Leo Tavuha gabe Jon nu Ravae 19:13 - Hano Niu Testamen

¹³ Mahavana Paelat mwa ron̄ avoana kerageki, mwa lai Jisas vai avare i kea mwa domahuri la tanon vevev lol ute gabe mwa huia “Gi togotogo Vatu.” (La avoana non ira Hibru be “Kabata.”)

Leo Tavuha gabe Jon nu Ravae 19:13 ပူးပေါင်းရင်းမြစ်များ

Matiu 27:19

Haḡe batena be Paelat mwa dogo la tanon vevev, tasalana mwa hora vai abena, mwa bevea be, “Gosav lol te hano lalai atat vavtutu gea, bwatuna nan ron̄ mwahantai maragai kahabon̄i lol noḡu maturubore huria.”

Leo Tavuha gabe Luk nu Ravae 12:5

Nav vev luae lalai kimiu wani gabe giv mataguinia. Giv matagui God, kea gabe ataguna be mwa wehi kimiu vi vohai kimiu vai lol gabi. Mwasigi nam bevea lalai kimiu be, giv mataguinia!”

Leo Tavuha gabe Jon nu Ravae 19:17

Kea mwa bwihavare, mwa datal non volovolo, mwa bano lol ute mwa uloinia be, “Tanon bwalan Bwatun Atatmate,” i mwa uloinia. (La avoana non ira Hibru be “Kolkota.”)

Leo Tavuha gabe Jon nu Ravae 19:20

Sinombu ram basogoe, bwatuna be ute be ram bohae aia mwa hav vora te hautu nin bwatutun vanua. Ravrav seserai uhu nu ravana la avoan non ira Hibru, Rom i Krik.

Leo Tavuha gabe Jon nu Ravae 19:8

Mahavana Paelat mwa ron̄ avoana geki, mwa matagu maragai.

Leo Tavuha gabe Jon nu Ravae 5:2

Aben Jerusalem waitogo vwate mwa do aia, sosori n̄an gin matgatavan vanua mwa huia be matgatava huri sipsip. Imwa vwate mwa do aia mai malmaluna gailima, i ute gea lol nora avoana ira Hibru ram huia be Betsata.

Lalaḡova 4:19

Take Pita mai Jon ramuru bwaliura ramuru bevea be, “Kimiu sibomiu gin vevegia be kehibehe nu vahala lalai God, be garu vi tabe kimiu sage garu vi tabe God?