Kelesia 1:10 - Hano Niu Testamen

¹⁰ Gim binibe nam lol ron̄oe be namen lol atatu ba ramen ron̄ hano be nam bevea? Sigai, God haḡe gaituvwa be nam lol ron̄oe be namen lol samsamwarainia. Nam lol ron̄oe be namen lol samsamwarai atatu? Be nam doron radu be namen lol samsamwarai atatu, nasav vora te atatun rovoga non Kraes.

Kelesia 1:10 ပူးပေါင်းရင်းမြစ်များ

Matiu 22:16

Haḡe ram hora nora roron̄tai rituai maira gabe ram huri Herod vai aben Jisas, ram bevea be, “Vagahi, gam iloe be giḡo atat mwasigi. Gom bagahi mwasigi sinombu hurin hala gabe God mwa doronia, i gom hav matagui te atatu gaituvwa, son̄o be atatu gaivua sa tirigi.

Matiu 28:14

Take be Tomuai Vevev si ron̄oe, kamai gav lol bavtutui ginau gea maia, huri be kimiu gisav lai te silo vevegi huria.”

Matiu 6:24

“Atatu si hav vora te turin rovoga dum lalai ratahigi gairua. Bereva gim hun̄ai vwate i gim dabe vwate. Sage vi gogonai vwate i vi gita hantai vwate. Gisav haḡo te bul rovoga non God mai rovogan mwane.

Lalaḡova 12:20

Herod mwa lolhoroi maragai sinombu ata Taea mai Saidon, i kunia ram bano lol tatan̄ana be rav gitae. Muana ram rav atatu ihana Blastas, kea gabe mwa do mwa ḡitaḡoro rovoga alolon imwan Herod be vi vano bul maira. Haḡe ram mai aben Herod ram hudalinia be vi lol tamwata lalainira, bwatuna be atatu ata la vanuara ram bol gara ginau n̄an nin vanuan ratahigi lavoa.

Lalaḡova 5:29

Pita mai ira hala rituai ram bwaliura be, “Gov tabe God, take gosav tabe te atatu.

Ravrava non Pol lalai ata Rom 1:1

Nin Pol, atatun rovoga non Kraes Jisas. God nu uloiau be nai vora non hala i nu gita luau be nai vev lua Roroi Tavuha.

Ravrava non Pol lalai ata Rom 2:29

Atatu be mwasin Jiu n̄ano kebe mwa bora ira Jiu alolona, mwasin tav dovon̄a mwa loliana alolomwa gin Vui Sabuga, vorate gin silo be mwa ravana. Atatu kunia mwa lai avkari nin God, ninia be vi laia nin atatu vuroi.

Ravrava non Pol lalai ata Rom 2:8

Ta atatu rituai ram binihi sagera. Ram barihai didi huri mwasigi i ram huri lete. God vi lai lalainira non vevegi i lolhoro.

1 Korin 10:33

Gov lolia kunia n̄ano be nam lolia. Kunia be inau nam doron be nav lol doroniva non atatu duluai la hala n̄oto. Nam hav lol te ginau be nu vavtutu huriau take ginau be nu vavtutu huri atatu duluai be rav rahu.

2 Korin 12:19

Gim binihia be gan lol ḡorogoro kamai sibomai lalai kimiu lol taro duluai? Gan avo la ihan Kraes i la lolmatan God. Kimiu sosori maragai gin irubwimai, i ginau duluai be gam lolia be vi lol kimiu giv wasi.

Ifisas 6:6

Gosav lolia te n̄an kungeki lol taro be atatu ram ḡitago, be gomen lolira ramen ron̄mwandavuha. Gin irubwimwa duluai gov lol hano be God mwa doronia gida atatu be tam ḡogonai Kraes.

Filipae 1:1

Nin Pol Timoti atatun rovoga non Kraes Jisas. Lalai ira sabuga duluai non God lol Kraes Jisas. Lalai ira sabuga duluai non God lol Kraes Jisas be gim dogo Vilipae, maira bwatmetue i ira Dikon.

Kolosi 3:22

Ira turi giv tabe ira nomiu tomuai lol ginau n̄oto be gim lolia. Gisav tabe te silo n̄ano lol taro be ram ḡitago, be gomen lol nora doroniva, take gov lol rovoga mwasigi lalainira, bwatuna be gom dabe God.

1 Tesalonaeka 2:4

Take gam bev Roroi Tavuha bwatuna God nu haḡo ron̄ kamai i mwa butu alumai be gav lolia. Batena be gam avo gam hav lol te ron̄oe be gav lol samsamwarai lolon sinombu, take lolon God, kea mwa haḡo ron̄ lolomai.

Jemes 4:4

Take gom hav mwasigi tehe lalai God! Gom iloe be doronivanan ginau ata lol ureure nuḡun atatu be mwa barihai God? Atatu be mwa doron be men mai gi tuan ureure kea mwa bora ivwalu non God.

1 Jon 3:9

Ira nitun God rasav vuroga te ḡaoḡao, bwatuna be God mwa dogo alolora. Rasav vuroga te ḡaoḡao bwatuna be kera ira nitun God.