Leo Tavuha gabe Jon nu Ravae 4:41 - Hano Niu Testamen

⁴¹ Sinombu ivusi ram binihimwasigi non avoana haḡe ram bevea lalai vavine be,

Leo Tavuha gabe Jon nu Ravae 4:41 ပူးပေါင်းရင်းမြစ်များ

Leo Tavuha gabe Luk nu Ravae 4:32

Kera duluai ram dan̄an̄a gin non silo vagahi, bwatuna mwa avo gin roron̄o.

Leo Tavuha gabe Jon nu Ravae 4:40

I batena ata Samaria ram mai vai abena, ram hudalinia be vi to huba maira i Jisas mwa do maira gubwen̄ gairua.

Leo Tavuha gabe Jon nu Ravae 4:42

“Kamai gam binihimwasigi kekadogaha, mwa hav vora te huri hano n̄an be gon vevea, take bwatuna be kamai gan ron̄oe sibomai, i gam iloe be kea mwasigi Varahun Ureure.”

Leo Tavuha gabe Jon nu Ravae 6:63

Ginau gabe mwa lai rahuana kea Vui Sabuga non God, take muramura non atatu nu hav dadariha tehe. Ta avoana duluai gabe nam laia lalai kimiu mwa lai rahuana i Vui Sabuga.

Leo Tavuha gabe Jon nu Ravae 7:46

Kunia ira gitaḡoro ram bwaliura be, “Atatu vwate mwa hav avo te dum kun wani geki?”

Lalaḡova 1:8

Take giv masiri gin muramura mahavana be Vui Sabuga vi himai alumiu, i kimiu giv vora gaituraku lol vanua Jerusalem, i lol vanua Judia duluai mai Samaria vava vi votui nogonan ureure.”

Lalaḡova 15:3

Haḡe uloilua mwa horara, i mahavana be ram botui Vonisia mai Samaria, ram bevea lalai sinombu huri halana kunhanigi ira Lolobon̄i ram binihimwasigi God, i roroi geki mwa lai samwarana gaivua lalai ira binihimwasigi duluai.

Lalaḡova 8:12

Take mahavana be ram binihimwasigi avoana non Vilip huri Roroi Tavuha huri Rahuan gara gabe God mwa bora ratahigi ḡoro non sinombu alolona, i huri Jisas Kraes ira vavine mai atamwani duluai ram lai garuhisabuga.

Lalaḡova 8:25

Mahavana be ram bev havanau be ram iloe huri Jisas i ram seserai roroi jon Ratahigi, Pita mai Jon ramuru dabagilu mulei vai Jerusalem. I lol nora vanoana ramuru doretore huri Roroi Tavuha lol vanua ivusi Samaria.

Hibru 4:13

Ginau vwate mulei sigai be vi hili nin God, dagai nin tanon limana duluai. Havanau tehe mwa ḡigilaga n̄an duluai, la lolmatan God. I gida duluai tav seserai lua rahuda i nonda lalaḡova duluai la lolmatana.