Kelesia 4:19 - Hano Niu Testamen

¹⁹ Ira nituku, mulei nam ron̄ ḡagarasin bavavana hurigo vaivotu gom mai mwasigi kun Kraes.

Kelesia 4:19 ပူးပေါင်းရင်းမြစ်များ

Leo Tavuha gabe Luk nu Ravae 22:44

Jisas mwa n̄ala gin non ron̄ḡagarasi gaivua, i mwa dataro hahavwani; mamaonona mwa duturu kun daga vai lol tano.

Ravrava non Pol lalai ata Rom 13:14

Take gov sagago mai ratahigi Jisas Kraes i gov vinihi malioi vuro be gom lolia hurin binihimwa sibomwa.

Ravrava non Pol lalai ata Rom 8:29

God mwa ilora amua vuri mwa siv lol ureure, i mwa bevea be rai vora kun nituna, huribe Jisas vi vora tuagai lol ira huhugaituvwa ivusi.

2 Korin 12:14

Kadogaha nam lol dautau be nav mai abemiu vatoluna, i nasav vora te marahin rovoga lalai kimiu. Nam hav doron te havanau nin kimiu, take kimiu haḡea. Naturigi mwa hav doron tehe be rav lol ḡoḡo huri be rav hogoi lalai ira tamara i ratahira. Tama i ratahi rasav lol te ḡoḡo huri be rav hogoi lalai ira nitura.

Ifisas 4:13

Mwa du be rovoga geki vi van rahurahu vaivotu be gida duluai tai bulu haragaituvwa lol binihimwasigi garagusi iloute alun nitun God. Mwa du be gida tav mai kun gabe atatu be nu metue, tav mauri havava tai mai kun Kraes i tav lai non vavtutu.

Ifisas 4:24

be giv mai gi atatu gara. Atatu gara gea nu loliana be vi vora kun God nu loliana be vi tavuha mwasigi i vi sabuga.

Filipae 1:8

God mwa iloe be nam doron maragai be nav gita kimiu, bwatuna be nam dabe kimiu duluai nin irubwin Kraes Jisas.

Filipae 2:17

Nomiu binihimwasigi garagusi mwa lol kimiu gim lin̄ rahumiu kun be tataroi lol rovoga lalai God. Nam lai mwasin dagaku mai nomiu tataroi tuntun, nav ron̄ mwandavuha i nav masiri lol samsamwara gin kimiu duluai.

Filipae 2:5

Lol rahumiu giv binbinihi i giv lalaḡo kun Kraes Jisas.

Kolosi 1:27

Taritari non God be vi lol non sinombu rav ilo huri non roso sabuga i ginau dahuligi mutai be mwa haḡoe huri sinombu duluai. Ginau mutai dahuligi gea kea Kraes be mwa dogo alolomwa, doronhohov huri sarisari.

Kolosi 2:1

Nam doron giv ilo taro ririhai be nan lol rovoga huri kimiu, kera Laodisia, i kera dodolua be vorate ram ḡita hohoiau.

Kolosi 3:10

Gom saga gaisagan rahuan gara, kebe mwa lol garainigo i gom mai kun wani gabe nu loligo. Rahuan gara geki mwa lai lalainigo iloilo nin God.

Kolosi 4:12

Epavras, atatun rovoga non Jisas Kraes, lol nomiu tatan̄ana, mwa lai non avoan helheloi lalai kimiu. Mwa dataro vataha gubwen̄ hurigo be gov mauri lol Vui Mituaga i gov haḡo ginau duluai be God mwa doronia hurigo.

1 Tesalonaeka 2:7

gaituvwa be ira hala non Kraes, gas haḡo dum nomai roron̄o ḡoro kimiu. Take gam maḡemu mai kimiu, kun ratahi be mwa ḡitaḡoro ira nituna be ririgi radu.

1 Timoti 1:2

Lalai Timoti, kea mwasin nituku lol binihimwasigi garagusi: Hogoi, sine hagavi i tamwata nin God Tata i Kraes Jisas nonda Ratahigi.

Taetas 1:4

Lalai Taetus, mwasin nituku lol binihimwasigi be gam betea. Hogoi tavuhai i tamwata nin God Tata i Kraes Jisas varahuda.

Filimon 1:10

Loloku mwa onda hurigo, huri nituku Onesimas, gabe nu vora nituku mahavana be inau nan togo lol imwa vauvauhi.

Filimon 1:19

Inau, Pol, nam ravae kunia gin mwasin limaḡu. Nai vol muleinia, i nasav vevea te huri ginau vwate be gin lolia lalaiau huri rahumiu sibomiu.

Hibru 5:7

Lol taro be Jisas nu rahu teti lol ureure, lol mahavan non tataro mwa hudaligi gin deiana gaivua i mataruana mwa duturu lalai God. Huria be God nu muramura be vi varahua atagun mateanana. Haḡe bwatuna be alen̄ana nu vavtutu i nu maḡemu bwatuna gea God mwa ron̄oe.

Jemes 1:18

God nu vinihi tuhi be vi lai rahuana sivi avoan mwasigi be tai vora raumatan ginau duluai lol ginau duluai be nu lolia.

1 Jon 2:1

Ira nituku nam ravae geki huria be gisav vuroga tehe. Take be tas vuroga, Jisas Kraes atat vavtutu mwa du la lolmatan God huri gida. Kraes kea nonda tataroi gabe mwa lai dagai vuroda i vuron sinombu duluai lol ureure.

1 Jon 2:12

Ira nituku, nam ravae geki lalai kimiu, bwatuna be vuromiu nu binihi kaburainia la ihan Kraes.

1 Jon 5:21

Ira nituku, giv tu dagai nin ira tagaro tentene.

3 Jon 1:4

Ginau vwate mwa hav lai te samwarana liu lalaiau ninia be namen ron̄oe be ira nituku ram huri halan mwasigi.