Leo Tavuha gabe Jon nu Ravae 16:33 - Hano Niu Testamen

³³ Nan vev ginau geki lalai kimiu huribe, giv lai tamwata ginia, huribe be giv bul gaituvwa aluku. Ureure vi lol kimiu giv ron̄ ḡagarasi. Take giv tu wasigi! Nan rihu maragai nin ureure!”

Leo Tavuha gabe Jon nu Ravae 16:33 ပူးပေါင်းရင်းမြစ်များ

Matiu 9:2

La mahavana mwa botu mulei ta sinombu rituai ram mai mai atatu vwate be rebehina nu mate, mwa eno la bata. Jisas mwa ḡita batoi nora binihimwasigi garagusi, mwa bevea lalai wani rebehina nu mate be, “Mala, gov to mahurigi. Vuromwa mwa binihi kaburaiana.”

Leo Tavuha gabe Luk nu Ravae 19:38

Ram bevea be, “God vatavuhai Ratahigi Lavoa gabe mwa mai lol ihamwa! Tamwata amare i God na roroa lol mahao!”

Leo Tavuha gabe Luk nu Ravae 2:14

“Uloi roron God lol mahao amare, i tamwata la ureure abera atatu gabe God mwa ron̄ mwandavuha ginira!”

Leo Tavuha gabe Jon nu Ravae 12:31

Kadogaha tarona huri ureure geki be men vevegia; i tomuai ata lol ureure geki vi vohaian kaburai.

Leo Tavuha gabe Jon nu Ravae 14:1

Jisas mwa bevea lalainira be, “Gisav binbinihi te lavoai. Giv binihimwasigi alun God i giv binihimwasigi mulei aluku.

Leo Tavuha gabe Jon nu Ravae 14:27

“Tamwata haḡea ginau gabe nam derainia mai kimiu; noḡu tamwata siboku gabe nam laia lalai kimiu. Nam hav laia tehe kun gabe ureure mwa laia. Gisav binbinihi te lavoai; i gisav matagu tehe.

Leo Tavuha gabe Jon nu Ravae 16:11

i kera ran vahala alun silo vevegi, bwatuna be tomuai ata lol ureure geki nu vevegiana huba.”

Lalaḡova 14:22

Ramuru lol wasi ira binihimwasigi i ramuru av durara be rav tu wasi alun nora binihimwasigi garagusi. Haḡe ramuru bevea be, “Mwa du be tai van sivi ute ririhai ivusi vuvuri tam siv van lol Rahuan gara gabe God mwa bora ratahigi alolona.”

Lalaḡova 23:11

Haḡe lol bon̄i gea Ratahigi mwa bisirai aben Pol mwa bevea be, “Gosav matagu tehe! Gon lai nom gaitura huba lalaiau teti Jerusalem, i gov lolia n̄an mulei kunia lol vanua Rom.”

Lalaḡova 27:22

Kadogaha nam bevea lalai kimiu be, gisav matagu tehe. Atatu vwate sihav salai te dum rahuna; take waḡa n̄an gaituvwa vi momoga.

Lalaḡova 27:25

Haḡe bwatuna gea, kimiu duluai gisav matagu tehe. Inau nam binihimwasigi alun God, be ginau duluai vi visirai kun gabe enjel nu vevea lalaiau.

Lalaḡova 9:31

Haḡe kunia uloilua Judia duluai, Kalili mai Samaria ram dogo lol tamwata. Haḡe uloilua mwa mauri doratora gin buluiana non Vui Sabuga, kun gabe mwa dogo gin binihi marahi alun Ratahigi.

2 Korin 1:3

Avoan avkari lalai God i lalai taman nonda ratahigi Jisas Kraes. God kea Tata be nu masiri gin sine hagavi i avoan maḡomaḡo.

2 Korin 13:11

Kadogaha, ira tuaku nam bevea be tai vilin̄lin̄i. Giv lol ron̄oe be giv mai gi atat duluai. Giv lol havanau be nan hudali kimiu be giv togo lol tamwata. Vuvuri God be kea lolotabetabe i tamwata vi togo mai kimiu.

2 Korin 2:14

Take avkari lalai God, kea tagaro mwa domuai gida vai lol tanoi sivi Kraes. God mwa haḡo kamai be gav lon̄ahi ute gin non iloute vataha ute kun bonin ruḡuruḡu bonboni.

2 Korin 4:7

Kamai nomai na hogoi tavuha uhu nin God, take kamai kun tanon wai be tan malagoba be mwa dau ḡoḡo na hogoi tavuha alolona. Geki mwa seserainia be muramura gaivua mwa mai nin God, mwa hav vora te nin kamai.

2 Korin 6:4

Take la hala duluai gam seserainia be kamai atatun rovoga non God: aluna be gam damei ginau ririhai, i lol hal ririhai lalavoa.

2 Korin 7:4

Nam ron̄oe mwasigi huri kimiu be nam sasagerega huri kimiu. Gim lai lol maḡemu lalaiau, i lol nomai taro ririhai duluai, gan lai samsamwara gaivua.

Kelesia 1:4

Jisas mwa laia sibona huri vuroda be men lai lua gida nin ureure vuroga geki be tam dogo alolona, kunia be God tamanda nu lol vatuvwainia.

Kelesia 6:14

Nam ilo be nasav sagesagerega tehe huri ginau kunia. Volovolo non Jisas kea n̄ano be mwa lolia nam av sagesagerega. Sivi volovolo non Jisas Kraes, noḡu Ureure mwa boha bolvoloana, i nam mate lalai Ureure.

Filipae 4:7

I Tamwata non God, be kea gaivua, tasav ilo te dum huria, vi haḡo ḡoḡo lolomiu i binihimiu lol Kraes Jisas.

Kolosi 1:20

I sivi Nituna, God mwa lai mulei ginau duluai huria sibona-ginau lol ureure i ginau amare. God mwa lol tamwata sivi dagan Nituna gin mateana alun volovolo.

1 Tesalonaeka 3:4

Gaituvwa n̄an batena be kamai mai kimiu, gan vevea lalai kimiu be gida duluai tav ron̄ ḡagarasi, i gin iloe be nu loli huba.

1 Tesalonaeka 3:7

Haḡe ira tuaku, batena be gam habwe hal ririhai i ron̄ḡagarasi, kimiu gim dura kamai bwatuna nomiu binihimwasigi garagusi.

2 Tesalonaeka 3:16

Kadogaha nam dataro be Ratahigi Tamwata vi lai lalainigo tamwata i la hala duluai Ratahigi vi togo mai kimiu n̄oto.

2 Timoti 3:12

Kera duluai be ram doron be rav togo kunia be God mwa doronia, lol Kraes Jisas, rav ron̄ḡagarasi.

Hibru 11:25

Kea mwa hav doron tehe be vi ron̄ mwandavuha lol alen̄an vuro be huri taro kolo n̄ano. Take ke mwa ron̄ mwandavuha be vi bulu mai ira atat non God ba ron̄ mwahantai maira.

Hibru 7:2

Haḡe Ebraham mwa hara non viloḡoana la tatan̄ana han̄vulu i mwa lai tatan̄an vwate lalai Melkisidek. (Iha gea Melkisedek, binihivanana be, “Ratahigi Lavoa huri alen̄ vavtutu,” i ihana mulei vwate ram bevea be, “Ratahigi Lavoa huri Salem,” gin binihivanana be, “Ratahigi Lavoa huri tamwata.”)

1 Pita 5:9

Gisav lin̄ te kimiu lalainia, giv tu wasigi gin nomiu binihimwasigi garagusi. Gim iloe be ira atatun Kraes duluai dalis ureure ram haḡo ron̄ ḡagarasi n̄an gaituvwa.

1 Jon 2:13

Ira tama, nam ravae geki lalai kimiu, bwatuna be gim ilo wani gabe nu togo mai kimiu la bwativuna. Ira mwalaḡelo, nam ravae geki lalai kimiu huria be kimiu gim muramura ḡoro bwatigoro.

1 Jon 4:4

Ira nituku, kimiu ira nitun God, i gim muramura huba nin ivwalu. I Vui non God alolomiu, i nu muramura nin vui ata lol ureure.

1 Jon 5:4

Ira nitun God duluai ram muramura nin kalkaliana, i nonda binihimwasigi garagusi haḡea be mwa lai muramura geki lalai gida.

Visirai 12:11

Ira tuada ran muramura ḡorora gin dagan nitui sipsip i gin mwasigi gabe ran seserai luae; i ran muramura bwatuna be ran hav sinsinei te rahura, take ran samsamwara be rai mate.

Visirai 3:21

I lalainira be ram muramura, nav lai tanoi lalainira be rav tomahuri bul maiau lol tanon togotogon ratahigi, kun gabe inau nam muramura, i garigi inau bul mai Tamaḡu lol non tanon ratahigi.”

Visirai 7:14

“Nam bwaliua be, ratahigi nam hav iloe tehe, giḡo gom iloe.” Kea mwa bevea lalaiau be, “Geki haḡea sinombu gabe ran ron̄ ḡagarasi i ram wehira huri nora binihimwasigi. Mwa bwaga melmeloinira gin dagan nitui sipsip.