Kelesia 2:20 - Hano Niu Testamen

²⁰ Ran tauau huri mateana alun volovolo huri Kraes, i nam mom dogo te mulei kea Kraes be mwa dogo aloloku. Nam dogo radu lol rebehiku, take nam dogo lol binihimwasigi garagusi alun nitun God be mwa dabeau i mwa lin̄ muleinia be men varahuau.

Kelesia 2:20 ပူးပေါင်းရင်းမြစ်များ

Matiu 20:28

Kun inau, Nitun Atatu, nam hav mai tehe be ramen lol noḡu rovoga. Take nam mai be namen lol nora rovoga, i nam lin̄ rahuku be men vol rahun atatu ivusi.”

Matiu 4:3

Haḡe Vui hantai mwa mai lalainia, mwa bevea be, “Sivora giḡo Nitun God, gos lol vatu kera geki gi bereti.”

Leo Tavuha gabe Jon nu Ravae 1:49

Nataniel mwa bwaliua be, “Vagahi, giḡo haḡea Nitun God! Giḡo haḡea Ratahigi Lavoa ata Israel!”

Leo Tavuha gabe Jon nu Ravae 10:11

“Inau radaiḡoro tavuha, nam lin̄ rahuku be nav mate huri sipsip.

Leo Tavuha gabe Jon nu Ravae 15:13

Mwasin lolotabetabe gaivua gabe atatu vi lai dumwia hurira non buluana gabe vi lin̄ rahuna hurira.

Leo Tavuha gabe Jon nu Ravae 17:21

Nam dataro be kera duluai rai bul gaituvwa. Tata! Nam dataro be kera rav bulu alolodaru, kunia n̄an gabe giḡo aloloku i inau alolomwa. Nam dataro be rav bul gaituvwa, huribe ureure vi binihimwasigi be gon horau.

Leo Tavuha gabe Jon nu Ravae 3:16

Huri God mwa dabe mutai ureure haḡe mwa horau, inau gabe mwasin Nituna vora gaituvwa be irahei gabe rav binihimwasigiau, rasav mate tehe ta rav rahu vai tuai.

Leo Tavuha gabe Jon nu Ravae 3:35

God mwa dabe Nituna i mwa lai muramura duluai lalainia.

Leo Tavuha gabe Jon nu Ravae 6:57

Tata gabe mwa rahu mwa horau mai i bwatuna kea inau mulei nam rahu. Kunia mulei wani gabe mwa ḡan vigohoku vi rahu bwatuna inau.

Leo Tavuha gabe Jon nu Ravae 6:69

I kadogaha gan binihimwasigi i gam iloe be giḡo Wani Sabuga gabe mwa mai nin God.”

Lalaḡova 8:36

I mahavana be ramuru hivo radu la hala, i ramuru botui ute gabe wai rituai aia, haḡe tomuai gea mwa bevea lalainia be, “Geki haḡea wai rituai. I havanau tehe mulei vi mom lol ḡoroau be namen lai garuhisabuga? Nam binihimwasigi be Jisas Kraes kea Nitun God.”

Lalaḡova 9:20

Kea mwa bano vai lol imwa tataro gaivua mwa doretore mwa bevea be Jisas kea nitun God.

Ravrava non Pol lalai ata Rom 1:17

Roroi Tavuha mwa bagahi kun hanigi God mwa lol atatu mwa bavtutu maia sibona be mwa dau bwatuna i mwa nogo mai binihimwasigi garagusi. Ravrava Sabuga mwa bevea be, “Kera be ram bavtutu mai God huri be ram binihimwasigi garagusi, kera rav habwe rahuana.”

Ravrava non Pol lalai ata Rom 14:7

Tam hav togo tehe sa tasav mate tehe huri gida siboda.

Ravrava non Pol lalai ata Rom 3:22

God mwa lol atatu ram bavtutu maia sivi nora binihimwasigi garagusi alun Jisas Kraes. Geki mwasigi lalainira duluai be ram binihimwasigi Kraes, bwatuna be atatu duluai ran dadariha n̄ano:

Ravrava non Pol lalai ata Rom 4:25

Jisas nu mai huribe vi mate huri vuroda, i mwa domare mulei nin mateana be men lol gida tamen vavtutu la lolmatan God.

Ravrava non Pol lalai ata Rom 5:2

Kea nu lai gida vai alolon hogoi non God be kadogaha tam ron̄ mwandavuha. I tam samsamwara bwatuna be mai nonda doronhohov be tam hara sarisari non God.

Ravrava non Pol lalai ata Rom 5:6

Lol taro gea be nonda muramura sigai radu be tamen mai gi atat vavtutu la lolmatan God, lol mahavan taro be God nu tovoe, Kraes nu mate be vi varahu atat vuroga.

Ravrava non Pol lalai ata Rom 5:8

Ta God mwa bagahi non doroniv muramura huri gida la hala geki: Kraes nu mate huri gida lol taro be tan vuroga radu.

Ravrava non Pol lalai ata Rom 6:13

Gosav lin̄ te rahumwa be vi gogonai vuro, kun ginau be gamen lolia be men lol vuro. Ninia gea, lin̄igo sibomwa la liman God kunira be ran mate i kadogaha ram rahu. Kamai gam lolia gin rebehimai be gamen vuroga.

Ravrava non Pol lalai ata Rom 6:8

Kebe tav mate mai varahuda, tam iloe be tav rahu mulei maia.

Ravrava non Pol lalai ata Rom 8:10

Rebehimwa vi mate vataha mahavana gin vuro. Ta kebe Kraes mwa dogo maigo, kea Vui Sabuga mwa lai lalainigo rahuana, huribe Kraes mwa loligo gom bavtutu la lolmatan God.

Ravrava non Pol lalai ata Rom 8:37

Ta lol ginau duluai n̄oto geki gam seserainia be gam lol tavuha sivi God gabe mwa lol seserai non lolotabetabe lalai gida.

1 Korin 6:17

Take atatu be mwa bulu gi rebehi gaituvwa mai Ratahigi kea vuin rebehi gaituvwa mai Ratahigi.

2 Korin 1:24

Gam hav lol te ron̄oe be gav lol ḡoro nomiu binihimwasigi; gam iloe be gim du wasigi lol nomiu binihimwasigi garagusi. Take kamai atatun rovoga mai kimiu huri nomiu ron̄ mwandavuha.

2 Korin 10:3

Gam dogo lol ureure, take gam hav bwalo tehe la hala be ureure mwa bwalo.

2 Korin 11:10

Atatu vwat sigai la ḡeren Kris be vi tuḡoroau be nasav av te sasagerega huria. Geki nam bevea gin mwasigi non Kraes aloloku.

2 Korin 13:3

Gim doron dovon̄ana be Kraes mwa avo siviau. Noḡu dovon̄ana be kea mwa hav mandamanda tehe alolomiu, take kea nu masiri gin muramura.

2 Korin 13:5

Giv gitagita tavuhai kimiu sibomiu. Giv haḡo ron̄ kimiu giv gitae be gim dogo lol binihimwasigi garagusi. Gim iloe be Kraes Jisas kea alolomiu be gim hovi be giv haḡo ron̄ kimiu.

2 Korin 5:14

Lolotabetabe non Kraes mwa haḡo bul gida, bwatun be gam iloe be kea nu mate huri atatu duluai. Kera duluai rav mate lol Kraes.

2 Korin 5:15

Kraes nu mate huri atatu duluai, be kera be ram rahu rasav togo te hurira sibora tagaro. Kraes nu mate hurira i nu tomare mulei nin mateana huri be rav rahu huria.

2 Korin 5:7

Tam rahu alun havanau be tam binihimwasigi garagusi aluna, take mwa hav vora te alun hano be tam ḡita dumwia.

Kelesia 1:4

Jisas mwa laia sibona huri vuroda be men lai lua gida nin ureure vuroga geki be tam dogo alolona, kunia be God tamanda nu lol vatuvwainia.

Kelesia 2:16

Radu, tam iloe be atatu mwa lolian bavtutu mai God vorate huria be mwa huri silo, take be mwa dau binihimwasigi garagusi alun Jisas Kraes. I gida mulei, tan tau nonda binihimwasigi alun Kraes Jisas, huribe tav vavtutu mai God bwatuna be tam binihimwasigi garagusi alun Kraes. Nu hav vora te bwatuna be tam huri silo, bwatuna be atatu vwate si hav vavtutu tehe lolmatan God gabe mwa huri silo.

Kelesia 3:11

Kadogaha mwa melmelo be atatu vwate si hav lolian te vavtutu mai God gin silo, bwatuna be ravrava sabuga mwa bevea be, “Kera be ran vavtutu mai God rav rahu ginia be ram dabea.”

Kelesia 5:24

Kera gabe ram dogo lalai Kraes Jisas ram boha volvol mulei vurora sibora. Ram lin̄ mulei nora ron̄ova ata tuai i ginau hahantai be ram doronbe ramen lolia.

Kelesia 6:14

Nam ilo be nasav sagesagerega tehe huri ginau kunia. Volovolo non Jisas kea n̄ano be mwa lolia nam av sagesagerega. Sivi volovolo non Jisas Kraes, noḡu Ureure mwa boha bolvoloana, i nam mate lalai Ureure.

Ifisas 3:17

Nam dataro be Kraes vi togo lol sibwen̄imwa gin binihimwasigi garagusi i be rahumwa vi tu wasigi lol lolotabetabe i be vi haḡoe alun tabeana.

Ifisas 5:2

Gov togo lol rahuana lolotabetabe kunia gabe Kraes nu tabe gida i nu lin̄ia sibona huri gida kun gabe hogoi bonboni i tataroi lalai God.

Ifisas 5:25

Ahoai tabe tasalamwa kun Kraes mwa dabe uloilua i nu lin̄ia sibona huria,

Filipae 1:21

Lol binihiḡu rahuana kea havanau? Lalaiau kea Kraes, i be nas mate, si tavuha maragai.

Filipae 4:13

Nav lol dum ginau duluai sivi Kraes, bwatuna be kea mwa lai hui wasi lalaiau.

Kolosi 1:27

Taritari non God be vi lol non sinombu rav ilo huri non roso sabuga i ginau dahuligi mutai be mwa haḡoe huri sinombu duluai. Ginau mutai dahuligi gea kea Kraes be mwa dogo alolomwa, doronhohov huri sarisari.

1 Tesalonaeka 1:10

I gim hohovi huri nitun God be vi mai nin ute atamare, kea be God Tata nu ragasia nin mateana. Kea Jisas, be nu varahu gida nin silo vevegi non God be mwasigi vi mai.

1 Tesalonaeka 5:10

Jisas nu mate huri gida be tav togo ute gaituvwa dum bulmaia, gaituvwa be tam rahu sa tam mate batena be vi mai.

Taetas 2:14

Nu lin̄ia sibona huri gida be vi lol tavwe be vi ribwes gida nin ginau hantai duluai i be vi lol gida tai vora sinombu melmelo be tai vora bilana n̄an gahena. Sinombu be tagaro tam doron be tav lol lalaḡov tavuha.

Hibru 8:3

Haḡe ira muai tataroi dodolua mulei kera gea, God mwa darira be rav tau ira hogoi lalainia i rav wehi ira ginau rahu ba lol tataroi tuntun be vi lai dagai vuron ira atatu. I la hala n̄an mulei kunia, nonda muai tataroi gea mulei mwa du be vi hagai ginau lalai God.

1 Pita 1:8

Kimiu gim hav gita te Kraes, take gim dabea radu. Gisav gita te dumwia Kadogaha, take gim binihimwasigi nia. Haḡe kimiu giv masiri gin samwarana be sihav veveana te dumwi, samwarana be nu masiri gin sarisari.

1 Jon 1:7

Take be tas togo lol gigita, kun gabe God mwa dogo lol gigita, kea gin binihiva be gida duluai tam bora vatugi gaituvwa n̄an maia. I dagan Jisas nitun God vi bwaga melmeloi gida nin nonda bwatigoro.

1 Jon 4:14

God nu hora Nituna be vi vora Varahun ureure. Gida tan gita Nituna, i kadogaha tam bev sera huria lalai atat dodolua.

1 Jon 5:20

Tam iloe be Jisas Kraes nitun God nu mai, i nu vagahi gida gin mwasin God, i Jisas Kraes haḡea bwatuna be kadogaha tam bora bilan mwasin God gabe mwa lai rahuana vai tuai.

Visirai 1:5

Nam dataro be tavuha mai tamwata non Jisas Kraes gabe God du lol domarei muleinia nin mateana i kea haḡea muai ḡoro ira ratahigi lavoa duluai ata lol ureure. Kraes mwa dabe gida, i gin dagana mwa dugu gida nin vuroda.

Visirai 3:20

Giv roron̄tai! Inau nam du lolvwan gatava nam dorodoro; be ihei mwa ron̄ siloku i mwa havan̄ gatava, inau nav haroro lol imwana ba ḡan ginau bul maia, i kea vi gan ginau bul maiau.