Leo Tavuha gabe Jon nu Ravae 8:44 - Hano Niu Testamen

⁴⁴ Kimiu haḡea ira nitun tamamiu, gabe Setan, i gim doron be giv huri binihiva non tamamiu. La bwativuna kea atat wehiwehi atatu, kea mwa hav vora te mwasigi bwatuna gea mwasigi sigai alolona. Mahavana gabe mwa dentene kea mwa lol ginau hurin mwasin alen̄ana, bwatuna gabe kea tenteneana i taman ira tenteneana duluai.

Leo Tavuha gabe Jon nu Ravae 8:44 ပူးပေါင်းရင်းမြစ်များ

Matiu 12:34

Kimiu kun teltele! Kun hanigi giv vev ginau tavuha, be kimiu gin hantai? Bwatuna bwan̄o mwa bev lua ginau gabe lolona nu masiri ginia.

Matiu 13:15

bwatuna binihira mwa bwatoa, i bwerora nu vono, i ran bul matara. Bere ram ḡita dum gin matara, i ram ron̄ dum gin bwerora, bereva ram ḡita batoia, i ram garere huriau, God mwa bevea, i nav varahura.’

Matiu 13:38

Ute lolo ara kea haḡea sinombu gabe ram dabe God be kea Ratahigi ḡorora. Ta urute kera haḡea atat non Vui Hantai.

Leo Tavuha gabe Jon nu Ravae 6:70

Haḡe Jisas mwa bwaliura mwa bevea be, “Matu nan hav gita te lua kimiu han̄vul domwan gairua? Take vwate nin kimiu atmate!”

Leo Tavuha gabe Jon nu Ravae 7:17

Be ihei tehe mwa samsamwara be men lol doroniva non God, vi iloe be havanau nam bagahi huri mwa mai nin God, sage nam avo gin noḡu muramura siboku.

Leo Tavuha gabe Jon nu Ravae 8:38

Nam avo huri ginau gabe Tamaḡu nu vagahiau ginia, take gim lol havanau gabe tamamiu nu vagahi kimiu ginia.”

Leo Tavuha gabe Jon nu Ravae 8:41

Kimiu gim lol ginau n̄an ha kunia be ira tamamiu ran lolia.” Take ram bwaliu Jisas be, “Kamai gam hav vora te nitun utevono. Tamamai gaituvwa n̄an, God sibona.”

Leo Tavuha gabe Jon nu Ravae 8:55

Kimiu gim hav iloe te n̄an haḡea, take inau nam iloe. Be nas vevea be nam hav iloe tehe, inau nas vora tenteneana mulei, kun kimiu. Take nam iloe, i nam dabe non avoana.

Lalaḡova 13:10

mwa bevea be, “Giḡo nitun Setan. Giḡo gom bora ivwalu ḡoro vavtutu duluai. Giḡo gon masiri gin rururuhi i tenteneana, i vataha mahavana gom lol ron̄oe be gov leahi vavtutu non Ratahigi gi tenteneana.

Lalaḡova 24:9

Haḡe ira Jius ram bultai leora alun avoana geki be mwasigi.

Lalaḡova 5:3

Haḡe Pita mwa bevea lalainia be, “Ananias, huri hano be gom lin̄ Setan be men tomuainigo i mwa loligo gom saruruhi Vui Sabuga, ginia be gom haḡo udun homu gabe gon laia nin udun bilamwa?

2 Korin 11:3

Take nam matagu be binihimiu rav sala dagai nin halamiu mwasigi i hal melmelo be gim huri Kraes kunia be teltele nu ruruhi Iv mai non hal hahantai.

1 Pita 5:8

Giv tuḡoro kimiu sibomiu i giv gitaḡoro! Atmate, nomiu ivwalu, be mwa bataha ute kun abe Laion gangani mwa hiḡe atatu be men gania.

2 Pita 2:4

Lol taro be ira enjel ram buroga, God nu hav lin̄ira tehe be rav maribwesi nin vevegi. Nu horara vai lol tanon mateana i nu taura lol malan̄an ute bon̄i aia be ram hohovi huri vevegi.

1 Jon 1:8

Be gida tas siehi gida siboda be tam hav vuroga tehe, kunia mwasigi sigai aloloda.

1 Jon 2:21

Nam hav ravae tehe lalai kimiu bwatuna be gim hav ilo te mwasigi, ta nam ravae lalai kimiu bwatuna be gim ilo mwasigi. I gim iloe be tenteneana mwa mai nin mwasigi.

1 Jon 2:4

Take be tas garoinia ba bevea be tam ilo God i tam hav tabea tehe, kunia tam dentene i mwasigi mwa hav togo tehe aloloda.

1 Jon 3:12

Gisav vora te kun Ken gabe nu wehi bamate mwasin tuana. Huri hano be mwa wehia? Bwatuna be kea nu hantai i tuana nu hantai.

1 Jon 3:15

Be ihei tehe mwa wehi tuana kea wehiwehi surai, i tam iloe be wehiwehi surai, sigai alolon rahuana vai tuai.

Ravrava nin Jud 1:6

I giv vinihi dum ira enjel be ran hav tu te wasigi lol tanora huri muramura i ran lin̄ mwasin tanora. Ratahigi mwa dau ira enjel geki lol ute meto, mwa bauhira gin gao talai be mosmosianana nu sigai, huribe vi vevegira la gubwen̄ vevegi.

Visirai 12:9

I ram bohai kaburai drakon, kea teltele bwatavwega ataa lol ureure tuai be mwa uloiana be Atmate, sa Setan be mwa sine ureure duluai. Kea mwa bohaiana himai vai lol ureure geki, maira non enjel duluai.

Visirai 13:14

Haḡe mwa ruruhi sinombu duluai be mwa dogo lol ureure, ginia be God mwa mahin̄ainia mwa lol ginau dan̄an̄a i tagaro la lolmatan muan ginau rahu gea. I kea mwa bevea lalainira be rav tai nunu vwate gabe nunun muan ginau rahu gabe ran saria gin buan bwaloana take mwa rahu mwa dogo radu, be kera rav gogonainia.

Visirai 2:10

Gisav matagun te havanau tehe gabe mwa abena be men dum kimiu. Giv roron̄tai! Setan vi lol ron̄ kimiu, i vi lolia rituai alolomiu ram togo lol imwa vauvauhi i vi vora kunia huri gubwen̄ han̄vulu. Gisav matagu tehe, son̄o be rav wehi kimiu. I nav lai tavwe lalai kimiu, kun gabe tavwen nomiu garogaroana.

Visirai 21:8

Take nai vevea lalai kimiu huri havanau be vi loli lalai ihei tehe be ram matmatagu; i lalainira be ram lol salil silo, i lalai ira hei be ram lol alen̄ bibili, sage ram wehiwehi bonogai, sage hovita lol bwatigoro, ira hei gabe ram lalaḡoi mateana i mera, i lalai nira be ram ḡogonai nun vatu dodolua, i lalai ira tenteneana. I vi vohainira gea vai lol numbun wain gabi tabwalue mai salva, geki gairuan mateana.”

Visirai 22:15

Take atatu be ram lalaḡo hantai, ira vwiriu meto, gabwaleva i ira atat bwatigoro, i kera be ram gogonai nunu buhiga, maira duluai be ram doron be ramen tentene tagaro i ramen togo deḡeteḡe tagaro.

Visirai 9:11

Haḡe ratahigi lavoa mwa muai ḡorora, gabe enjel mwa muai goro banoi roro. Ihana la avoan ata Hibru be Abadon; i la avoana ata krik be Apolion (binihiva be “Lol kaburai”).