Kelesia 1:4 - Hano Niu Testamen

⁴ Jisas mwa laia sibona huri vuroda be men lai lua gida nin ureure vuroga geki be tam dogo alolona, kunia be God tamanda nu lol vatuvwainia.

Kelesia 1:4 ပူးပေါင်းရင်းမြစ်များ

Matiu 13:22

Biri gabe mwa hovi lol ḡauli, nu ḡun atatu gabe mwa ron̄ avoana, take kalkalianan ureure i doroniva non rosomiu mwa haravui avoana tavuha be nu ron̄oe, i mwa hav vwae tehe.

Matiu 20:28

Kun inau, Nitun Atatu, nam hav mai tehe be ramen lol noḡu rovoga. Take nam mai be namen lol nora rovoga, i nam lin̄ rahuku be men vol rahun atatu ivusi.”

Matiu 26:28

Geki dagaku be men lol tatauleo non God be men tu. Dagaku gea vi rovo huri be God vi tugu kaburai vuron sinombu ivusi.

Matiu 26:42

Jisas mwa mom bano mulei varuana mwa dataro, mwa bevea be, “Tata, be gosav lai te dagai laha geki niniau vai votu be nai mwin aluna, nom doroniva n̄an vi tu.”

Matiu 6:9

Bwatuna gea, giv tataro kungeki be: ‘Tata amare: ihamwa na sabuga:

Leo Tavuha gabe Mak nu Ravae 10:45

Kunia n̄an be inau Nitun Atatu nan hav mai tehe be atatu ramen lol rovoga lalaiau; take nan mai be nav lol rovoga lalainira, i nam lin̄ rahuku be men vol rahun atatu ivusi.”

Leo Tavuha gabe Luk nu Ravae 22:19

Haḡe mwa lai tavihen bereti, mwa avkari God, mwa biha borae, mwa laia lalainira, mwa bevea be, “Geki rebehiku, mwa laia huri kimiu. Giv lolia kungeki gin binihi mulei huriau.”

Leo Tavuha gabe Luk nu Ravae 22:42

Mwa bevea be, “Tata, be vi dumwi, lai dagai lahan ron̄ḡagarasi geki niniau. Mwa hav vora te hurin noḡu doroniva, take nom doroniva n̄ano vi dumwi.”

Leo Tavuha gabe Jon nu Ravae 10:11

“Inau radaiḡoro tavuha, nam lin̄ rahuku be nav mate huri sipsip.

Leo Tavuha gabe Jon nu Ravae 12:31

Kadogaha tarona huri ureure geki be men vevegia; i tomuai ata lol ureure geki vi vohaian kaburai.

Leo Tavuha gabe Jon nu Ravae 5:30

“Nasav lol te dum hano gin noḡu roron̄o siboku; nam bevegi n̄an hurin hano God mwa bevea lalaiau, i noḡu silo vevegi nu vavtutu, bwatuna nam hav lol te ron̄oe be namen lol hano be nam doron, take hano gabe wani nu horau mwa doronia.”

Leo Tavuha gabe Jon nu Ravae 6:38

bwatuna nan himai nin lol ute atamare be nav lol doroniva non wani gabe nu horau mai ta barabe noḡu doroniva siboku.

Ravrava non Pol lalai ata Rom 1:7

Lalai kimiu duluai Rom gabe God mwa doron kimiu i nu uloi kimiu be giv vora ira non atat sabuga: Noḡu tataro, be God, tamanda, mai Jisas Kraes, raru vi tau hogoi i tamwata be vi togo mai kimiu.

Ravrava non Pol lalai ata Rom 12:2

Gosav leahigo te sibomwa be goi vora kun ata lol ureure geki, ta gov leahi la hal gara la halan binbinihi. Vuvuri gov vinihi dum hano be God mwa doronia hurigo, gov iloe be havanau nu tavuha i mwa lol dum binihina i havanau nu tavuha be giv lolia.

Ravrava non Pol lalai ata Rom 4:25

Jisas nu mai huribe vi mate huri vuroda, i mwa domare mulei nin mateana be men lol gida tamen vavtutu la lolmatan God.

Ravrava non Pol lalai ata Rom 8:27

God mwa ḡita dum hano be mwa dogo lol irubwin atatu. I mwa ilo havanau be mwa du lol binihin Vui Sabuga, huribe Vui Sabuga mwa avo lalai God huri non atatu la hala gabe God mwa doronia.

Ravrava non Pol lalai ata Rom 8:3

Silo gea roron̄ona sigai, huribe silo gea mwa loliana mwa mamara gin vuroda siboda. Ta God mwa lol hano gabe silo si hav lol te dumwia. Nu hora nituna vai lol ureure mai rahuana n̄ano kun gida, ke atatu rituai ram lol rahu gi tanon vuro. Mwa hora nituna kun gabe tataroi tuntun be men vol vuroda, God mwa lol rahun atatu be men lol kaburai vuro.

Ravrava non Pol lalai ata Rom 8:32

God mwa hav usi te nituna ta mwa mahin̄ainia be vi mate huri gida duluai. I bulmai Jisas, God vi lai ginau n̄oto lalai gida.

1 Korin 15:3

Nam lai lalainigo hano be nu mai lalaiau, be nu liu maragai: be Kraes nu mate huri vuroda, kun avoan sabuga mwa bevea be;

2 Korin 4:4

Setan be mwa lalaḡoi ureure uhu mwa lol binihiva ram matagaraga. Kera be ram hav binihi te mwasigi. Rasav gita te dum gigitan Leo Tavuha. Leo Tavuha huri sarisarin Kraes, kea gaituvwa n̄an mai God.

Kelesia 2:20

Ran tauau huri mateana alun volovolo huri Kraes, i nam mom dogo te mulei kea Kraes be mwa dogo aloloku. Nam dogo radu lol rebehiku, take nam dogo lol binihimwasigi garagusi alun nitun God be mwa dabeau i mwa lin̄ muleinia be men varahuau.

Kelesia 6:14

Nam ilo be nasav sagesagerega tehe huri ginau kunia. Volovolo non Jisas kea n̄ano be mwa lolia nam av sagesagerega. Sivi volovolo non Jisas Kraes, noḡu Ureure mwa boha bolvoloana, i nam mate lalai Ureure.

Ifisas 1:11

Lol Kraes mwa gita lua gida be tai vora sinombu non God, bwatuna be la bwativuna radui, God nu tari halana geki gin non taritari. I kea haḡea atatu gaituvwa be nu lol ginau duluai mwa dame alun ginau be kea nu vinihia i nu doronia.

Ifisas 2:2

Uwe, tuai gin togo la rahuana be ureure nu togo aluna, gin huri tomuai non ira Vui hantai gabe ran togo la ulun ureure. Vui n̄an haḡe gea be mwa lol rovoga alolon irahei gabe ram barihai be rav tabe God.

Ifisas 5:16

Lalaḡoi taromwa duluai huri lalaḡov tavuha, bwatuna garigi gubwen̄ hantai.

Ifisas 5:2

Gov togo lol rahuana lolotabetabe kunia gabe Kraes nu tabe gida i nu lin̄ia sibona huri gida kun gabe hogoi bonboni i tataroi lalai God.

Ifisas 6:12

Nonda bwaloana vorate vai alun atatu lol ureure, take tam bwalo vai alun ira vui hahantai ata lol ureure amare, ira gitaḡoro hahantai, i ira muramura hahantai ata lol taro geki.

Filipae 4:20

Uloi roron God Tamanda vai tuai i vai tuai Amen

1 Tesalonaeka 1:3

Gam binihi dumwia tagaro lolmatan God Tamanda ginau duluai be gin lolia huba, bwatuna nomiu binihimwasigi garagusi i rovoga be gin lolia bwatuna nomiu lolotabetabe. I gam avkaria be gim wasi radu bwatun nomiu doronhohov lol Ratahigi Jisas Kraes.

1 Tesalonaeka 3:11

Kadogaha nomai God i Tata kea sibora i nonda Ratahigi Jisas mwa lol vatuvwai hala huri kamai be gai mai vai abemiu.

1 Tesalonaeka 3:13

Nam dataro be lolomiu vi tu wasigi, be giv vora atat sabuga i vahalana sigai lolmatan nonda i Tata batena be nonda Ratahigi Jisas vi mai mai non ira sabuga duluai.

2 Tesalonaeka 2:16

Nam dataro be nonda ratahigi Jisas Kraes sibona i God tamanda vi av durago i vi lol muramurago lol ginau tavuha n̄oto be gom lolia i gom bevea. God mwa dabe gida, i sivi non hogoi mwa lai lalai gida doronhohov tavuha i avoan dura be mwa rahu vai tuai.

1 Timoti 2:6

Nu mahin̄ainia sibona be vi vora varahun sinombu. Geki mwa lol ḡigilainia la mwasin tarona be God mwa doron atatu duluai be rav rahu.

Taetas 2:14

Nu lin̄ia sibona huri gida be vi lol tavwe be vi ribwes gida nin ginau hantai duluai i be vi lol gida tai vora sinombu melmelo be tai vora bilana n̄an gahena. Sinombu be tagaro tam doron be tav lol lalaḡov tavuha.

Hibru 2:5

Tam iloe be God nu hav tau te non binihiv dau huri ureure aten muramura non ira enjel.

Hibru 6:5

Kera ran habwea huba be avoana non God nu tavuha maragai, i ran ron̄oe huba huri muramuran ureure gara gea be vi visirae n̄an darihou.

Hibru 9:14

Take dagan Kraes vi lol rovoga wasi maragai. Kraes nu kun ginau rahu be ginau vwate nu hav hantai tehe lol rebehina be ram wehia huribe men lai dagai vuron atatu. Gin muramura non Vui Sabuga be mwa dogo vataha mahavana mwa lai rahun Kraes vai aben God. Dagana mwa lol binihinda mwa melmelo lol ginau duluai be tam lolia, huria be tav lol dum rovoga non God be mwa rahu.

Jemes 4:4

Take gom hav mwasigi tehe lalai God! Gom iloe be doronivanan ginau ata lol ureure nuḡun atatu be mwa barihai God? Atatu be mwa doron be men mai gi tuan ureure kea mwa bora ivwalu non God.

1 Pita 2:24

Kraes nu tatal vuroda alolon rebehina la volovolo i gida mwa du be tas lin̄ rahuan vuroga i tav tau bwatuna ba rahu lol rahuan vavtutu. I gida tam rahu bwatuna halan duru alun volovolo.

1 Pita 3:18

Kraes sibona nu ron̄ ḡagarasi huri Vuro vatuvwa n̄an huri sinombu duluai. Kea nu hav matagu tehe be vi lai kimiu vai aben God. Rebehina nu wehiana, take kea nu rahu alolon vui.

1 Jon 2:2

Kraes nu ron̄ gagarasi sibona be men lai dagai vuroda i vuron ureure duluai.

1 Jon 3:16

Gida tam iloe huri lolotabetabe huba bwatuna be Jisas nu lin̄ rahuna huri gida. I bwatuna haḡea tav lin̄ rahuda huri atat dodolua.

Visirai 1:5

Nam dataro be tavuha mai tamwata non Jisas Kraes gabe God du lol domarei muleinia nin mateana i kea haḡea muai ḡoro ira ratahigi lavoa duluai ata lol ureure. Kraes mwa dabe gida, i gin dagana mwa dugu gida nin vuroda.

Visirai 5:9

Ram lol iboi gara ram bevea be: “Giḡo gon dadariha be gov lai buk lulun̄i i gov roto tigoro huri buka be vi mavugeri. Huri be giḡo gon bwalo, i gin mateanan gin mateanan nom ron̄ ḡagarasi mwa boligo huri sinombu non God alun varan sinombu duluai, lalan̄an avoana, i lalan̄an vanua mai lalan̄an atatu be gulira dodolua.

Visirai 7:9

Atagun ginau geki nam ḡarere i nam ḡita dum tatan̄an sinombu be atatu vwate sihav vului te dum sinombu duluai! Kera nin vataha lalan̄an atatu be gulira dodolua, i vanua i varan sinombu, i avoana, i ram du la lolmatan tanon togotogon ratahigi mai nitui sipsip, ram sagasagai gaisaga maita, i rauniuniu la limara.