Leo Tavuha gabe Jon nu Ravae 19:39 - Hano Niu Testamen

³⁹ Nikodimas gabe muana nu vano bon̄i be men gita Jisas, kea mulei ramuru bano mai Josep, i mwa haḡo baki vwate gabe nu masiri gin mee mai alos. Marahin baki gea kun kilo n̄avul gaitolu.

Leo Tavuha gabe Jon nu Ravae 19:39 ပူးပေါင်းရင်းမြစ်များ

Matiu 12:20

Si hav lol te n̄andu ariu lete, i si hav uv te bamate bulu be mwa abena be men mate. Vi lol rovoga kolo nan kunia vai votu vavtutu vi rihumaragai.

Matiu 19:30

I kera ivusi gabe ram domua, rai vora tatagui, i kera tatagui, rav vora tomuai.

Matiu 2:11

Haḡe ram haroro la imwa ram ḡita naturigi mwa eno mai ratahina Mere. I kera ram hivbwaubwau abena i ram ḡogonainia. Haḡe ram rarau lol nora tan̄a, ram lai lua nora tabeana be nu loliana gin vatlegiga, i ginau bonboni be ihana vrankinsens, mee i ram laia gi tabeana lalainia.

Leo Tavuha gabe Mak nu Ravae 16:1

Haḡe ataguna be gubwen̄ mambuharai mwa nogo, Mere Makdalen, i Mere gabe ratahin Semes mai Salome ramuru bol hun wai sasasav bonboni be raru men van ba sasav rebehin Jisas ginia.

Leo Tavuha gabe Jon nu Ravae 12:3

Haḡe Mere mwa lai udun bwelehun wai sasavi gabe volina nu marahi maragai, nu lol roiroiana mai hun gai bonboni, i mwa salilia la bwalagen Jisas, i mwa man̄ia gin iluna. Haḡe bonin hun wai sasasavi bonboni mwa masiri alolon imwa.

Leo Tavuha gabe Jon nu Ravae 12:7

Take Jisas mwa bevea be, “Lin̄ia na lolia! Kea vi lol havanau gabe mwa lolia huri gubwen̄i be vi taviau alolona.