Kelesia 4:14 - Hano Niu Testamen

¹⁴ Len̄len̄a be noḡu harova nu vora ginau hantai lalai kimiu, gin hav varihaiau tehe sage gin hav lolia tehe be nai vano. Take gim lai ḡoḡoau kun gabe enjel nin God, kun gabe inau Kraes Jisas sibona!

Kelesia 4:14 ပူးပေါင်းရင်းမြစ်များ

Matiu 10:40

“Ihei tehe be vi lai ḡoḡo kimiu, mwa lai ḡoḡoau. I ihei be mwa lai ḡoḡoau, mwa lai ḡoḡoe gabe mwa horau.

Matiu 18:5

Be ihei tehe mwa lai ḡoḡo naturigi kungeki lol ihaku, mwa lai ḡoḡoau.

Matiu 25:40

Haḡe inau Ratahigi Lavoa nai vwaliura be, ‘Nam bev mwasigi lalai kimiu be, gin lolia kunia lalai tuaku vwate gabe tirigi ninira tuaku duluai, kun gabe gin lolia lalaiau siboku.’

Leo Tavuha gabe Luk nu Ravae 10:16

Haḡe Jisas mwa bevea lalai non roron̄tai be, “Ihei tehe mwa ron̄ kimiu mwa ron̄oau; take ihei tehe mwa barihai kimiu mwa barihaiau; i ihei tehe mwa barihaiau mwa barihai wani gabe nu horau.”

Leo Tavuha gabe Jon nu Ravae 13:20

Nam bev mwasigi lalai kimiu be, ihei tehe mwa lai ḡoḡo atatu vwate gabe nan horae mwa lai ḡoḡoau mulei; i ihei tehe mwa lai ḡoḡoau mwa lai ḡoḡoe gabe nu horau.”

1 Korin 1:28

Hano be ureure mwa ḡita bahivoinia i mwa binihia be kea ginau vuroi n̄ano kea havanau be God nu haḡoe be vi lol kaburaiana i havanau be ureure mwa binihia be kea raumatana.

1 Korin 4:10

Bwatuna be tam lol rovoga huri Kraes, tam mai gi bwaḡele lolmatan atatu, take kimiu gin mataisaoga huribe kimiu non Kraes. Atatu ram ḡita bahivoi kamai, take ram binihi marahi kimiu.

2 Korin 5:20

Gam bora horata be gai vevuri huri Kraes. Kea kun be God mwa uloi kimiu sivi kamai. Kamai gam avo huri Kraes: batena be gam hudali kimiu be giv to lol tamwata mai God.

Kelesia 3:26

Kimiu n̄oto gin garuhisabuga lol Kraes, i gin saga kimiu gin Kraes. Geki gin binihiva be kimiu duluai ira nitun God sivi binihimwasigi garagusi lol Kraes Jisas.

Kelesia 3:28

Lol Kraes nu hav vora te dolua lol davolan ira varan ira Jius mai ira Lolobon̄i, atat vauhi i atat maribwesi, atamwani i vavine, kimiu n̄oto gin dadariha lol Kraes Jisas.

Kelesia 4:13

Gin vinihi dumwia be ron̄ mwahantai be nan mai abemiu muana, nan toretore huri Roroi Tavuha.

Kelesia 4:15

Gim ron̄ mwandavuha mulei, take behe haḡea ron̄ mwandavuha gea kadogaha? Nan lol vatuvwai be nai vev luae be giv lai lua matamiu giv laia lalaiau be vi dumwi.

1 Tesalonaeka 2:13

Mulei, gam avkari God bwatuna be batena be gin ron̄ non roroi nin kamai, gin lai ḡoḡoe kun be avoana non God, nu hav vora te avoana non atatu. I mwasigi be avoana non God, nu hav vora te avoana non atatu. I mwasigi be avoana non God be mwa lol rovoga alolomiu be gim binihimwasigi.

1 Tesalonaeka 4:8

Ihei tehe be mwa hav tabe te non silo vagahi, mwa hav daha te atatu, take God gabe mwa lai non Vui Sabuga lalai gida.

Hibru 13:2

Giv vinihi dum silo lai laiḡoḡo tausala la vanuamiu. I atatu rituai ram laiḡoḡo ira enjel vai la vanuara take ram hav iloe tehe.