Kelesia 3:14 - Hano Niu Testamen

¹⁴ Kraes mwa lolia kungeki huribe vatavuha non God be nu tatauleo lalai Ebraham be rav mai sivi Kraes Jisas lalai ira Lolobon̄i. Jisas mwa mate huribe gin nonda binihimwasigi garagusi tav lai dum Vui Sabuga be God nu tatauleo huria.

Kelesia 3:14 ပူးပေါင်းရင်းမြစ်များ

Leo Tavuha gabe Luk nu Ravae 11:13

Kimiu atat hantai take gim ilo halana be gim lai ginau tavuha lalai ira nitumiu. Vaviha mulei be Tamamiu amare vi lai Vui Sabuga liu lalai ira hei gabe ram hudalinia huria!”

Leo Tavuha gabe Luk nu Ravae 24:49

I inau siboku nav horae vai alumiu ginau gabe Tamaḡu nu tatauleo huria. Take giv hohov lol bwatutun vanua vai votu muramura ata amare vi himai alumiu.”

Leo Tavuha gabe Jon nu Ravae 7:39

Jisas mwa avo kungeki huri Vui Sabuga, be kera be ram binihimwasiginia, kea vi laia lalainira. Ran hav lai te Vui Sabuga radu lol mahavana gea, bwatuna be Jisas mwa hav hae te mulei radu vai lol non ute Ratahigi.

Lalaḡova 2:33

God nu lol domareinia vai amare huba, be vi togo la mwatuana. God Tamanda nu lai Vui Sabuga lalainia huba, kun gabe nu tatauleo huba huria lalainia tuai. I ginau duluai gea be gim du gim ḡitae, i gim ron̄oe, kea rovoga non Vui Sabuga duluai gabe Jisas mwa laia lalai kamai.

Lalaḡova 4:12

Vi habweana na varahuva sivinia n̄an gaituvwa i lol ureure duluai atatu vwat mulei sigai gabe God nu horae be vi varahu dum gida.”

Lalaḡova 5:32

Kamai haḡea gaitura huri ginau kera geki kamai mai Vui sabuga, gabe hogoi non God lalai irahei gabe ram dabea.”

1 Korin 12:13

Kraes kunia haḡea, rituai nin gida kera vara ira Jius, i rituai ira Lolobon̄i. Rituai nin gida ira turin rovoga, take rituai atat vuroi. Take gida n̄oto tam ḡaruhisabuga lol rebehi gaituvwa sivi Vui Sabuga gaituvwa. I nu tau gida duluai be tav harahara lol vui gaituvwa gea.

2 Korin 1:22

i nu tau non dovon̄a aluda, be vi dovon̄ainia be gida bilana, i nu tau non Vui Sabuga lol irubwida be vi vora dovon̄ana huri non tatauleo duluai.

Kelesia 3:16

God nu lol tatauleo saraḡo lalai Ebraham i lalai sibina. God nu hav vevea tehe be, “i lalai ira sibimwa.” Kea gin binihiva be atatu gaituvwa n̄ano; atatu gea, kea Kraes.

Kelesia 3:2

Vevea lalaiau ginau gaituvwa geki kunhanigi haḡea gom lai Vui Sabuga? Gom lai Vui Sabuga huribe gom huri silo? Sigai, gom lai Vui Sabuga bwatuna be gom ron̄ Roroi Tavuha i gom binihimwasigi aluna.

Kelesia 4:6

Kunia be kimiu ira nitun God, God nu hora vuin nituna vai lol irubwimiu, i vui gea nu haharigi amare be, “Tata.”

Ifisas 2:18

Uwe, sivi Kraes n̄ano be nonda mwasigi abena be tai mai vai aben Tata lol Vui gaituvwa.

Ifisas 2:22

I lol Kraes mulei, kimiu mulei mwa haḡohaḡo kimiu hara gaituvwa mai kera dodolua lol ute gabe God mwa dogo sivi Vui.

Ifisas 3:16

Nam hudali Tata lol sarisarina gaivua be vi lai muramura lalainigo be gov muramura lol lolomwa sivi non Vui.

Ifisas 4:30

I gosav lol te Vui Sabuga be vi ron̄ mwahantai. Vui kea mwasigi non God be kea bilana God nu lai Vui lalainigo be men seserainia be God vi loligo gov maribwesi mahavana be nogonan gubwen̄ vi mai.

1 Pita 1:22

Kadogaha be gin lol rahumiu ram melmelo ginia be gim dabe mwasigi, gov haḡo dum tabean mwasigi huri ira tuamwa atamwani i vavine lol Kraes. Giv tabe kimiu gaitutuvwai liu mai lolomiu duluai.

1 Pita 3:9

Gisav lol te hantai be vi vol mulei hantai, i gisav av te hantai be vi vol mulei avoan hantai lalainigo. Take giv vol mulei mai vatavuha bwatuna be kimiu sibomiu gin uloiana be giv lol ginau geki huribe kimiu giv lai vatavuha.