Kelesia 5:17 - Hano Niu Testamen

¹⁷ Nonda doroniva siboda mwa doron hano be mwa hav eno tehe lol Vui, i Vui mwa hav doron te hano be mwa en lol nonda doroniva. Ginau gairua geki ramuru barivarihainira, i gisav lol te dum hano n̄ano be gim doronia.

Kelesia 5:17 ပူးပေါင်းရင်းမြစ်များ

Matiu 12:30

“Ihei tehe mwa hav vora te ata aluku, mwa ivwaluiau. I ihei tehe mwa hav bul te haragaituvwa maiau, mwa lus bisalsalainia niniau.

Matiu 16:17

Jisas mwa bwaliua be, “Saemon nitun Jon, nu tavuha maragai lalainigo! Bwatuna be mwasigi geki mwa hav mai te lalainigo nin atatu vuroi, take mwa himai rahurahu nin Tamaḡu amare.

Matiu 16:23

Haḡe Jisas mwa ban burigai Pita, mwa bevea be, “Vis dagai niniau, Setan. Gosav lol te daturaiau. Huri be nom binihiva barabe binihiva non God, take binihiva non atatu n̄an.”

Matiu 26:41

Giv mamata ba dataro, bere gim hovi lol kalkaliana. Binihiva mwa rihumaragai, take vihogoi nu mandamanda.”

Matiu 5:6

Irahei be maro mwa ḡasira i ram mandou huri ginau vavtutu, kera haḡea rav ron̄ mwandavuha, huri be God vi lol bamasirinira.

Leo Tavuha gabe Luk nu Ravae 22:33

Pita mwa bwaliua mwa bevea be, “Ratahigi, nam lol dautau be nai van maigo lol imwa vauvauhi i nav mate bultai maigo!”

Leo Tavuha gabe Luk nu Ravae 22:46

Haḡe Jisas mwa bevea lalainira be, “Gim dol maturu huri hano? Gitol tomare ba dataro, huri be gisav hovi te lol kalkaliana.”

Leo Tavuha gabe Jon nu Ravae 3:6

Atatu be mwa bora gin vihogoi nin tamana, i ratahina kea vihogoi, ta kea gabe mwa bora gin vui, mwa bora Vui.

Ravrava non Pol lalai ata Rom 8:13

Kebe gov lol ginau be binihimwa mwa doronia, gov mate huria ta kebe gov lolia la buluiana non Vui Sabuga be vi tuḡorogo nin ginau hantai be gov lolia la rebehimwa, kea gov haḡo rahuan tavuha.

Kelesia 3:21

Mandovai gin binihiva be silo mwa hav dara tehe la tatauleo non God? Sigai hohoigi! Kea vi vora mwasigi n̄ano be silo vi lol gida tav vavtutu. Take God nu hav lai te silo be vi lai dum rahuana.

Jemes 3:2

Gida duluai tam lol vahalana ivusi. Kebe atatu rasav vev te ginau vahala, kera rav vavtutu i rav vwalau dum rebehira sibora.