Kelesia 5:11 - Hano Niu Testamen

¹¹ Ira tuaku, nam hav vagahi tehe be mwa du maragai be atatu vi lai tav dovon̄a. Be nav vagahi tav dovon̄a, huri hano haḡea ram bwalo maiau radu? Be nas vagahi tav dovon̄a radu, noḡu toretore huri volovolo si hav vora te ginau ririhai vwate.

Kelesia 5:11 ပူးပေါင်းရင်းမြစ်များ

Lalaḡova 16:3

Pol mwa doron be raru vi lago bul mai Timoti, i kunia mwa dav dovon̄ana aluna. Pol mwa lolia kungeki bwatuna be ira Jius duluai be ram dogo lol ute duluai gea ram iloe be taman Timoti kea ata Kris.

Lalaḡova 21:21

Kera ram ron̄oe huba be giḡo gom bagahi ira Jius be ram dogo la vanuan ira Lolobon̄i be rav derai Silo non Moses, i gom bevea lalainira be rasav tav te dovon̄ana alun ira nitura i rav derai silon vanuara rituai ira Jius.

Lalaḡova 21:28

Haḡe sinombu ram haharigi ram bevea be, “Ata Israel! Giv bului! Wani haḡea geki be mwa bano vataha ute mwa bagahi sinombu, i la non silo vagahi mwa ban burigai sinombu ata Israel, vaivotu silo non Moses, mai Imwa Tataro geki mulei. I kadogaha mwa lai ira Lolobon̄i rituai mulei vai teti alolon imwa Tataro ram lol bibili ute sabuga!” (

1 Korin 1:18

Silo vagahi huri volovolo kea mwa bora bwaḡele lalainira gabe ran sala, take lalai gida be tam rahu lol binihimwasigi, kea muramura non God.

1 Korin 1:23

Take gam doretore alun Kraes be nu voha bolvoloe. I geki mwa bora ginau vahala be gaivua lalai ira Jius, i ira Lolobon̄i ivusi ram binihia be ginau bwaḡelega.

1 Korin 15:30

I kun hanigi huri gida? Huri hano be tam dau gida lol ute hantai ḡaoḡao?

Kelesia 2:3

Taetus nu togo maiau take nu hav garoiana tehe be vi lai tav dovon̄ana, kunia be kea ata Krik.

Kelesia 3:1

Kimiu ata Kelesia nu vevean melmeloi lalai kimiu huri mateanan Jisas Kraes alun volovolo. Take kimiu ira taltaleana; gim lin̄ atatu vwate mwa ruruhigo.

Kelesia 4:29

Naturigi atamwani gabe nu vora la mwasin halan atatu mwa lol bwarebware tuana vwate. Kea nu kunia n̄an garigi.

Kelesia 6:12

Atatu rituai ram lol kimiu be ramen tav dovon̄ana alumiu, huribe ram sasagerega lol ginau ata lol rebehi n̄ano. Ram matagu be rav lol ḡagarasira be rav huri volovolo non Kraes.

Kelesia 6:17

Haḡe gisav lai tehe lalaiau taro ririhai mulei vwate. Dovon̄a abena la rebehiku be mwa seserainia be inau turin rovoga non Kraes Jisas.