Leo Tavuha gabe Jon nu Ravae 8:19 - Hano Niu Testamen

¹⁹ Haḡe ram hudalinia be, “Tamamwa kehibehe?” Haḡe Jisas mwa bwaliura be, “Gim hav iloau tehe i gim hav ilo te Tata mulei.” Mwa bevea be, “Be gis iloau kunia gis ilo Tamaḡu mulei.”

Leo Tavuha gabe Jon nu Ravae 8:19 ပူးပေါင်းရင်းမြစ်များ

Matiu 11:25

Lol mahavana gea Jisas mwa bevea be, “Tata, giḡo Ratahigi ḡoro ute atamare i lol ureure, nam avkari maragainigo, bwatuna gon lol bisirai lalainira bwaḡele hano gon tahulinia nin ira mataisao.

Leo Tavuha gabe Jon nu Ravae 1:10

Avoan mwa dogo lol ureure, i God nu tau ureure ginia, take ureure mwa hav gita te batoia.

Leo Tavuha gabe Jon nu Ravae 1:18

Atatu vwate mwa hav gita te radui God. Nituna vora gaituvwa, gabe kea kun God sibona i mwa dogo hurin Tamana, kea mwa seserainia lalai gida.

Leo Tavuha gabe Jon nu Ravae 15:21

Take rav lol ginau duluai kerageki lalai kimiu bwatuna be kimiu noḡu atatu; huribe ram hav ilo te atatu gabe nu horau.

Leo Tavuha gabe Jon nu Ravae 16:3

Sinombu rav lol ginau kungeki lalai kimiu bwatuna be ram hav ilo te Tata sa inau.

Leo Tavuha gabe Jon nu Ravae 17:3

Rahuana vai tuai gin binihiva be atatu vi ilogo, be giḡo n̄ano God mwasigi, i be atatu ramen ilo Jisas Kraes gabe gon horae.

Leo Tavuha gabe Jon nu Ravae 7:28

Haḡe mahavana be Jisas mwa bagahi lol Imwa Tataro mwa bevea amare gin silo gaivua be, “Gim iloau mwasigi i gim iloe be inau ata behe? Nam hav mai tehe hurin noḡu doroniva mau. Kea gabe mwa horau, kea haḡea mwasigi. I gim hav iloe tehe,

1 Korin 15:34

Giv mai mulei la mwasin halan binbinihi i gisav mom buroga tehe, kimiu rituai giv busbusi huribe gim hav ilo te God.

Kelesia 4:9

Take kadogaha gom ilo God mwasigi. Mwasigi, kea God be mwa ilogo. I huri hano be gom ban mulei huri ira silo mandamanda i silo lete be gon hurira amua? Gom doronia be goi vora turi huri ginau keragea mulei?

Ifisas 1:17

nam hudali God non nonda Ratahigi Jisas Kraes, Tata be nu roroa liu be vi lai vuin mataisao i visirai lalai kimiu huri be giv ilo tavuhainia.

Kolosi 1:10

Gov togo lol rahuana be mwa lol doroniva non God la hala duluai. Nom rovoga tavuha vi vwaevwae i vi mauri lol mataisao non God.

Kolosi 1:15

God kea ta sav gita te dumwia gin mwasin matada, take be gom ḡita Jisas, kea kunia n̄ano be gom ḡita God. Kraes kea tuagai naturigi non God, i nu holomare hae liu ginau duluai nu loliana.

Hibru 1:3

I Nitun God mwa haḡo mwasin roron̄o non God i sarisarina duluai, i kea nu ḡun God la hala duluai. Kea mwa haḡo bul ureure duluai, gin non avoan muramura. Ataguna be Nituna mwa dugu kaburai vuroda duluai, kea mwa domahuri la mwatuan roron̄o non God lol ute ata amare.

1 Jon 2:23

Be tas siehi naturigi tas siehi Tamana mulei. Take be tas vevea be tam dabe Nitui, tam dabe Tamana mulei.

1 Jon 5:20

Tam iloe be Jisas Kraes nitun God nu mai, i nu vagahi gida gin mwasin God, i Jisas Kraes haḡea bwatuna be kadogaha tam bora bilan mwasin God gabe mwa lai rahuana vai tuai.

2 Jon 1:9

Ihei tehe be mwa ban avare la silo vagahi non Kraes i mwa hav lol te rahurahuinia be men huri non Silo Vagahi n̄ano kea mwa hav huri te God Vai lol rahuna. Take ihei be mwa huri rahurahu silo vagahi non Kraes kea mwa lai saraḡo tamanda i nituna vai alolona.