Leo Tavuha gabe Jon nu Ravae 8:55 - Hano Niu Testamen

⁵⁵ Kimiu gim hav iloe te n̄an haḡea, take inau nam iloe. Be nas vevea be nam hav iloe tehe, inau nas vora tenteneana mulei, kun kimiu. Take nam iloe, i nam dabe non avoana.

Leo Tavuha gabe Jon nu Ravae 8:55 ပူးပေါင်းရင်းမြစ်များ

Matiu 11:27

“Tamaḡu nu lai ginau duluai lalaiau. Atatu vwate mwa hav ilo te Nitui, take Tata n̄an. Haḡe atatu vwate mwa hav ilo te Tata, take Nitui n̄an, i irahei Nitui mwa doron be vi lol bisirainia lalainira.

Leo Tavuha gabe Luk nu Ravae 10:22

“Tamaḡu nu lai ginau duluai lalaiau atatu vwate mwa hav iloe tehe, be Nitui ihei take Tata, n̄an. Haḡe atatu vwate mwa hav iloe te be Tata ihei, take Nitui n̄an, i irahei Nitui mwa doron be vi lol bisirainia lalainira.”

Leo Tavuha gabe Jon nu Ravae 1:18

Atatu vwate mwa hav gita te radui God. Nituna vora gaituvwa, gabe kea kun God sibona i mwa dogo hurin Tamana, kea mwa seserainia lalai gida.

Leo Tavuha gabe Jon nu Ravae 15:10

Be gim dabe noḡu leo horai giv togo lol noḡu lolotabetabe, kunia gabe nam dabe leo horai non Tamaḡu i nam dogo lol non lolotabetabe.”

Leo Tavuha gabe Jon nu Ravae 15:21

Take rav lol ginau duluai kerageki lalai kimiu bwatuna be kimiu noḡu atatu; huribe ram hav ilo te atatu gabe nu horau.

Leo Tavuha gabe Jon nu Ravae 16:3

Sinombu rav lol ginau kungeki lalai kimiu bwatuna be ram hav ilo te Tata sa inau.

Leo Tavuha gabe Jon nu Ravae 17:25

Tata mwasin vavtutu! Ureure mwa hav ilogo tehe, take nam ilogo, i kera geki noḡu atatu ram iloe be gon horau.

Leo Tavuha gabe Jon nu Ravae 6:46

Geki mwa hav vora te gin binihiva be atatu vwate nu gita Tata; kea n̄an gabe nu mai nin God nu gita Tata.

Leo Tavuha gabe Jon nu Ravae 8:19

Haḡe ram hudalinia be, “Tamamwa kehibehe?” Haḡe Jisas mwa bwaliura be, “Gim hav iloau tehe i gim hav ilo te Tata mulei.” Mwa bevea be, “Be gis iloau kunia gis ilo Tamaḡu mulei.”

Leo Tavuha gabe Jon nu Ravae 8:29

Haḡe wani gabe nu horau mai kea maiau; mwa hav deraiau te gaheku, bwatuna be nam lol dum non doroniva n̄an vataha mahavana.”

Leo Tavuha gabe Jon nu Ravae 8:44

Kimiu haḡea ira nitun tamamiu, gabe Setan, i gim doron be giv huri binihiva non tamamiu. La bwativuna kea atat wehiwehi atatu, kea mwa hav vora te mwasigi bwatuna gea mwasigi sigai alolona. Mahavana gabe mwa dentene kea mwa lol ginau hurin mwasin alen̄ana, bwatuna gabe kea tenteneana i taman ira tenteneana duluai.

Leo Tavuha gabe Jon nu Ravae 8:51

Nam bev mwasigi lalai kimiu be: Ihei tehe gabe mwa dabe noḡu silo vagahi sihav mate tehe.”

Leo Tavuha gabe Jon nu Ravae 8:52

Haḡe ram bevea lalainia be, “Kadogaha gam iloe mwasigi be vui hantai alolomwa! Ebraham nu mate, i ira atatun vevsera ran mate, take gom bev raduinia be, ihei tehe mwa dabe nom silo vagahi sihav mate tehe.

Lalaḡova 17:23

Huri be nam lago vataha bwatutun vanuamiu nam ḡita ute gabe gim ḡoḡonai aia, i nam habwe olta vwate mwa ravae aluna be, ‘Geki tanon gogonaiana alun God vwate gabe gam hav iloe tehe.’ God haḡea be gim gogonainia, son̄o be gim hav iloe tehe, i geki haḡea hano gabe nam bevea lalai kimiu.

2 Korin 4:6

God nu vevea be, “Giv lin̄ gigita vi sarisari lua lol metmeto! Geki God n̄an be nu lol gigita mwa sarisari lol loloda mwa lin̄ gida tam ilo huri sarisarin God kea be lolmatan Kraes.”

1 Jon 1:6

Be gida tas vevea be gida tam lago alolon rahuan tavuha mai God take nonda lalaḡova mwa lol ute meto, gida tam dentene i nonda lalaḡova mwa hav vora te mwasigi.

1 Jon 2:22

Ihei hangea tenteneana? Kera gabe ram bevea be Jisas kea mwa hav vora te Kraes. Ihei tehe gabe mwa bevea kungeki kea ivwalu non Kraes, i mwa siehira saraḡo Tata mai Nituna.

1 Jon 2:4

Take be tas garoinia ba bevea be tam ilo God i tam hav tabea tehe, kunia tam dentene i mwasigi mwa hav togo tehe aloloda.

1 Jon 5:10

Be gida tav tau nonda binihimwasigi alun Nitun God. Geki gin binihiva be tam binihimwasigi alun havanau gabe God nu vevea alun Nituna, kea gin binihiva be gida tam bevea be God kea tenteneana.

Visirai 3:9

Giv roron̄tai! Huri tatan̄ana gea be bilan Setan, ira atat tentene gea be ram bevera be kera ira Jius, take ram dentene, inau nav lolira rav mai ba hiv bwaubwau lol bwalagemwa. I kera duluai rav iloe be, inau nam dabego.