Kelesia 5:1 - Hano Niu Testamen

¹ Tam haḡo maribwesi kadogaha, bwatuna be Kraes nu lol gida gi atat maribwesi. Giv tu wasigi. Gisav leahi tehe i ba ban mulei lol vauvauhi non silo.

Kelesia 5:1 ပူးပေါင်းရင်းမြစ်များ

Matiu 23:4

Ram bauhi ginau marahi i ram daua la gatigun sinombu. Take ram hav lol te ginau gaituvwa be ramen bului atatu ba datal ginau marahi gea.

Leo Tavuha gabe Luk nu Ravae 5:38

Take, waen gara vi sisiaiana vai lol bwelehu gara!

Lalaḡova 15:10

Be kunia, huri hano be kadogaha gim doron be giv ruruhi God ginia be gim ibi ira binihimwasigi gin ginau marahi, bwatuna ira sibida sage kamai sibomai mulei gan hav tatal te dum ginau marahi kunia?

Ravrava non Pol lalai ata Rom 6:14

Vuro si hav vora te nom radaiḡoro, huribe gom hav togo tehe halaten silo ta halaten hogoi non God.

Ravrava non Pol lalai ata Rom 6:18

God mwa lol gida tam du dagai nin vuro, i kadogaha gim bora turin ginau vavtutu.

Ravrava non Pol lalai ata Rom 7:3

Take kebe kea vi lagi mai atamwan dolua lol taro be ahoana mwa rahu radu, silo mwa bevea be kea mwa lol hantai ahoana. Kebe ahoana vi mate, kea nu mwa ribwesi nin silon lagiana. I kebe vavine vi lagi mai atamwan dolua, kea vorate mwa lol hantai ahoana.

Ravrava non Pol lalai ata Rom 7:6

Amua, silo nu haḡo gida kun atat vauhi, take rebehida be rebehi malea nu mate, i kadogaha gida tan ribwesi nin silo. I kadogaha tam dataro lalai God la hal gara mai vui, i vorate lol hal malea mai silo be nu ravana.

Ravrava non Pol lalai ata Rom 8:15

Vui sabuga gabe tam laia mwa hav lol te gida be tamen vora turin mataguana, kea mwa lol gida gi ira nitun God. Gin Vui Sabuga gea tam dei tam bevea be, “Tata.”

Ravrava non Pol lalai ata Rom 8:2

Sivi Kraes Jisas, silon Vui Sabuga be mwa lai rahuana mwa loliau nam du dagai nin silo be mwa lai vuro i mateana.

1 Korin 15:58

Ira tuaku, giv tu wasigi. Gosav lin̄ te ginau vwate be vi leahigo. Gov lin̄ mulei duluainigo huri rovoga non God, huribe gom iloe be nom rovoga lol God mwa hav van te kaburai.

1 Korin 16:13

Giv mamata, giv tu wasigi lol nomiu binihimwasigi garagusi vi haḡo doronhohov, i giv tu wasi.

1 Korin 7:22

Kera be ran vora ira turin rovoga lol taro be God nu uloinira kera ram bora maribwesi lolmatan God. La hala n̄an gea, atat maribwesi be Kraes nu uloinira ram bora non turin rovoga.

2 Korin 11:20

Matu gim haḡo dum alen̄ n̄ava maira be ram hora kimiu gim dalisi, sa ram haḡo kimiu, sa ram ruruhi kimiu, sa ram binihia be kera ran tavuha liu kimiu, sa ram dutui kimiu lolmatamiu.

2 Korin 3:17

Ratahigi, gea Vui, i behe be Vui non Ratahigi aia, maribwesi mwa dogo.

Kelesia 2:4

Gam bev ginau vahala geki bwatuna be atat binihimwasigi tentene rituai ran mai dahuligi lol nomai tatan̄ana. Ran mai kun gabe atat gita surai be ramen tul burigai mwasigi lol Kraes Jisas. Ran doron be ramen lol kamai i ira turin rovoga.

Kelesia 3:25

Kadogaha halan binhimwasigi garagusi nu mai, tam hav togo tehe halaten gitaḡoro.

Kelesia 4:26

Take Jerusalem atamare, kea kun vavin maribwesi i ratahida.

Kelesia 4:31

I ira tuaku, gida tan hav vora te ira nitun turin rovoga, take ira vavin maribwesi.

Kelesia 4:9

Take kadogaha gom ilo God mwasigi. Mwasigi, kea God be mwa ilogo. I huri hano be gom ban mulei huri ira silo mandamanda i silo lete be gon hurira amua? Gom doronia be goi vora turi huri ginau keragea mulei?

Kelesia 5:13

Ira tuaku, God nu uloi kimiu huba gi atat mwaribwesi, take gisav haḡo te nomiu ribwesiva gi hala vwate be vi lol kimiu gi atat vuroga sibomiu. Giv lol rovoga lalai kimiu sibomiu gin lolotabetabe.

Ifisas 6:14

Giv tu wasigi mai gaiweswesin mwasigi be gom sisia dalis bugimwa i gitaḡoro huri vavtutu lol bwabwamwa.

Filipae 1:27

Ginau gaituvwa n̄an be nam binihi maragainia. Be giv gitae be giv togo la hala be vi lai binihi marahi lalai Roroi tavuha huri Kraes. Be nam dogo mai kimiu sa nam lago dagai nin kimiu, be gim du wasigi mai binihiv gaituvwa, be giv lol rovoga bulbulu kun gaituvwa lol binihimwasigi garagusi huri Roroi Tavuha.

1 Tesalonaeka 3:8

Rahumai mwasigi mwa masiri be gim du wasi alolon Ratahigi.

2 Tesalonaeka 2:15

Ira tuaku, giv tu wasigi i giv binihimwasigi ira silo vagahi be gam laia lalainigo lol nomai avoana i nomai ravrava tuai.

Hibru 10:23

Tav haḡo wasi nonda doronhohov be tav bev luae, bwatuna be tam dau nonda butuana alun God be vi haḡo batugehi non tatauleo.

Hibru 3:14

I gida duluai tam bulu alun rovoga non Kraes la bwativuna huri be tav haḡo te dum alun udun tatauleo non God vai votui nogonana.

Hibru 3:6

Take Kraes, kea nitun God, i mwa binihi garagusi be vi gitaḡoro la imwan God. Batena be tav binihimwasigi wasigi alun God, i tam dau nonda binihiva mwa du wasigi aluna, gida tam mai gi imwan God.

Hibru 4:14

Gida tav haḡo wasi nonda binihimwasigi garagusi gabe tan vev luae huba. Huribe nonda muan Muai Tataroi gabe mwa hae i mwa du la lolmatan God sibona, kea Jisas nitun God.

1 Pita 2:16

Giv lin̄ kamai gi atat maribwesi, take gisav haḡo te nomiu maribwesi kun be ginau vwate be gimen lol alen̄ lete. Giv togo kun abe turin rovoga non God.

2 Pita 2:19

Ram datauleo lalainira be rav maribwesi, take kera sibora ram hav maribwesi tehe. Kera ram bora turin rovoga huri ginau be vi lolian kaburai. Huri atatu ram bora atat vauhi huri havanau tehe be mwa domuai nira.

Ravrava nin Jud 1:3

Ira tuaku, nam doron maragai be nav ravae lalai kimiu huri varahuva be tam dogo alolona lol God. Take nav ravae i nav hudali kimiu be giv bwalo mwasigi huri binihimwasigi garagusi be God nu laia lalai non atatu.

Visirai 2:25

take nam doron be kimiu giv haḡo wasi alen̄a gea be mwa en alumiu vaivotu be nai mai mulei.

Visirai 3:3

Giv vinihi dum silo vagahi be ran vagahi kimiu tuai aluna: giv vinihi mwasigi nia i giv van burigai nin vuromiu. Be gisav mamata tehe, nav mai huri kimiu kun gabe, atat surasura, i gisav ilo te dum mahavan taro gabe nai mai;