Kelesia 3:29 - Hano Niu Testamen

²⁹ Be giḡo lalai Kraes, i giḡo vara ata la Ebraham. Giḡo gov lai tanoi duluai lol vatavuha non God bwatuna tatauleo be God nu laia lalai Ebraham.

Kelesia 3:29 ပူးပေါင်းရင်းမြစ်များ

Matiu 3:9

Mulei gisav ravravwega tehe, kunia be gim bevea tagaro lalai kimiu sibomiu be, ‘Gida ira nitun Ebraham.’ Nam bev mwasigi lalai kimiu be God vi lol dum vatu kera geki ram du rai vogi gi ira nitun Ebraham!

Ravrava non Pol lalai ata Rom 8:17

Kebe tai vora ira nitun God, tau lai vatavuha nin God saraḡo mai Kraes. Tav tau ron̄ḡagarasi kunia be Kraes nu ron̄ḡagarasi huribe tav sarisari kunia be Kraes nu sarisari.

1 Korin 15:23

Take atatu n̄oto rav tomare huri rahuana la mwasin halana: Kraes kea nu tomare muana. Lol taro be Kraes vi mai mulei, kera be bilana rav tomare lol rahuana,

2 Korin 10:7

Giv garere huri ira lalaḡova be ran loli lol matamiu. Be giv binihi dumwia be kamai mulei bilan Kraes kun kimiu.

Kelesia 3:16

God nu lol tatauleo saraḡo lalai Ebraham i lalai sibina. God nu hav vevea tehe be, “i lalai ira sibimwa.” Kea gin binihiva be atatu gaituvwa n̄ano; atatu gea, kea Kraes.

Kelesia 3:18

Be silo gea vi lai lalai gida vatavuha non Ebraham, vuvuri tatauleo gea si hav vora te ginau vwate. Take kea si hav dumwi tehe, bwatuna God gin sine hagavi mwa lai non vatavuha lalai Ebraham sivi tatauleo be nu lolia.

Kelesia 3:28

Lol Kraes nu hav vora te dolua lol davolan ira varan ira Jius mai ira Lolobon̄i, atat vauhi i atat maribwesi, atamwani i vavine, kimiu n̄oto gin dadariha lol Kraes Jisas.

Kelesia 3:7

I gov iloe be ira mwasin nitun Ebraham kera be ram haḡo binihimwasigi garagusi.

Kelesia 4:1

Nam doron be nai vev lalainigo ginau geki: Lol taro be kera be rav haḡo manduen ira tamara ran vora naturirigi radu, ran hav dolua tehe nin ira turin rovoga. Len̄len̄a be naturirigi kera gea rav gitaḡoro ginau n̄oto.

Kelesia 4:7

I kadogaha gim hav mom bora te turin rovoga, giḡo nitun God, i God vi lai lalainigo vatavuha be nu tatauleo huria, bwatuna giḡo nituna.

Kelesia 5:24

Kera gabe ram dogo lalai Kraes Jisas ram boha volvol mulei vurora sibora. Ram lin̄ mulei nora ron̄ova ata tuai i ginau hahantai be ram doronbe ramen lolia.

Kelesia 6:16

Tamwata i sine hagavi lalainira be ram huri silo geki i lalai atatu non God duluai.

Ifisas 3:6

Geki haḡea ginau dahuligi gea: be sivi Roroi Tavuha, ira Lolobon̄i rav bulu mai ira Jius lol vatavuha non God. Kera bilan rebehi n̄an gea, i ram bulbulu utegaituvwa lol tatauleo be God mwa lolia lol Kraes Jisas.

Taetas 3:7

Tam mai bavtutu mai God alun non hogoi, tam lai dum doronhohov be tav lai rahuana be sihav nogo tehe.

Hibru 1:14

Ira enjel havanau? Enjel kera n̄an ira vui gabe mwa horara be rav lalaḡo lalai sinombu be rav lai varahuva.

Hibru 11:18

God nu vevea huba lalainia be, “Sivi Aisak, varamwa vivora ivus daltalei, huria be rav haḡo ihamwa.”

Hibru 11:7

Haḡe bwatuna gabe Noa nu binihimwasigi garagusi alun God, bwatuna haḡea kea mwa ron̄ avoana non God, mahavana gabe God nu vev lua ginau duluai gea lalainia amua raduai mahavana be atatu vwate nu hav gitae te radui. Haḡe bwatuna gea kea mwa dabe silon God, i mwa boha waḡa gaivua gea huri be vi varahu ira varana aluna. I la hala gea kun be God mwa bevegi sinombu, i mwa lol Noa mwa bora atat vavtutu lolmatana bwatuna be mwa binihimwasigi garagusi aluna.

Hibru 6:17

God nu lol non tatauleo huba, i mwa doron be vi lolira kera gea be rav lai dum ginau be nu tatauleo huria, i ram iloe be non binihiva sihav leahi te dumwi. Haḡe bwatuna haḡe gea mwa avo alun ihana sibona, be men lol non tatauleo sibona gim wasi mulei. I kadogaha avoana non God gairua, i avoana gea non tatauleo, mai avoana gea be men lol non avoana gim wasi.

Jemes 2:5

Giv roron̄tai ira tuaku! God mwa ḡita lua ira hiru lol ureure be rav rosoga lol binihimwasigi garagusi, i rav haḡo ute ratahigi be God nu tatauleo huria lalainira be ram dabea.

Visirai 21:7

Ihei be nu rihu maragai, vi haḡo houn ginau duluai, i inau nai vora nora God i kera rai vora noḡu sinombu.