Leo Tavuha gabe Jon nu Ravae 17:1 - Hano Niu Testamen

¹ Mahavana be Jisas mwa bev vuvuri ginau geki, mwa ḡarere vai amare mwa bevea be, “Tata, tarona mwa mai. Gov lol roroaiau inau Nitumwa, huribe inau Nitumwa nav lol roroainigo.

Leo Tavuha gabe Jon nu Ravae 17:1 ပူးပေါင်းရင်းမြစ်များ

Leo Tavuha gabe Mak nu Ravae 14:41

Haḡe Jisas mwa dabagilu vatoluna hurira roron̄tai, mwa bevea be, “Matu gimdol maturu i gim dol mambuharai radu? Nu dadariha mahavana nu mai huba! Gita mahavana mwa mai be men lin̄iau Nitun atatu vai lol limara atat hantai.

Leo Tavuha gabe Luk nu Ravae 18:13

“Take harahara homu mwa du ban dagai hautu mwa dutui bwabwana mwa bevea be, ‘God gov hagaviau mai vuroku!’ ”

Leo Tavuha gabe Luk nu Ravae 22:53

Nam dogo mai kimiu lol Imwa Tataro vataha gubwen̄, take gim hav haḡo te batugehiau. Take kadogaha mahavana be giv lol hano kun gabe gin doronia, lol mahavana geki be muramura ata lol ute meto mwa ratahigi.”

Leo Tavuha gabe Jon nu Ravae 11:4

Mahavana be Jisas mwa ron̄oe, mwa bevea be, “Lasarus mwa haro, take mwa hav vora te gin binihiva be vi mate; take huria be men seserai lua muramura non God. Harova geki, hala huri be God men lol roroai ihaku, inau nituna.”

Leo Tavuha gabe Jon nu Ravae 11:41

Haḡe ram lai dagai vatu. I Jisas mwa dada vai amare mwa bevea be, “Nam avkarigo Tata, huri be gom roron̄taiau.

Leo Tavuha gabe Jon nu Ravae 12:23

Haḡe Jisas mwa bwaliura mwa bevea be, “Tarona mwa mai kadogaha huriau Nitun Atatu be God vi lol roroai ihaku.

Leo Tavuha gabe Jon nu Ravae 13:1

Haḡe gubwen̄i amua mwasivora gubwen̄in Samsamwaran Halbisḡalau. Jisas nu iloe be tarona mwa mai huria be vi vano nin ureure geki vai aben Tata. Vataha mahavana kea nu tabera gabe ran togo lol ureure kera gabe non atatu sibona, i nu tabera vaivotu nogonana.

Leo Tavuha gabe Jon nu Ravae 16:32

Tarona mwa mai, i nu votu huba teti, batena be kimiu duluai giv visalsala, vatvataha kimiu, vi tabagil mulei vai la mwasin vanuana, i inau nav togo n̄an gaheku. Take mwa hav vora te inau gaheku mwasigi, bwatuna gabe Tata kea maiau vataha mahavana.

Leo Tavuha gabe Jon nu Ravae 7:30

Haḡe kunia ram lol ron̄oe be rav haḡo batugehia, take liman atatu vwate mwa hav dumwia tehe, bwatuna be mahavana mwa hav mai te huria radu.

Leo Tavuha gabe Jon nu Ravae 7:39

Jisas mwa avo kungeki huri Vui Sabuga, be kera be ram binihimwasiginia, kea vi laia lalainira. Ran hav lai te Vui Sabuga radu lol mahavana gea, bwatuna be Jisas mwa hav hae te mulei radu vai lol non ute Ratahigi.

Leo Tavuha gabe Jon nu Ravae 8:20

Jisas mwa bev ginau duluai kerageki mahavana be mwa bagahi lol Imwa Tataro, lol vwavwan imwa gabe tanon hogoi mwa do aia. Take atatu gaituvwa mwa hav haḡo te batugehia, bwatuna be mahavan tarona mwa hav mai te radu.

Lalaḡova 3:13

God non Ebraham, Aisak, Jekob, i God non ira sibida, nu lai mwasin non roron̄o, lalai non atatun rovoga Jisas. Take gim lin̄ia gin roron̄o, i gim bev dagarae lolmatan Paelat, vaivotu ataguna Paelat mwa bihinia be vi ribwesia.

1 Pita 1:21

Sivi Kraes gim binihimwasigi God, gabe nu tomarei Kraes nin mateana i nu lai lalainia ute Sarisari. Nomiu binihimwasigi garagusi i nomiu doronhohov mwa do alolon God.