandavuha, huri be kera haḡea Ute Lavoa atamare vi vora nora.

Matiu 6:16

“La mahavana be giv garagara vwavwa, lolmatamiu si hav vin̄arin̄ari tehe, kun ira hoḡoiḡoro ram lolia. Kera geki ram lago mai lolmat vin̄arin̄ari, kun gabe maro mwa ḡasira, huri be vataha atatu vi gitara be ram ḡaragara vwavwa. Mwasigi, nam bevea lalai kimiu be kera geki gabe ram lolia kunia be ran lai tavwera huba.

Matiu 6:2

“La mahavana gim lai nomiu ginau vwate lalai ira hiru, gisav uv te taiva gi dovon̄ana, kun ira hoḡoiḡoro ram lolia lol imwa tataro i lolmatan ute be atatu ramen gitara ba binihi marahinira. Nam bev mwasigi lalai kimiu, bwatuna ran lolia kunia, ran lai tavwera huba.

Matiu 6:5

“Mahavana be gim dataro, gisav lolia te kun ira hoḡoiḡoro. Kera ram doron be rav tu amare ba dataro lol imwa tataro i mulei la hal bulbulu huri be atatu ramen gitara. Nam bev mwasigi lalai kimiu be kera gea gabe ram lolia kunia, ram lai tavwera huba.

Leo Tavuha gabe Luk nu Ravae 16:15

Jisas mwa bevea lalainira be, “Kimiu haḡea atatu gabe gim lol kimiu sibomiu kun be atat vatutu la lolmatan atatu duluai, take God mwa ilo nomiu binihiva duluai lol lolomiu. Huri havanau tehe be ran marahi lol binihiva non atatu kea ginau vuroi n̄an la lolmatan God.”

Leo Tavuha gabe Luk nu Ravae 20:47

ram gan bahiru ira bwero aten imwara i ram lol tataro n̄an̄ava be men gitana! Silo vevegi huria vi wasi liu!”

Leo Tavuha gabe Jon nu Ravae 7:18

Atatu gabe mwa avo gin non roron̄o sibona, wani gea mwa lol ron̄oe be vi lol roroainia sibona. Take wani gabe mwa doron be vi lol roroai wani be nu horae, kea mwa lol ginau mwasigi i kea mwa hav lol te ginau vahala.

Lalaḡova 15:1

Haḡe atatu rituai ram mai nin Judia vai Antiok ram bagahi sinombu ram bevea be, “Gisav rahu te dumwi vaivotu be vi tav dovon̄ana alumiu kun gabe silo non Moses mwa bevea.”

Lalaḡova 15:5

Haḡe ira binihimwasigi rituai alolora ira Varise ram du amare ram bevea be, “Vi tav dovon̄ana alun ira Lolobon̄i, i tai vagahira be rav huri silo non Moses.”

2 Korin 10:12

Gam n̄arin̄ari gam dadarihai kamai sibomai maira be ram binihia sibora be kera muan atatu. Kera sibora ram dadarihainira alura sibora, i ram harahara lalainira sibora be kera kunia. Geki mwa seserainia be ram hav ilo te havanau.

2 Korin 11:13

Kera gea ram hav vora te mwasin ira hala take kera atatun rovoga be ram dentene. Ram leahira sibora gitanara kun be ira hala non Kraes.

Kelesia 2:14

Lol taro be nan gitae be nan hav huri te mwasigi non Roroi Tavuha, nan avo mai Pita la lolmatara duluai. Nan vevea be, “Pita, giḡo vara ata Jiu, take gom hav togo te kun gabe giḡo varan Jiu. Gom dogo kun ira Lolobon̄i. I huri hano be kadogaha gom lol ron̄oe be gomen garoinira Lolobon̄i be ramen togo kun gabe varan ira Jius?”

Kelesia 2:3

Taetus nu togo maiau take nu hav garoiana tehe be vi lai tav dovon̄ana, kunia be kea ata Krik.

Kelesia 5:11

Ira tuaku, nam hav vagahi tehe be mwa du maragai be atatu vi lai tav dovon̄a. Be nav vagahi tav dovon̄a, huri hano haḡea ram bwalo maiau radu? Be nas vagahi tav dovon̄a radu, noḡu toretore huri volovolo si hav vora te ginau ririhai vwate.

Kelesia 6:13

Kera gabe ram dav dovon̄ara ram hav huri te silo sibora, take ram doron kimiu be rav tav dovon̄a alumiu huribe rav sagereinira huri hano be ram lol kimiu be giv lolia.

Filipae 1:15

Mwasigi be kera rituai ram doretore huri Kraes bwatuna be ram binbinihi hantai i ram binbinihi lavoa, take rituai ram doretore huri Kraes bwatuna be ram doron be ramen bului,

Filipae 2:4

Gisav binihi te n̄an huri rahumiu sibomiu, take giv binihi huri rahura atat dodolua mulei.

Filipae 3:18

Atatu ivusi ram dogo kun be ira ivwalu huri volovolo non Kraes. Vataha mahavana nan vevea lalai kimiu hurira i mwa loliau mataruaku mwa hovi be namen vevea lalai kimiu kadogaha.

Kolosi 2:23

Bwatbwatun ira silo geki gitavanana nu hav tavuha tehe, huribe ram haḡo alen̄ tentene n̄ano huri lin̄mulei. I ram lol gogona tentene lalai ira enjel, i ram lol ron̄oe be ramen vwalau rebehira gin alen̄a be nu marahi i nu wasi. Take ginau gea mwa hav buluira tehe be ramen vwalau rebehira nin alen̄an vuro lol rebehi.