Kelesia 2:5 - Hano Niu Testamen

⁵ Take gan hav lin̄ te taro lalai ira binihimwasigi dentene geki. Gan doron mwasigi huri Roroi Tavuha be vi van rahurahu huri kimiu.

Kelesia 2:5 ပူးပေါင်းရင်းမြစ်များ

Lalaḡova 15:2

Haḡe bwatuna gea Pol mai Banabas ramuru bigaigai maira huri avoana geki, haḡe Pol mai Banabas ramuru binihi tuhi be kera bul mai ata Antiok rituai rai vano vai Jerusalem ba ḡita ira hala rituai mai ira bwatmetua huri ginau geki.

Kelesia 1:6

God, gin non hogoi sivi Kraes, mwa uloinigo be gov mai gi non atatu. I inau nam dan̄an̄a be gom ban burigai vilehi i gom binihimwasigi ginau dolua nin Roroi Tavuha.

Kelesia 2:14

Lol taro be nan gitae be nan hav huri te mwasigi non Roroi Tavuha, nan avo mai Pita la lolmatara duluai. Nan vevea be, “Pita, giḡo vara ata Jiu, take gom hav togo te kun gabe giḡo varan Jiu. Gom dogo kun ira Lolobon̄i. I huri hano be kadogaha gom lol ron̄oe be gomen garoinira Lolobon̄i be ramen togo kun gabe varan ira Jius?”

Kelesia 4:16

Kadogaha nam bora nomiu ivwalu bwatuna be nam bevea lalai kimiu huri mwasigi?

Ifisas 1:13

Haḡe kea mai kimiu mahavana be gin ron̄ mwasin silo vagahi huri Roroi Tavuha be vi lai varahuva lalai kimiu, kimiu gim binihimwasigi alun Kraes. I lol Kraes, God mwa dau mwasin non dovon̄a alun gogonaiana alumiu, ginia be mwa lai non Vui Sabuga gabe nu tatauleo huria.

Kolosi 1:5

Batena be mwasin roroi be Roroi Tavuha mwa mai muana abemiu, gin ron̄oe huba i gim ilo doronhohov be mwa dogo alolona. Doronhohov geki kea bwatun nomiu binihimwasigi garagusi mai nomiu lolotabetabe be mwa lol vatuvwainia hurigo lol ute atamare.

1 Tesalonaeka 2:13

Mulei, gam avkari God bwatuna be batena be gin ron̄ non roroi nin kamai, gin lai ḡoḡoe kun be avoana non God, nu hav vora te avoana non atatu. I mwasigi be avoana non God, nu hav vora te avoana non atatu. I mwasigi be avoana non God be mwa lol rovoga alolomiu be gim binihimwasigi.

Ravrava nin Jud 1:3

Ira tuaku, nam doron maragai be nav ravae lalai kimiu huri varahuva be tam dogo alolona lol God. Take nav ravae i nav hudali kimiu be giv bwalo mwasigi huri binihimwasigi garagusi be God nu laia lalai non atatu.