Kelesia 2:2 - Hano Niu Testamen

² Nan vano bwatuna be God nu lol melmeloinia mulei lalaiau be nas vano. Nan sogari ira binihimwasigi aia, i gin hala dahuligi nan vevea lalai ira nora tomuai huri Roroi Tavuha be nan toretore huria lalai ira Lolobon̄i. Nan hav doroni tehe be noḡu rovoga ata amua mai rovoga be nan lolia kadogaha vi sabweleiana.

Kelesia 2:2 ပူးပေါင်းရင်းမြစ်များ

Matiu 10:16

“Giv gitae! Nam hora kimiu kun sipsip vai alolora vwiriu turu. Giv mataisaoga kun teltele. Giv lago maḡemu kun manbona.

Lalaḡova 15:12

Haḡe tatan̄an sinombu gaivua duluai gea ram ron̄ vevurin ginau duluai be Banabas mai Pol ramuru lolia huri tagaro i ginau dan̄an̄a gabe God mwa lolia sivinira lalai ira Lolobon̄i.

Lalaḡova 15:2

Haḡe bwatuna gea Pol mai Banabas ramuru bigaigai maira huri avoana geki, haḡe Pol mai Banabas ramuru binihi tuhi be kera bul mai ata Antiok rituai rai vano vai Jerusalem ba ḡita ira hala rituai mai ira bwatmetua huri ginau geki.

Lalaḡova 15:4

I mahavana be ram botu Jerusalem, ira binihimwasigi mai ira hala, i ira bwatmetua ram lai ḡoḡora. Haḡe Pol maira rituai ram bevuri ginau duluai lalainira kunhanigi God mwa lalaḡo sivi nora lalaḡova.

Lalaḡova 18:9

Alolon bon̄i vwate Pol mwa hueri i Ratahigi mwa bevea lalainia be, “Gosav matagu tehe, take gov avo vataha mahavana,

Lalaḡova 23:11

Haḡe lol bon̄i gea Ratahigi mwa bisirai aben Pol mwa bevea be, “Gosav matagu tehe! Gon lai nom gaitura huba lalaiau teti Jerusalem, i gov lolia n̄an mulei kunia lol vanua Rom.”

Lalaḡova 5:34

Take vwate alolora kea Varise ihana Kamaliel, kea vagahin Silo i sinombu ram binihi marahi maragainia, kea mwa du amare lolmatan Kansel. Haḡe mwa bevea lalai ira gitaḡoro be rav lai ira hala vai avare.

Ravrava non Pol lalai ata Rom 9:16

Alen̄a gea mwa hav huri te ginau be atatu mwa doronia, ḡaoḡao sage be atatu mwa lolia gin non voraivina, take mwa huri alen̄ tavuha non God be ḡaoḡao kea mwa ḡita hagav atatu.

1 Korin 1:23

Take gam doretore alun Kraes be nu voha bolvoloe. I geki mwa bora ginau vahala be gaivua lalai ira Jius, i ira Lolobon̄i ivusi ram binihia be ginau bwaḡelega.

1 Korin 2:2

Lol taro be nan togo mai abemiu kimiu nan vinihia be nav avo n̄ano huri Jisas Kraes be ran voha bolvoloe alun volovolo.

1 Korin 9:24

Gom iloe be lol taron rovoana, atatu n̄oto rav rovo take atatu n̄an gaituvwa be vi lai tabeana. Haḡe giv rovo huribe giv lai tabeana gea.

1 Korin 9:26

Bwatun ginau geki, inau nam rovo rahurahu vai lai nogonana. Inau kun atatun bwaloana vwate be mwa dutui take mwa dutui vai la mahava n̄ano mwa hav tutui te ginau vwate.

2 Korin 12:1

Mwa du be nav av ravravwega rahurahu. Sihav bului tehe, take nav avo kadogaha huri visirai i seserai nin Ratahigi.

Kelesia 1:12

Nam hav laia tehe nin atatu vuroi, sage atatu vwate mwa hav vagahiau tehe ginia, take Jisas Kraes nu vagahiau ginia.

Kelesia 1:16

i mwa bagahiau gin nituna bwatuna be nai vev Roroi Tavuha huria lalai ira Lolobon̄i. Lol taro be God mwa uloiau, nan hav lai te avoan dura sage buluiana nin atatu vwate.

Kelesia 1:6

God, gin non hogoi sivi Kraes, mwa uloinigo be gov mai gi non atatu. I inau nam dan̄an̄a be gom ban burigai vilehi i gom binihimwasigi ginau dolua nin Roroi Tavuha.

Kelesia 2:6

Ira tomuai keragea be ran lol ron̄oe kun gabe kera raumatan atatu liu ihei ram hav leahi te Roroi Tavuha be nan toretore huria. (Nan hav laia te kun gabe kera ira “atat lavoa” sage sigai. Lalai God atatu n̄oto dadariha.)

Kelesia 2:9

Semes, Pita mai Jon, be ram bora ira tomuai, ram ilo melmeloinia rovoga be God nu hogoinia lalaiau. I ram haḡo limamaru gi dovon̄ana be kamaru gaituvwa n̄an maira. Tam iloe be Banabas maiau gav lol rovoga aben ira Lolobon̄i mai ira Jius.

Kelesia 5:7

Kimiu gim rovo huri rovoan tavuha. Ihei mwa du ḡorogoro kimiu be gisav huri te mwasin hala?

Filipae 2:16

Giv hagai silo vagahi be vi mai mulei, inau nav samsamwara dumwi bwatuna be noḡu rovoga mwa hav van te sabwelei. Nan rovo huri tavwe i nan laia.

Filipae 2:29

Giv lai ḡoḡoe la ihan Ratahigi mai samsamwara. Giv lai binihi marahi lalai sinombu be kunia,

1 Tesalonaeka 3:5

Bwatuna geki, batena nasav hohovi te dum vain̄ava, nan hora Timoti vai abemiu huri be nav iloe huri nomiu binihimwasigi garagusi. Nan matagu berevai Atatmate nu haḡo ron̄ kimiu huba, i kunia nomai rovoga wasi vi vora bonogai.

2 Timoti 4:7

Nan bwalo gin bwaloan tavuha, nan nogoi rovoan viluslusi, nan haḡo batugehi binihimwasigi garagusi.

Hibru 12:1

Gida sinombu ira atatu gabe ira gaitura non God ram du dalis gida, gabe tatan̄ana gabe ram du dalis gida gaivua maragai. Haḡe bwatuna gea, tav derai ginau duluai gabe ram duḡoro gida, i bwatigoro gabe ram haḡo wasi gida, i gida tav lol binihinda vi wasi, la hala gea be mwa du lol matada.