Kelesia 2:13 - Hano Niu Testamen

¹³ I Pita nu lol alen̄an ira hoḡoiḡoro mai ira atat binihimwasigi rituai be ran togo maia. Mulei Banabas nu lumuhia gin hano be ira binihimwasigi ira Jius ran lolia.

Kelesia 2:13 ပူးပေါင်းရင်းမြစ်များ

Matiu 23:28

Kimiu haḡea kunia. Atatu ram ḡita kimiu halavare be gin vavtutu. Ita alolomiu gin masiri gin tenteneana i silo dahadaha.

Lalaḡova 4:36

Haḡe kunia Josep, kea ata la varan Livae nu vora Saipras, kea gabe ira hala ram uloinia be Banabas. Gin binihiva be, “Atatu be non avoana mwa hau lua binihiva non atatu.”

1 Korin 12:2

Gim ilo taro be gin togo len̄len̄aga radu, gin huhui kimiu be gin gogonai ira nun vatu ginau be ram hav avo te dumwi.

1 Korin 15:33

Gisav taltale tehe. “Mwemwearuv hantai vi lol bwarebware alen̄an mwemwearuva.”

1 Korin 5:6

Nom avoan sasagerega ivusi butbutui nu hav tavuha tehe. Kimiu giv ilo avoana geki, “Marahan is kolo n̄ano mwa lol vulaoa mwa buge maragai tanona mwa masiri latlate.”

1 Korin 8:9

Binihimiu nu maribwesi. Gov gitaḡoro be nom binihiva si hav lolira tehe be ran mandamanda lol binihimwasigi garagusi be rav hovi lol vuro.

Kelesia 2:1

Atagun taul han̄vul domwan gaivasi nan van Jerusalem mulei, kadogaha mai Banabas. Nan lai Taetus mulei maiau.

Kelesia 2:9

Semes, Pita mai Jon, be ram bora ira tomuai, ram ilo melmeloinia rovoga be God nu hogoinia lalaiau. I ram haḡo limamaru gi dovon̄ana be kamaru gaituvwa n̄an maira. Tam iloe be Banabas maiau gav lol rovoga aben ira Lolobon̄i mai ira Jius.

Ifisas 4:14

I sihav n̄ava tehe gida tas hav mom bora te kun naturigi mulei. Tasav vora te kun waḡa be mwa halahala dadaligi navo mwa bohainia ban mwa mai. Sihav avte lumlum gida gin silo vagahi gara duluai gam ron̄oe non sinombu be ram lol ron̄oe be ramen saruruhi kamai. Ram dari halana i ram lol ron̄ hal saruruhi be men ruruhi sinombu vai alolon halan salana.

Hibru 13:9

Gisav huri te lalan̄an silo vagahi dodolua be mwa eno dagai nin hal vavtutu. Tav lai silo vagahi alun hogoi non God gabe mwa dabe gida, huria be vi lol wasi gida, take nu hav tavuha tehe be tav togo ba ḡita silo huri ginaganiana be vi lol gida tav wasi huria be ira hei gea be ram huri silo huri gina ganiana mwa hav buluira te n̄an haḡea.