Kelesia 3:18 - Hano Niu Testamen

¹⁸ Be silo gea vi lai lalai gida vatavuha non Ebraham, vuvuri tatauleo gea si hav vora te ginau vwate. Take kea si hav dumwi tehe, bwatuna God gin sine hagavi mwa lai non vatavuha lalai Ebraham sivi tatauleo be nu lolia.

Kelesia 3:18 ပူးပေါင်းရင်းမြစ်များ

Ravrava non Pol lalai ata Rom 8:17

Kebe tai vora ira nitun God, tau lai vatavuha nin God saraḡo mai Kraes. Tav tau ron̄ḡagarasi kunia be Kraes nu ron̄ḡagarasi huribe tav sarisari kunia be Kraes nu sarisari.

Kelesia 2:21

Be nam bev ginau kerageki nam hav vano tehe alun hogoi non God, kea mateanan Kraes vi vora ginau vuroi n̄ano.

Kelesia 3:10

Take kera be ram dogo n̄ano ram huri silo be men lolira ramen vavtutu ram dogo halaten vevegi, bwatuna ravrava sabuga mwa bevea be, “Ihei tehe vi lai vevegi be mwa hav gogonai te hano be nu ravana lol bukan silo.”

Kelesia 3:12

Silo be mwa hav tu tehe la binihimwasigi garagusi. Mwa bevea be, “Atatu be mwa dabe ginau kerageki vi rahu bwatuna ginau kerageki.”

Kelesia 3:16

God nu lol tatauleo saraḡo lalai Ebraham i lalai sibina. God nu hav vevea tehe be, “i lalai ira sibimwa.” Kea gin binihiva be atatu gaituvwa n̄ano; atatu gea, kea Kraes.

Kelesia 3:26

Kimiu n̄oto gin garuhisabuga lol Kraes, i gin saga kimiu gin Kraes. Geki gin binihiva be kimiu duluai ira nitun God sivi binihimwasigi garagusi lol Kraes Jisas.

Kelesia 3:29

Be giḡo lalai Kraes, i giḡo vara ata la Ebraham. Giḡo gov lai tanoi duluai lol vatavuha non God bwatuna tatauleo be God nu laia lalai Ebraham.