Kelesia 2:14 - Hano Niu Testamen

¹⁴ Lol taro be nan gitae be nan hav huri te mwasigi non Roroi Tavuha, nan avo mai Pita la lolmatara duluai. Nan vevea be, “Pita, giḡo vara ata Jiu, take gom hav togo te kun gabe giḡo varan Jiu. Gom dogo kun ira Lolobon̄i. I huri hano be kadogaha gom lol ron̄oe be gomen garoinira Lolobon̄i be ramen togo kun gabe varan ira Jius?”

Kelesia 2:14 ပူးပေါင်းရင်းမြစ်များ

Lalaḡova 10:28

Kea mwa bevea lalainia be, “Giḡo sibomwa gom ilo didininia be, mwa hav tu tehe be ira Jius hurin nora uloilua be ramen haroro lol imwan ira Lolobon̄i i rav bulbulu maira. Take God mwa seserainia lalaiau be nasav vev te dumwia be atatu nu bibili sage nu hav tavuha tehe.

Lalaḡova 15:1

Haḡe atatu rituai ram mai nin Judia vai Antiok ram bagahi sinombu ram bevea be, “Gisav rahu te dumwi vaivotu be vi tav dovon̄ana alumiu kun gabe silo non Moses mwa bevea.”

Lalaḡova 15:24

Kamai gam ron̄oe be atatu rituai gabe ran matu nin teti ran lol kimiu gim ron̄ mwahantai i binihimiu mwa lalan̄aga gin havanau gabe ran vevea; take gan hav vev te avoana kunia lalainira be ramen matu ba lolia kunia.

Lalaḡova 15:5

Haḡe ira binihimwasigi rituai alolora ira Varise ram du amare ram bevea be, “Vi tav dovon̄ana alun ira Lolobon̄i, i tai vagahira be rav huri silo non Moses.”

Ravrava non Pol lalai ata Rom 14:14

Nam dogo lol Ratahigi Jisas, i nam iloe be ginaganiana vwate nu hav hantai tehe be vi ganiana. Take be atatu rituai rav vinihi mwasigi be ginau vwate nu vahala, kea nu vahala huria sibona.

Kelesia 1:18

Atagun taul gaitolu nan van vai Jerusalem nan habwe Pita i nan togo maia huri gubwen̄ han̄vul domwan gailima.

Kelesia 1:6

God, gin non hogoi sivi Kraes, mwa uloinigo be gov mai gi non atatu. I inau nam dan̄an̄a be gom ban burigai vilehi i gom binihimwasigi ginau dolua nin Roroi Tavuha.

Kelesia 2:3

Taetus nu togo maiau take nu hav garoiana tehe be vi lai tav dovon̄ana, kunia be kea ata Krik.

Kelesia 2:5

Take gan hav lin̄ te taro lalai ira binihimwasigi dentene geki. Gan doron mwasigi huri Roroi Tavuha be vi van rahurahu huri kimiu.

Kelesia 2:7

Take ira tomuai ran lol melmeloinia be nu lai lalaiau rovoga be nai vev lua Roroi Tavuha lalai ira Lolobon̄i, kunia be Pita kea non rovoga lalainira be vi vevea lalainira ira Jius.

Kelesia 2:9

Semes, Pita mai Jon, be ram bora ira tomuai, ram ilo melmeloinia rovoga be God nu hogoinia lalaiau. I ram haḡo limamaru gi dovon̄ana be kamaru gaituvwa n̄an maira. Tam iloe be Banabas maiau gav lol rovoga aben ira Lolobon̄i mai ira Jius.

Kelesia 6:12

Atatu rituai ram lol kimiu be ramen tav dovon̄ana alumiu, huribe ram sasagerega lol ginau ata lol rebehi n̄ano. Ram matagu be rav lol ḡagarasira be rav huri volovolo non Kraes.

Kolosi 1:5

Batena be mwasin roroi be Roroi Tavuha mwa mai muana abemiu, gin ron̄oe huba i gim ilo doronhohov be mwa dogo alolona. Doronhohov geki kea bwatun nomiu binihimwasigi garagusi mai nomiu lolotabetabe be mwa lol vatuvwainia hurigo lol ute atamare.

1 Timoti 5:20

Giv vevea lalainira be ram dogo lol bwatigoro be ram bahala. Vevea kunia lolmatan sinombu duluai lol uloilua huria be vi mamatara rituai mulei.

Hibru 12:13

Nomiu lagoana vi vavtutu n̄ano la hala be nu tavuha. I be sivora bwalagemiu be si hantai, kun be bwau mwa ban burigai, ta kea vi tavuha n̄an mulei dumwi.

Hibru 9:10

Ira silo gea ram bevea huri ginaganiana i wai mai alen̄an bwagabwaga ginau. Ira silo geki rav tu vaivotu be God vi leahi ginau duluai vi mai gi ginau gara. Take kadogaha Kraes nu mai huba gi muai tataroi huri ginau tavtavuha be vi mai.