Kelesia 2:9 - Hano Niu Testamen

⁹ Semes, Pita mai Jon, be ram bora ira tomuai, ram ilo melmeloinia rovoga be God nu hogoinia lalaiau. I ram haḡo limamaru gi dovon̄ana be kamaru gaituvwa n̄an maira. Tam iloe be Banabas maiau gav lol rovoga aben ira Lolobon̄i mai ira Jius.

Kelesia 2:9 ပူးပေါင်းရင်းမြစ်များ

Matiu 16:18

Nam bev mwasigi lalainigo, Pita: giḡo vatu, i alun vatu geki nav tari noḡu Uloilua. I mateana si hav rihu te maragai ninia.

Leo Tavuha gabe Luk nu Ravae 22:8

Jisas mwa hora Pita mai Jon mai avoana geki be: “Giru van ba lol vatuvwai ginaganianan Halbisḡalau huri gida be tav gania.”

Leo Tavuha gabe Jon nu Ravae 1:42

I kea mwa lai Saemon vai aben Jisas. Jisas mwa ḡarere mwa ḡitae i mwa bevea lalainia be, “Ihamwa Saemon nitun Jon, take vi uloinigo be Kivas.” (Geki kun iha n̄an be Pita binihiva be “Vatu.”)

Lalaḡova 12:17

Kea mwa borotainira gin limana be rav to ḡoḡonai, i kea mwa bev halana lalainira kun hanigi Ratahigi mwa lai luae nin imwa vauvauhi. Haḡe mwa bevea lalainira be, “Giv vev sera ginau geki lalai Semes mai ira binihimwasigi duluai, vuvuri mwa bwihavare mwa bano mwa dogo ute dolua.”

Lalaḡova 15:13

I ataguna be ramuru avo vuvuri, Semes mwa av lua mwa bevea be: “Ira tuaku giv ron̄oau!

Lalaḡova 15:7

I ataguna be ram biavo avo aluna mwa n̄ava huba Pita mwa du amare mwa bevea be, “Ira tua, gim iloe be tuai huba God nu uloilua nin kimiu be nan toretore lalai ira Lolobon̄i, huri be rav ron̄oe i rav binihimwasigi.

Lalaḡova 4:36

Haḡe kunia Josep, kea ata la varan Livae nu vora Saipras, kea gabe ira hala ram uloinia be Banabas. Gin binihiva be, “Atatu be non avoana mwa hau lua binihiva non atatu.”

Ravrava non Pol lalai ata Rom 1:5

Sivi Kraes, God nu lai rovoga non ira hala, be vi tomuai atatu lol ute duluai be rav binihimwasigi i rav ron̄oe.

Ravrava non Pol lalai ata Rom 12:3

Huribe God nu lai lalaiau hogoi tavuha, nam binihi ginau tavuha vwate be nav vevea lalai kimiu. Gosav vinihi tehe be gon tavuha liua be hiḡo kadogaha. Gov vinihia be hiḡo atat kunhanigi la halan binihimwasigi garagusi be God nu laia lalainigo.

Ravrava non Pol lalai ata Rom 15:15

Take nan ravae lalai kimiu huri ginau duluai, nan hav tahuli te vwate huri ginau rituai be nam doron kimiu be giv iloe. Nam lol ginau geki bwatun be God nu lai lalaiau hogoi tavuha

1 Korin 15:10

Take hogoi non God mwa loliau nam bora kunia, i non hogoi lalaiau vorate mwa mai bonogai. Sigai! Nam lol rovoga wasi liu ira hala dodolua. (Take vorate inau mwasigi; take hogoi non God mwa dogo maiau.)

2 Korin 11:5

Nam hav binihia tehe be kera, “ira hala lavoa” kera ran tavuha liuau.

2 Korin 12:11

Nam avo kun daloi, take kimiu haḡea gim lolia nam lolia kunia. Kimiu haḡea be mwa du be gis vev ginau tavuha huriau. Inau nam mai gi ginau vuroi, take kera “ira hala lavoa” be lalavoa ram hav dadariha te n̄an maiau!

2 Korin 8:4

Take ran hudaligi i ram doron maragai kamai be gov bete maira lol rovoga non God huri sinombu.

Kelesia 1:16

i mwa bagahiau gin nituna bwatuna be nai vev Roroi Tavuha huria lalai ira Lolobon̄i. Lol taro be God mwa uloiau, nan hav lai te avoan dura sage buluiana nin atatu vwate.

Kelesia 1:18

Atagun taul gaitolu nan van vai Jerusalem nan habwe Pita i nan togo maia huri gubwen̄ han̄vul domwan gailima.

Kelesia 2:1

Atagun taul han̄vul domwan gaivasi nan van Jerusalem mulei, kadogaha mai Banabas. Nan lai Taetus mulei maiau.

Kelesia 2:2

Nan vano bwatuna be God nu lol melmeloinia mulei lalaiau be nas vano. Nan sogari ira binihimwasigi aia, i gin hala dahuligi nan vevea lalai ira nora tomuai huri Roroi Tavuha be nan toretore huria lalai ira Lolobon̄i. Nan hav doroni tehe be noḡu rovoga ata amua mai rovoga be nan lolia kadogaha vi sabweleiana.

Kelesia 6:3

Be atatu vwate mwa binibe kea liu be mwa hav vora te kunia, kea mwa lol mulei daltaleinia sibona.

Ifisas 2:20

Kimiu gim bora imwa haḡohaḡo be mwa haḡoana alun vatun siguna non ira hala mai ira atatun vevsera. Kraes Jisas sibona kea mwasin raumatan vatu alun haḡohaḡo imwa gea,

Ifisas 3:8

Inau nam hav vora te lavoa take tiri savele alolon ira sinombu non God, take God nu lai hogoi geki lalaiau be nai vev luae hurira Lolobon̄i, Roroi Tavuha huri roson Kraes.

Kolosi 1:29

Huribe men loli kun geki, nam lol rovoga i nam du wasi, gin muramura wasi non Kraes be mwa lol rovoga muramuraga aloloku.

1 Timoti 3:15

Take be ginau vwate vi vahala batena be nam hav mai te radu, vuvuri gaituvwa be nam ravrava, gim ilo halana be giv togo kun be atatu ata lol imwan God. Imwa gea imwa tataro non God be mwa rahu vai tuai, gaitura i bwatutun mwasigi.

1 Jon 1:3

Gam bev ginau lalai kimiu be gam ron̄oe i gam ḡitae. Huria be kimiu giv bulu mai kamai lol rahuana. I gam bulu maia lol Tata i mai Nituna Jisas Kraes.

Visirai 3:12

Nav lolira be ran muramuraga lol bwaloana rav mai gi gai mahan̄an imwa tataro alolon imwan noḡu God, i sihav derai te dumwia. I nav rav ihan noḡu God aluna, i ihan bwatutun ihan vanuan noḡu God, Jerusalem gara, gabe vi himai vai ata nin ute amare nin noḡu God. I nav rava ihaku mulei aluna, iha gara.”