Kelesia 5:21 - Hano Niu Testamen

²¹ ram botui tovtovo non atat dolua, ram mwinmwinu daltale, ram lol ginaganian lalavoa gin doroniv hantai i ram lol ginau dodolua kungeki. Nam lai avoan wasi lalai kimiu kadogaha kunia be nan laia amua: Kera be ram lol ginau keragea rasav haḡo te houn ute ratahigi non God.

Kelesia 5:21 ပူးပေါင်းရင်းမြစ်များ

Matiu 25:34

Haḡe inau siboku Ratahigi Lavoa nai vevea lalainira la mwatuaku be, ‘Gin mai, na kimiu gabe Tamaḡu nu vatavuhai kimiu. Gin mai ba lai rahuan gara gabe Tamaḡu nu lol vatuvwainia huri kimiu la bwatun tauva.

Leo Tavuha gabe Luk nu Ravae 21:34

“Giv mamata ḡoro kimiu sibomiu! Gisav mahin̄a tehe be giv van lol ginaganian lalavoa tagaro i gisav mwin te maragai wai i gisav binbinihi tehe huri rahuana geki, bereva Gubwen̄imwa gim mai vilvilehi,

Ravrava non Pol lalai ata Rom 13:13

Tav togo la alen̄ vavtutu, kun atatun ute rani. Ta sav la te bulbulu huri mwinmwin daltale huri ginau hantai. Atamwani mai atamwani rasav lol te bwatigoro ginginira sa vavine mai vavine. Bwaloana visigai mai binbinihi hantai.

Ravrava non Pol lalai ata Rom 8:13

Kebe gov lol ginau be binihimwa mwa doronia, gov mate huria ta kebe gov lolia la buluiana non Vui Sabuga be vi tuḡorogo nin ginau hantai be gov lolia la rebehimwa, kea gov haḡo rahuan tavuha.

1 Korin 15:50

Nam bevea kungeki ira tuaku, Rebehi i daga tanora sigai lol ute ratahigi non God. Rebehi be vi mate dumwi, si hav lai te dum rahuana be mosmosianana nu sigai. Take gitae! Nav vev ginau dahuligi geki lalainigo: Tasav maturu te n̄oto lol mateana, take tav leahi n̄oto.

1 Korin 5:11

Nam ravrava geki be namen vevea lalainigo be gosav bulbulu te maira be ram uloinira sibora be binihimwasigi lol Kraes take ram buroga lol rebehi mai rebehi, sage ram bugura, sage ram susura, sage ram ḡogonai nun vatu, sage ram sani atat dolua gin nora avoana, sage ram mwin wai taltale, sage ram ruruhi atat dodolua. Mwa du be gosav gan te ginau mai sinombu be kera kunia.

Ifisas 5:18

Gisav taltale tehe gin waen, gabe vi lol hantai rahumiu, take giv masiri gin vui.

Kolosi 3:6

Ginau kerageki mwa lol God mwa lolhoro. I vi hovi alura be ram hav ron̄oe tehe.

1 Tesalonaeka 5:7

Kera be ram maturu, ram maturu bon̄i. Kera be ram mwinmwin daltale, ram mwinmwin daltale lol ute bon̄i.

2 Tesalonaeka 2:5

Nan vevea lol taro be nan togo mai kimiu be ginau n̄oto geki vi loli. Gim hav vinihi te dumwia?

Hibru 13:4

I atatu duluai rai vinihi marahi silon lagiana, ira ahoai mai ira tasalai, giv togo bavtutu hurin silon lagiana gingin kimiu. God vi vevegi ihei tehe gabe ramuru sura be lagiana sigai, i ahoai mai tasalai be vwate mwa sura mai atatu dolua.

1 Pita 4:3

Amua gin lol bwarebware taromiu vaivusi i gim lol havanau be ira len̄len̄aga ran ron̄ mwandavuha ginia. Kimiu gin busbusi gin bwatigoro lol rebehi, doroniv hahantai, mwinmwin daltale, gisav mai tehe lol mwinmwin daltale be taḡana i bwatigoro mwa du alolona, nun vatu be mwa hav doroniana tehe mwa ḡogonai-ana.

Visirai 21:27

I havanau hantai mulei sihav mom haroro vai alolon bwatutun vanua gea. I rahuanan bwatigoro mulei sigai aia, sage tenteneana. Ira sinombu n̄an alolon bwatutun vanua vivora kera duluai gabe ihara nu ravana lol buka non Nitui Sipsip huri rahuana.

Visirai 22:15

Take atatu be ram lalaḡo hantai, ira vwiriu meto, gabwaleva i ira atat bwatigoro, i kera be ram gogonai nunu buhiga, maira duluai be ram doron be ramen tentene tagaro i ramen togo deḡeteḡe tagaro.