Kelesia 1:8 - Hano Niu Testamen

⁸ Gam doretore lalai kimiu huri Roroi Tavuha. Be kamai sibomai, sage enjel nin amare, si toretore lalainigo huri ginau dolua, si harana be kamai gam bahala!

Kelesia 1:8 ပူးပေါင်းရင်းမြစ်များ

Matiu 25:41

“Vuvuri nai vevea lalainira la mwairiku be, ‘Giv vis dagai niniau! Silo vevegi non God mwa dogo alumiu huba. Giv vano vai lol gabin ron̄ḡagarasi gabe si hav mate te dum, gabi gea gabe nu lol dautauana huri Setan mai non enjel duluai.

Leo Tavuha gabe Mak nu Ravae 14:71

Pita mwa dau bwatuna mwa av ḡaragara be, “God na vevegiau be nam hav vev te mwasigi! Nam hav ilo te wani gea gabe gim avo huria!”

Lalaḡova 23:14

I ataguna ram siv vano vai aben muai tataroi mai ira bwat metua ram bevea be, gam lol nomai tatauleo garagusi be gasav gan te ginau vaivotu be gai wehi Pol.

Ravrava non Pol lalai ata Rom 16:17

Ira tuaku, nam hudali kimiu be giv gita ḡoro hurira be ram lol atatu be ramen vigaigai ginginira, i ram lol hantai binihimwasigi garagusi non atatu. Kera ram hae la mwasin silo vagahi gabe gin huhuinia, i giv togo dagai ninira.

Ravrava non Pol lalai ata Rom 9:3

Nam binihia be nas bului ira tuaku ira Jius mai noḡu sinombu. Nan doronia mulei be nas lai vevegi i nas tu dagai nin Kraes i bisata kunia kea si buluira.

1 Korin 12:3

Nam doronbe giv iloe be atatu sigai be mwa lin̄ Vui non God mwa domuainia, vi vevea be, “vi vevegiana na Jisas.” Atatu vwate si hav vev te dumwia be, “Jisas kea Ratahigi,” be buluiana non Vui Sabuga sigai maia.

1 Korin 16:22

Be vwate si hav tabe te God, lin̄ia na togo dagai nin God. Nomai Ratahigi, gam doron be gov mai vilvilehi!

Kelesia 1:9

Nan vev ginau geki amua, i kadogaha nam bevea mulei: Kimiu gin lai Roroi Tavuha huba vai alolomiu. Be atatu vwate mwa doretore huri ginau dolua lalai kimiu, kea vi harana be mwa bahala!

Kelesia 3:10

Take kera be ram dogo n̄ano ram huri silo be men lolira ramen vavtutu ram dogo halaten vevegi, bwatuna ravrava sabuga mwa bevea be, “Ihei tehe vi lai vevegi be mwa hav gogonai te hano be nu ravana lol bukan silo.”

Kelesia 3:13

Kraes nu lai dagai silo vevegi be silo nu taua aluda. Mwa leahi ute mai gida i mwa daua sibona halaten vevegi gea. Mwa ravana lol ravrava sabuga be, “Ihei tehe be rebehina mwa seserainia la bwatungai kea vi lai vevegi.”

Taetas 3:10

Atagun muan avoan vavanoi i gairuan avoana, tu dagai nin ihei be mwa bwativuga vigaigaiana.

2 Pita 2:14

Vataha mahavana ram ḡita vavine be ram doronia, i nora doroniva huri vuro mwa hav haraharai tehe. Ran tomuai sinombu be ran mandamanda vai lol vidin vuro, i ran Vagahi sibwen̄ira be rav doron liu. God vi vevegira!