Leo Tavuha gabe Jon nu Ravae 16:28 - Hano Niu Testamen

²⁸ Inau nam mai nin Tata, i nan mai vai lol ureure; i kadogaha nav lin̄ ureure ba ban mulei vai aben Tata.”

Leo Tavuha gabe Jon nu Ravae 16:28 ပူးပေါင်းရင်းမြစ်များ

Leo Tavuha gabe Luk nu Ravae 24:51

I batena be mwa batavuhainira, kea mwa ban dagai nin lolmatara i mwa lai muleinia vai amare.

Leo Tavuha gabe Luk nu Ravae 9:51

Batena gabe mwa abena gin gubwen̄ gabe Jisas vi hae mulei alolona, kea mwa binihi tuhi be vi hae vai Jerusalem.

Leo Tavuha gabe Jon nu Ravae 13:1

Haḡe gubwen̄i amua mwasivora gubwen̄in Samsamwaran Halbisḡalau. Jisas nu iloe be tarona mwa mai huria be vi vano nin ureure geki vai aben Tata. Vataha mahavana kea nu tabera gabe ran togo lol ureure kera gabe non atatu sibona, i nu tabera vaivotu nogonana.

Leo Tavuha gabe Jon nu Ravae 13:3

Jisas nu iloe be Tata nu lai muramura duluai lalainia; nu iloe be kea nu mai nin God i vi vano vai aben God.

Leo Tavuha gabe Jon nu Ravae 14:28

Gin ron̄oau nan vevea lalai kimiu be, ‘Nai vano take nai mai mulei huri kimiu.’ Be gim dabeau, gis samsamwara be nai vano huri Tata; bwatuna be kea liu niniau.

Leo Tavuha gabe Jon nu Ravae 16:10

kera ran vahala maragai huri ginau gabe nu vavtutu, bwatuna gabe nai vano huri Tata i kimiu gisav mom ḡitau te mulei;

Leo Tavuha gabe Jon nu Ravae 16:16

“Tiri ḡalia n̄an gisav mom ḡita te muleiau, i tiri ḡalia n̄an ataguna giv gita muleiau.”

Leo Tavuha gabe Jon nu Ravae 16:30

Kadogaha gam iloe be gom ilo ginau duluai; mwa hav tu tehe be atatu vi mom lai avoan hudaligi lalainigo bwatuna gom iloe vwaliura amua atatu ram siv hudalinigo. Geki mwa lolia gam binihimwasigi be gon mai nin God.”

Leo Tavuha gabe Jon nu Ravae 16:5

Take kadogaha nam ban huri wani gabe nu horau, vuvuri ta vwate nin kimiu mwa hav hudaliau tehe be namen van halabehe.

Leo Tavuha gabe Jon nu Ravae 17:11

I kadogaha nam mai hurigo; nasav mom dogo te mulei lol ureure, take kera ram dogo lol ureure. Tata Sabuga! Gov gitae be rav rahu bwatuna ihamwa nu muramura, iha gabe gon laia lalaiau, huri be rai vora gaituvwa kun gabe gidaru gaituvwa.

Leo Tavuha gabe Jon nu Ravae 17:13

Haḡe kadogaha nam mai hurigo, ta nam bev ginau kera geki bwatuna nam dogo lol ureure, huribe rav lai noḡu samwarana alolora duluai i vi masiri latlate.

Leo Tavuha gabe Jon nu Ravae 17:5

Tata! Gov lol roroaiau kadogaha la lol matamwa, huri be nav roroa, nav roroa kun gabe nan togo maigo la bwativuna.”

Leo Tavuha gabe Jon nu Ravae 8:14

Jisas mwa bwaliura be, “Sigai, son̄o be nam dura mulei noḡu avoana siboku, havanau be nam bevea nu mwasigi, bwatuna be nam iloe be nam mai nin behe i nam ban vai behe. Take kimiu gim hav ilo te ute be nam mai aia i nai van aia.

Leo Tavuha gabe Jon nu Ravae 8:42

Haḡe Jisas mwa bevea lalainira be, “Be God mwasigi Tamamiu, mwa du be giv tabeau; bwatuna be nan mai nin God i kadogaha inau teti. Nan hav mai tehe alun noḡu doroniva siboku, take kea nu horau.