Kelesia 3:21 - Hano Niu Testamen

²¹ Mandovai gin binihiva be silo mwa hav dara tehe la tatauleo non God? Sigai hohoigi! Kea vi vora mwasigi n̄ano be silo vi lol gida tav vavtutu. Take God nu hav lai te silo be vi lai dum rahuana.

Kelesia 3:21 ပူးပေါင်းရင်းမြစ်များ

Leo Tavuha gabe Luk nu Ravae 20:16

Haḡe kea be, vi mai vi wehi bamatera duluai i vi hagai talu lalai gitaḡoro dodolua.” Batena sinombu ram ron̄ avoana uhu ram bevea be, “Sigai sihav ḡunia tehe.”

Ravrava non Pol lalai ata Rom 3:31

I ke gida tam lol bwarebware silo be tam huri halan binihimwasigi garagusi? Sigai! Binihi mwasigi mwa lol gida tav lol ginau be Silo mwa doronia.

Ravrava non Pol lalai ata Rom 3:4

Sigai! God vi garoinia vi vev mwasigi vi vut be sinombu duluai rav tentene. Kunia be ravrava sabuga mwa bevea be: “Giḡo gov maserasera huri mwasigi lol taro be ram bevegigo, tagaro giḡo gom haravira.”

Ravrava non Pol lalai ata Rom 3:6

Sigai! Kebe God sihav vevegi te dum gida, kea sihav vevegi te dum ureure.

Ravrava non Pol lalai ata Rom 9:31

Ata Israel ran lol ron̄oe be ramen huri silo ba lolira sibora be ramen vavtutu lolmatan God. Take ran hav lol te dumwia.

2 Korin 3:7

Silo be nu mai, mai mateana nu ravana alun vat tatavola. Nu mai, mai sarisari God, be nu lol lolmatan Moses mwa sarisari be ata Israel ran habwea nu ririhai be rav gitae bwatuna be sarisarina nu wasi maragai. Take gigita gea nu hav vora te n̄ava mwa bisdagai.

Kelesia 2:17

Lol taro be kamai ira Jius gam siro hala be gav lol tavuha lalai God, gam habwea be kamai atat vuroga mulei. Geki gin binihiva be Kraes mwa lol kamai gam buroga? Sigai!

Kelesia 2:19

Kea silo haḡea be nu tauau lol mateana, i nan mate lalai silo gea huribe kadogaha nav togo huri God.

Kelesia 2:21

Be nam bev ginau kerageki nam hav vano tehe alun hogoi non God, kea mateanan Kraes vi vora ginau vuroi n̄ano.

Kelesia 6:14

Nam ilo be nasav sagesagerega tehe huri ginau kunia. Volovolo non Jisas kea n̄ano be mwa lolia nam av sagesagerega. Sivi volovolo non Jisas Kraes, noḡu Ureure mwa boha bolvoloana, i nam mate lalai Ureure.

Hibru 11:7

Haḡe bwatuna gabe Noa nu binihimwasigi garagusi alun God, bwatuna haḡea kea mwa ron̄ avoana non God, mahavana gabe God nu vev lua ginau duluai gea lalainia amua raduai mahavana be atatu vwate nu hav gitae te radui. Haḡe bwatuna gea kea mwa dabe silon God, i mwa boha waḡa gaivua gea huri be vi varahu ira varana aluna. I la hala gea kun be God mwa bevegi sinombu, i mwa lol Noa mwa bora atat vavtutu lolmatana bwatuna be mwa binihimwasigi garagusi aluna.

Hibru 7:18

Avoana geki mwa lai dagai avoana gea gabe nu togo amua, bwatuna be nu hav muramura tehe, i sihav lol te dum ginau vwate.

Hibru 7:19

Silo non Moses gea nu hav dadariha te dumwi be vi vavtutui ginau vwate be nu vavtutu. Take kadogaha alen̄a vwate dolua be nu tavuha nu visirae huba, huria be tav tau nonda doronhohov wasigi aluna. I alen̄a gea mwa do mwa lai gida tan mai sosori gin God.