Leo Tavuha gabe Jon nu Ravae 17:23 - Hano Niu Testamen

²³ Inau alolora i giḡo aloloku, huribe rai vora gaituvwa mwasigi, be ureure men iloe be gon horau i be gom dabera kun gabe gom dabeau.”

Leo Tavuha gabe Jon nu Ravae 17:23 ပူးပေါင်းရင်းမြစ်များ

Leo Tavuha gabe Jon nu Ravae 10:38

Take be nam lol dumwira, son̄o be gim hav vinihi te mwasigiau, mwa du be giv binihimwasigi noḡu lalaḡova, huribe gimen ilo vatuvwainia vai tuai be Tata mwa dogo aloloku i inau nam dogo lol Tata.”

Leo Tavuha gabe Jon nu Ravae 13:35

Be giv tabe vatvataha atatu, kunia atatu duluai rav iloe be kimiu noḡu roron̄tai duluai.”

Leo Tavuha gabe Jon nu Ravae 14:10

Matu gom hav vinihi te mwasigi, Vilip, be inau alolon Tata i Tata aloloku?” Jisas mwa bevea lalainira non roron̄tai be, “Avoana be nan vevera lalai kimiu, mwa hav mai te niniau, Tata, gabe mwa dogo maiau, mwa lol non rovoga sibona.

Leo Tavuha gabe Jon nu Ravae 14:23

Jisas mwa bwaliua be, “Ihei tehe mwa dabeau vi ḡoḡoi noḡu silo vagahi. Tamaḡu vi tabea, i kamaru mai Tamaḡu garu vi mai huria ba dogo maia.

Leo Tavuha gabe Jon nu Ravae 15:9

Nam lolotabetabe kimiu kunia gabe Tata mwa lolotabeau: giv togo lol noḡu lolotabetabe.

Leo Tavuha gabe Jon nu Ravae 16:27

bwatuna Tata sibona mwa dabe kimiu. Mwa dabe kimiu bwatuna gim dabeau i gim binihimwasigi be nan mai nin God.

Leo Tavuha gabe Jon nu Ravae 17:11

I kadogaha nam mai hurigo; nasav mom dogo te mulei lol ureure, take kera ram dogo lol ureure. Tata Sabuga! Gov gitae be rav rahu bwatuna ihamwa nu muramura, iha gabe gon laia lalaiau, huri be rai vora gaituvwa kun gabe gidaru gaituvwa.

Leo Tavuha gabe Jon nu Ravae 17:21

Nam dataro be kera duluai rai bul gaituvwa. Tata! Nam dataro be kera rav bulu alolodaru, kunia n̄an gabe giḡo aloloku i inau alolomwa. Nam dataro be rav bul gaituvwa, huribe ureure vi binihimwasigi be gon horau.

Leo Tavuha gabe Jon nu Ravae 17:24

“Tata! Gon laira lalaiau, i nam doron be rav togo maiau lol ute be nav to aia, huribe rav gita sarisariku, sarisari gabe gon laia lalaiau; huribe gon tabeau la bwativuna vuvuri mwa siv tau ureure.

Leo Tavuha gabe Jon nu Ravae 17:26

Nan seserainigo lalainira, i nav lol rahurahuinia kunia lalainira, huria be nom lolotabetabe huriau vi togo alolora mulei, i inau mulei nav togo alolora.”

Leo Tavuha gabe Jon nu Ravae 17:3

Rahuana vai tuai gin binihiva be atatu vi ilogo, be giḡo n̄ano God mwasigi, i be atatu ramen ilo Jisas Kraes gabe gon horae.

Leo Tavuha gabe Jon nu Ravae 17:8

Nan lai roroi lalainira gabe gon laia lalaiau, i ran lai ḡoḡoe; kera ram iloe be mwasigi gon horau.”

Leo Tavuha gabe Jon nu Ravae 3:17

God nu hav horau tehe, inau Nituna vai lol ureure be nai vevegi ureure take be nav vora varahun ureure.

Leo Tavuha gabe Jon nu Ravae 6:56

Ihei tehe gabe mwa ḡan vigohoku i mwa mwin dagaku mwa dogo aloloku i inau alolona.

1 Korin 1:30

Take God nu haḡo bul kimiu alolon Kraes Jisas, i God nu lol Kraes be vi vora nonda mataisao. Sivi Kraes haḡea mwa dau bavtutui mulei gida lol God i mwa lol gida tam bora atat mataisaoga, i mwa ḡita batoi gida i mwa lol sabugai gida.

2 Korin 5:21

Kraes kea non bwatigoro sigai, take God nu lolia mwa mai kun be atat bwatigoro huribe sivi Kraes tav mai bavtutu dum mulei mai God.

Kelesia 3:28

Lol Kraes nu hav vora te dolua lol davolan ira varan ira Jius mai ira Lolobon̄i, atat vauhi i atat maribwesi, atamwani i vavine, kimiu n̄oto gin dadariha lol Kraes Jisas.

Filipae 3:15

Gida duluai be tan metua lol hogoi ata lol vui mwa du be tai binbinihi huri hala geki mulei. I be aia ginau rituai be gim hav dame te huria, God vi lolira rav melmelo lalai kimiu.

Kolosi 1:28

I tav tu rahurahu be tav toretore huri Kraes lalai atat gaitutuvwai, tav haḡo mataisao duluai be tai vev dau i tav vagahi atatu duluai, la hala be tav lai gaitutuvwainira vai aben God kun gabe atat mituaga lol Kraes.

Kolosi 2:2

Nam doronia be rav muramuraga i rav bul gaituvwa lol lolotabetabe be rav rosoga lol nora iloilo. La hala n̄an gea ram ilo ute rosoga dahuligi non God, kea Kraes sibona.

Kolosi 3:14

Gov lol ginau n̄oto kerageki; take liu n̄ano be, gov tabe tuamwa. Lolotabetabe haḡea havanau be mwa haḡo bul kimiu duluai lol tamwata.

1 Pita 5:10

I ataguna be giv ron̄ ḡagarasi huri taro vwelvwele gea, God, gabe mwa lai hogoi duluai, vi lol ginau tavuha duluai rav vavtutu. Kea vi lol kimiu giv wasi i vi tu wasigi mai kimiu bereva gim hovi. Mwa uloi kimiu be giv bete mai sarisari lol Kraes, sarisari be vi tu rahurahu vai tuai.

1 Jon 1:3

Gam bev ginau lalai kimiu be gam ron̄oe i gam ḡitae. Huria be kimiu giv bulu mai kamai lol rahuana. I gam bulu maia lol Tata i mai Nituna Jisas Kraes.

1 Jon 3:1

Giv vinihi lolotabetabe non Tata be kea mwa dabe maragai gida. Kea mwa dabe maragai gida i mwa uloi gida be ira nituna. Gida mwasin ira nituna. Take sinombu ata lol ureure geki ram hav iloe tehe be gida ira nitun God, bwatuna be ram hav ilo te God.

1 Jon 4:19

Tam dabe atat dodolua bwatuna be God mwa dabe gida.

Visirai 3:9

Giv roron̄tai! Huri tatan̄ana gea be bilan Setan, ira atat tentene gea be ram bevera be kera ira Jius, take ram dentene, inau nav lolira rav mai ba hiv bwaubwau lol bwalagemwa. I kera duluai rav iloe be, inau nam dabego.