Leo Tavuha gabe Jon nu Ravae 8:23 - Hano Niu Testamen
23 Jisas mwa bwaliura be, “Kimiu gim mai nin teti ata n̄an, take inau nam himai nin amare. Gim mai nin ureure geki, take inau nam hav mai tehe nin ureure geki.
Haḡe Avoana mwa bora atatu, mwa masiri gin hogoi i mwasigi, i mwa dogo mai gida. Tam ḡita sarisarina, sarisari gabe nu laia kun gabe Nitun vora gaituvwa non Tamana.
Nan lai nom roroi lalainira, take ureure mwa barihainira, bwatuna be ram hav vora te bilan ureure, kunia n̄an mulei be inau nam hav vora te bilan ureure.
Wani gabe mwa himai nin ute atamare mwa roroa liu nin atatu n̄oto. Ta wani gabe mwa mai lol ureure mwa bora atatu vai lol ureure i mwa avo n̄an huri ginau ata lol ureure, take wani gabe mwa himai nin amare nu holomare liura n̄oto.
Take gom hav mwasigi tehe lalai God! Gom iloe be doronivanan ginau ata lol ureure nuḡun atatu be mwa barihai God? Atatu be mwa doron be men mai gi tuan ureure kea mwa bora ivwalu non God.