Leo Tavuha gabe Jon nu Ravae 3:10 - Hano Niu Testamen

¹⁰ Haḡe Jisas mwa bwaliua mwa bevea be, “Giḡo vagahi lavoa lol vanua Israel gom hav ilo te ginau geki?

Leo Tavuha gabe Jon nu Ravae 3:10 ပူးပေါင်းရင်းမြစ်များ

Matiu 11:25

Lol mahavana gea Jisas mwa bevea be, “Tata, giḡo Ratahigi ḡoro ute atamare i lol ureure, nam avkari maragainigo, bwatuna gon lol bisirai lalainira bwaḡele hano gon tahulinia nin ira mataisao.

Matiu 15:14

Gisav vinihira te gea! Kera tomuai take ram matagaraga. Mahavana be matagara mwa domuai matagara vwate kera saraḡo raru vi hovi lol lulu.”

Matiu 22:29

Take Jisas mwa bwaliura be, “Gim bahala maragai! Bwatuna be gim hav ilo te Ravrava Sabuga sa muramura non God.

Leo Tavuha gabe Luk nu Ravae 2:46

La gaitolun gubwen̄i ramuru siv habwea lol Imwa Tataro, mwa dogo maira vagahi ira Jius, mwa roron̄tainira i mwa hudalinira gin avoan hudaligi.

Leo Tavuha gabe Luk nu Ravae 5:17

Gubwen̄ vwate batena Jisas mwa bagahi, gita ira Varise rituai maira Vagahin Silo ran togo aia ran mai nin vataha bwatutun vanua ata Kalili mai Judia i nin Jerusalem. Haḡe roron̄o non Ratahigi mwa do mai Jisas be vi varahu ira harova.

Leo Tavuha gabe Jon nu Ravae 3:9

Nikodimas mwa hudalinia mwa bevea be, “Vi loli dum kun hanigi?”

Lalaḡova 5:34

Take vwate alolora kea Varise ihana Kamaliel, kea vagahin Silo i sinombu ram binihi marahi maragainia, kea mwa du amare lolmatan Kansel. Haḡe mwa bevea lalai ira gitaḡoro be rav lai ira hala vai avare.

Ravrava non Pol lalai ata Rom 2:28

Huribe rahumwa kun be hiḡo Jiu i tav dovon̄amwa mwa hav loligo tehe kun be mwasin Jiu.

Filipae 3:3

Kamai haḡea mwasin ira tav dovon̄ana bilan God. Gam ḡogonai God sivi non vui, i nomai sasagerega kea lol Kraes Jisas. Gam hav tau te butuana alumai sibomai sa havanau tehe be gav lol dumwia lalai rebehimai.

Kolosi 2:11

Mulei lol Kraes gim haḡo lalan̄an tav dovon̄a, tav dovon̄a gabe mwa hav loli tehe gin lima. Kea sivi tav dovon̄a non Kraes, gabe, mateana, gabe mwa lai luago nin nom muramura sibomwa.