Kelesia 4:3 - Hano Niu Testamen

³ Kunia mulei huri gida. Gida lol taro vwate kun naturirigi, atat vauhi lalai ira silo lete lol ureure geki.

Kelesia 4:3 ပူးပေါင်းရင်းမြစ်များ

Matiu 11:28

“Kimiu duluai be gim lol rovoga hahavwani, i gim datal ginau marahi, giv mai huriau, i nav lai mambuana lalai kimiu.

Leo Tavuha gabe Jon nu Ravae 8:31

Haḡe Jisas mwa bevea lalainira be ram binihimwasiginia be, “Be kimiu giv tabe noḡu silo vagahi kimiu haḡea mwasin noḡu roron̄tai mwasigi;

Lalaḡova 15:10

Be kunia, huri hano be kadogaha gim doron be giv ruruhi God ginia be gim ibi ira binihimwasigi gin ginau marahi, bwatuna ira sibida sage kamai sibomai mulei gan hav tatal te dum ginau marahi kunia?

Ravrava non Pol lalai ata Rom 7:14

Gida tam iloe be silo God nu taua, take nam hav sabuga tehe nu tau bwatuna be vuro nu tomuaiau kunia be nan vora non turin rovoga.

Ravrava non Pol lalai ata Rom 8:15

Vui sabuga gabe tam laia mwa hav lol te gida be tamen vora turin mataguana, kea mwa lol gida gi ira nitun God. Gin Vui Sabuga gea tam dei tam bevea be, “Tata.”

2 Korin 11:20

Matu gim haḡo dum alen̄ n̄ava maira be ram hora kimiu gim dalisi, sa ram haḡo kimiu, sa ram ruruhi kimiu, sa ram binihia be kera ran tavuha liu kimiu, sa ram dutui kimiu lolmatamiu.

Kelesia 2:4

Gam bev ginau vahala geki bwatuna be atat binihimwasigi tentene rituai ran mai dahuligi lol nomai tatan̄ana. Ran mai kun gabe atat gita surai be ramen tul burigai mwasigi lol Kraes Jisas. Ran doron be ramen lol kamai i ira turin rovoga.

Kelesia 3:19

Haḡe hano haḡea silo huria? Mwa laiana be men seseraiana be ginau hahantai be atatu ram lolia nu hav huri te doroniva non God. I nu loli rahurahu vaivotu raumatan vara, be nu tatauleo ran mai. Silo gea nu laiana sivi ira Enjel be ran haḡo Moses gi nora tamwata be vi lai silo lalai atatu.

Kelesia 4:2

Lol taro be kera naturirigi, mwa du maragai be rav tabe kera be nu gitan luae be rav gitaḡorora. Take lol taro be naturirigi ram botui taulu be ira tamara ran gita dautaua, ram maribwesi.

Kelesia 4:24

Vevuri geki kea nunu vwate be mwa bagahi huri ginau dolua vwate: vavine gairua gea ramuru dovon̄ai leowasi gairua lol davolan God mai non sinombu. Heka turin rovoga mwa dovon̄ai dameiana be nu lolia la vusi Saenae. Atatu be mwa bavara ram bora turi.

Kelesia 4:25

Heka mulei mwa bora dovon̄a huri vui Saenae lol vanua Arabia i bwatun vanua lavoa Jerusalem be mwa du teti. Kea mai ira nituna ram bora ira turi.

Kelesia 4:31

I ira tuaku, gida tan hav vora te ira nitun turin rovoga, take ira vavin maribwesi.

Kelesia 4:8

Amua gon hav ilo te God, i gon vora turi lalai tagaro be mwa hav vora te mwasina.

Kelesia 4:9

Take kadogaha gom ilo God mwasigi. Mwasigi, kea God be mwa ilogo. I huri hano be gom ban mulei huri ira silo mandamanda i silo lete be gon hurira amua? Gom doronia be goi vora turi huri ginau keragea mulei?

Kolosi 2:20

Lol taro be gon mate mai Kraes i mwa lai luago nin ira Vui hantai ata lol ureure, huri hano haḡea gom lolia kun gabe gam dogo lalai ureure radu be gom huri ira silo kungeki.

Kolosi 2:8

Gov iloe be atatu vwate si hav tomuai te dagainigo gin silo vagahi tentene gabe mwa mai nin atatu n̄ano, be mwa mai nin ira Vui hantai ata lol ureure geki, i vorate nin Kraes.

Hibru 5:12

Tarona radu abena be kimiu giv vora vagahi, take gim doron vagahi be atatu vi vagahi kimiu gin muan silo vagahi huri roroi non God. Kunia be tarona be gisav gan te ginau wasi radu, take mwa du be giv huhu radu.

Hibru 7:16

Kea mwa hav haḡo te rovoga non lalaḡo huri silo gea be mwa dovon̄ainia be varan ira tataroi. Kea mwa haḡo rovoga non lalaḡo huri muramuran rahuna gea be sihav nogo te dumwi.