Kelesia 4:4 - Hano Niu Testamen

⁴ Take lol taro be taro vavtutu mwa mai, God nu hora nituna, be nu vora nin vavine i nu togo halaten silo.

Kelesia 4:4 ပူးပေါင်းရင်းမြစ်များ

Matiu 1:23

“Daulato vwate be mwa hav ilo te atamwani radu, vi ros atatu. Vi haḡo nituna atamwani i rav huri ihana gi Emanuel.” Iha gea Emanuel binihiva be “God mwa dogo mai gida.”

Matiu 3:15

Haḡe Jisas mwa bwaliua be, “Gov lin̄ia vi vora kunia magea. Nu vavtutu be tav lolia kunia, huri be tav lol dum doroniva non God duluai.” Haḡe Jon mwa siv mahin̄a be vi garuhisabugainia.

Matiu 5:17

“Gis hav vinihia tehe be inau nam mai be namen vohai kaburai Silo non Moses mai silo vagahi non ira atatun vevsera. Inau nam hav mai tehe be namen lol kaburainira, ta be namen seserai mwasin binihiva ata lol nora silo vagahi.

Leo Tavuha gabe Mak nu Ravae 1:15

Mwa bevea be, “Mwasin mahavana nu votu huba i Rahuan gara gabe God mwa Ratahigi ḡoro non sinombu alolona mwa sosori! Giv van burigai nin vuromiu ba binihimwasigi Roroi Tavuha!”

Leo Tavuha gabe Luk nu Ravae 1:31

Gov ros atatu i gov haḡo nitumwa atamwani, i gov huri ihana gi Jisas.

Leo Tavuha gabe Luk nu Ravae 1:35

Take enjel mwa bwaliua be, “Vui Sabuga vi himai alumwa, i roron̄o non God vi malugo; bwatuna kea vi uloi naturigi vi vora abemwa be naturigi sabuga vi uloiana be Nitun God.

Leo Tavuha gabe Luk nu Ravae 2:7

Kea mwa haḡo nituna muai bwana atamwani, mwa nubwae lol gavu, i mwa lidua lol tanon ginau gan buluki bwatuna tanora nu sigai lol imwa tausala.

Leo Tavuha gabe Luk nu Ravae 20:44

Deved nu uloinia be ‘Ratahigi.’ Be kunia Kraes vi vora ata la varan Deved kunhanigi?”

Leo Tavuha gabe Jon nu Ravae 1:14

Haḡe Avoana mwa bora atatu, mwa masiri gin hogoi i mwasigi, i mwa dogo mai gida. Tam ḡita sarisarina, sarisari gabe nu laia kun gabe Nitun vora gaituvwa non Tamana.

Leo Tavuha gabe Jon nu Ravae 10:36

Huriau, Tata nu gita luau i nu horau vai lol ureure. Kunhanigi, gim bevea be nam av hantai huria be nam bevea be inau Nitun God.

Leo Tavuha gabe Jon nu Ravae 3:16

Huri God mwa dabe mutai ureure haḡe mwa horau, inau gabe mwasin Nituna vora gaituvwa be irahei gabe rav binihimwasigiau, rasav mate tehe ta rav rahu vai tuai.

Leo Tavuha gabe Jon nu Ravae 6:38

bwatuna nan himai nin lol ute atamare be nav lol doroniva non wani gabe nu horau mai ta barabe noḡu doroniva siboku.

Leo Tavuha gabe Jon nu Ravae 8:42

Haḡe Jisas mwa bevea lalainira be, “Be God mwasigi Tamamiu, mwa du be giv tabeau; bwatuna be nan mai nin God i kadogaha inau teti. Nan hav mai tehe alun noḡu doroniva siboku, take kea nu horau.

Lalaḡova 1:7

Jisas mwa bevea lalainira be, “Mahavan tanona i gubwen̄i mwa du alun muramura non Tamaḡu sibona i mwa hav vora te nomiu be gimen ilo mahavana be baten hano rav loli.

Ravrava non Pol lalai ata Rom 1:3

Roroi tavuha kea huri Nitun God, Jisas Kraes. Nu kun atatu, kea nu vora nin varan Deved. Take sivi muramura non Vui Sabuga kea nu gita luae gi nitun God huribe God nu lolia mwa domare mulei nin mateana, kea Jisas Kraes nonda Ratahigi.

Ravrava non Pol lalai ata Rom 15:8

Nam bevea lalainigo be Kraes nu vora atatun rovoga non ira Jius huri be nu lolia be, tatauleo non God lalai ira sibira vi mwasigi.

Ravrava non Pol lalai ata Rom 5:6

Lol taro gea be nonda muramura sigai radu be tamen mai gi atat vavtutu la lolmatan God, lol mahavan taro be God nu tovoe, Kraes nu mate be vi varahu atat vuroga.

Ravrava non Pol lalai ata Rom 8:3

Silo gea roron̄ona sigai, huribe silo gea mwa loliana mwa mamara gin vuroda siboda. Ta God mwa lol hano gabe silo si hav lol te dumwia. Nu hora nituna vai lol ureure mai rahuana n̄ano kun gida, ke atatu rituai ram lol rahu gi tanon vuro. Mwa hora nituna kun gabe tataroi tuntun be men vol vuroda, God mwa lol rahun atatu be men lol kaburai vuro.

Ravrava non Pol lalai ata Rom 9:5

Kera haḡea varan ira sibida, i kera mulei ran togo lol taron Kraes be nu vora, kea be God ḡoro gida sinombu duluai, tav uloi roroainia vai tuai i tuai! Amen.

Ifisas 1:10

Nona be vi lol haraharai non taritari duluai, i batena be mwasin tarona mwa mai, be ginau duluai lol mahao i lol ureure rai bulu duluai utegaituvwa lol Kraes kun be bwatu gaituvwa,

Kolosi 2:14

Mwa lin̄ kaburai vuro, gabe God nu ravae mai ira silo vevegi duluai huria i mwa lol nogonogoinia lol taro be mwa boha bolvoloana la volovolo.

1 Timoti 2:6

Nu mahin̄ainia sibona be vi vora varahun sinombu. Geki mwa lol ḡigilainia la mwasin tarona be God mwa doron atatu duluai be rav rahu.

1 Timoti 3:16

Tanon binihiv gairuruai sigai, rahuda dahuligi huri gogonai gaivua maragai: Kea nu seserainia lalai gida lol rebehin atatu, nu dovon̄ainia be nu vavtutu lol Vui, i nu gitana gin ira enjel. Kea nu toretore lalainira be ram hav vora te ira varan Israel, binihimwasigi lol ureure, i God mwa lai luau vai amare lol sarisari.

Hibru 2:14

Kamai sinombu lol rebehi i daga. Bwatuna haḡea Jisas mwa bora kun kamai vwate. Kea nu mate huri be vi lol kaburai atmate, kea nu muramura ḡoro mateana.

Hibru 9:10

Ira silo gea ram bevea huri ginaganiana i wai mai alen̄an bwagabwaga ginau. Ira silo geki rav tu vaivotu be God vi leahi ginau duluai vi mai gi ginau gara. Take kadogaha Kraes nu mai huba gi muai tataroi huri ginau tavtavuha be vi mai.

1 Jon 4:14

God nu hora Nituna be vi vora Varahun ureure. Gida tan gita Nituna, i kadogaha tam bev sera huria lalai atat dodolua.

1 Jon 4:2

Giv iloe be vui mwa mai nin God sa sigai. Be ihei tehe si vevea be Jisas Kraes nu vora atatu i mwa bora lol ureure, wani gea Vui non God alolona.