Kelesia 2:11 - Hano Niu Testamen

¹¹ La mahavana be Pita mwa mai vai Antiok, nam bev bora ginau lolmatana, bwatuna kea mwa bahala.

Kelesia 2:11 ပူးပေါင်းရင်းမြစ်များ

Matiu 16:23

Haḡe Jisas mwa ban burigai Pita, mwa bevea be, “Vis dagai niniau, Setan. Gosav lol te daturaiau. Huri be nom binihiva barabe binihiva non God, take binihiva non atatu n̄an.”

Leo Tavuha gabe Jon nu Ravae 1:42

I kea mwa lai Saemon vai aben Jisas. Jisas mwa ḡarere mwa ḡitae i mwa bevea lalainia be, “Ihamwa Saemon nitun Jon, take vi uloinigo be Kivas.” (Geki kun iha n̄an be Pita binihiva be “Vatu.”)

Lalaḡova 11:19

Haḡe ira binihimwasigi rituai gabe ran visalsala lol mahavan taron ron̄ ḡagarasi batena be ram wehi Stivin i ram bano vai la vanua, Vonisia, Saipras, i Antiok, ram bev roroi lalai ira Jius n̄ano.

Lalaḡova 11:20

Take, ira binihimwasigi rituai ata Saipras i Sairini, ram bano vai Antiok ram bev lua roroi lalai ira Lolobon̄i, i mulei ram be Roroi Tavuha lalainira huri Ratahigi Jisas.

Lalaḡova 11:22

Haḡe roroi huri ginau geki mwa botui uloilua Jerusalem, i kunia ram hora Banabas vai Antiok.

Lalaḡova 11:27

Haḡe lol mahavana haḡe gea ira atatun vevsera rituai ram bano nin Jerusalem vai Antiok.

Lalaḡova 15:1

Haḡe atatu rituai ram mai nin Judia vai Antiok ram bagahi sinombu ram bevea be, “Gisav rahu te dumwi vaivotu be vi tav dovon̄ana alumiu kun gabe silo non Moses mwa bevea.”

Lalaḡova 15:5

Haḡe ira binihimwasigi rituai alolora ira Varise ram du amare ram bevea be, “Vi tav dovon̄ana alun ira Lolobon̄i, i tai vagahira be rav huri silo non Moses.”

2 Korin 11:5

Nam hav binihia tehe be kera, “ira hala lavoa” kera ran tavuha liuau.

2 Korin 12:11

Nam avo kun daloi, take kimiu haḡea gim lolia nam lolia kunia. Kimiu haḡea be mwa du be gis vev ginau tavuha huriau. Inau nam mai gi ginau vuroi, take kera “ira hala lavoa” be lalavoa ram hav dadariha te n̄an maiau!

2 Korin 5:16

Nin kadogaha mwa bano gam hav binihi te huri ihei kunia ureure mwa binihia. Amua gam binihia huri Kraes kunia be ureure nu binihia, take kadogaha gam hav mom binbinihi te kunia.

Kelesia 1:18

Atagun taul gaitolu nan van vai Jerusalem nan habwe Pita i nan togo maia huri gubwen̄ han̄vul domwan gailima.

Kelesia 2:14

Lol taro be nan gitae be nan hav huri te mwasigi non Roroi Tavuha, nan avo mai Pita la lolmatara duluai. Nan vevea be, “Pita, giḡo vara ata Jiu, take gom hav togo te kun gabe giḡo varan Jiu. Gom dogo kun ira Lolobon̄i. I huri hano be kadogaha gom lol ron̄oe be gomen garoinira Lolobon̄i be ramen togo kun gabe varan ira Jius?”

Kelesia 2:5

Take gan hav lin̄ te taro lalai ira binihimwasigi dentene geki. Gan doron mwasigi huri Roroi Tavuha be vi van rahurahu huri kimiu.

Kelesia 2:7

Take ira tomuai ran lol melmeloinia be nu lai lalaiau rovoga be nai vev lua Roroi Tavuha lalai ira Lolobon̄i, kunia be Pita kea non rovoga lalainira be vi vevea lalainira ira Jius.

Kelesia 2:9

Semes, Pita mai Jon, be ram bora ira tomuai, ram ilo melmeloinia rovoga be God nu hogoinia lalaiau. I ram haḡo limamaru gi dovon̄ana be kamaru gaituvwa n̄an maira. Tam iloe be Banabas maiau gav lol rovoga aben ira Lolobon̄i mai ira Jius.

1 Timoti 5:20

Giv vevea lalainira be ram dogo lol bwatigoro be ram bahala. Vevea kunia lolmatan sinombu duluai lol uloilua huria be vi mamatara rituai mulei.

Jemes 3:2

Gida duluai tam lol vahalana ivusi. Kebe atatu rasav vev te ginau vahala, kera rav vavtutu i rav vwalau dum rebehira sibora.

Ravrava nin Jud 1:3

Ira tuaku, nam doron maragai be nav ravae lalai kimiu huri varahuva be tam dogo alolona lol God. Take nav ravae i nav hudali kimiu be giv bwalo mwasigi huri binihimwasigi garagusi be God nu laia lalai non atatu.