Leo Tavuha gabe Jon nu Ravae 16:13 - Hano Niu Testamen

¹³ Mahavana be Vui vi mai, vi lol bisirai mwasigi huri God i kea vi tomuai kimiu vai lol mwasigi duluai. Kea sihav avo te alun non roron̄o sibona, take vi avo alun ginau gabe nu ron̄oe i vi vev ginau lalai kimiu gabe rav mai radu.

Leo Tavuha gabe Jon nu Ravae 16:13 ပူးပေါင်းရင်းမြစ်များ

Leo Tavuha gabe Jon nu Ravae 12:49

Nam bev mwasigi, bwatuna be nam hav avo tehe alun noḡu roron̄o siboku, take Tata gabe nu horau kea nu vev hano lalaiau be nai vevea i nav avo aluna.

Leo Tavuha gabe Jon nu Ravae 14:17

Kea haḡea vui gabe vi seserai mwasigi huri God. Ureure sihav lai te ḡoḡo dumwia, bwatuna gabe mwa hav gitae tehe, sage mwa hav iloe tehe. Take kimiu gim iloe, bwatuna be mwa dogo mai kimiu i kea alolomiu.”

Leo Tavuha gabe Jon nu Ravae 14:26

Gaituramiu gabe Vui Sabuga, kea gabe Tata vi horae lol ihaku, vi vagahi kimiu alun ginau duluai i vi lol kimiu giv vinihi dum ginau duluai gabe nan vevea lalai kimiu.”

Leo Tavuha gabe Jon nu Ravae 14:6

Jisas mwa bwaliua be, “Inau matanhala, mwasigi, i rahuana; atatu vwate sihav van te dum aben Tata dagai niniau.”

Leo Tavuha gabe Jon nu Ravae 15:26

“Taro vi mai gabe Vui vi lol bisirai mwasigi huri God i kea mwa mai nin Tata. Nav horae huri kimiu nin Tata, i kea vi avo huriau.

Leo Tavuha gabe Jon nu Ravae 16:12

“Ginau ivusi radu be nai vevea lalai kimiu, take vivora ivusi butbutui lalai kimiu huria be gimen laia.

Leo Tavuha gabe Jon nu Ravae 3:32

Mwa bevuri huri hano nu gitae i nu ron̄oe, ita ihei gaituvwa mwa hav lai te ḡoḡo non avoana.

Leo Tavuha gabe Jon nu Ravae 8:38

Nam avo huri ginau gabe Tamaḡu nu vagahiau ginia, take gim lol havanau gabe tamamiu nu vagahi kimiu ginia.”

Lalaḡova 11:28

I atatu vwate ihana Akabas mwa du amare mwa dovtovo gin roron̄o non Vui be ureure duluai mwa abena be vi maroga lol mahavana gea Klodias nu vora ratahigi.

Lalaḡova 20:23

Nam iloe n̄ano be lol bwatutun vanua duluai, Vui Sabuga mwa lol bisirainia lalaiau be nav togo lol imwa vauvauhi i nav ron̄ ḡagarasi.

Lalaḡova 27:24

mwa bevea be, ‘Pol gosav matagu tehe! Take goi vano ba du lolmatan Sisa. I God mwa samsamwara be vi varahu rahura be gim lago bulu.’

2 Tesalonaeka 2:12

Kera n̄oto gea rav lai silo vevegi wasi, kera ram hav binihimwasigi tehe, ta ram samsamwara be ramen lol ginau lete.

2 Tesalonaeka 2:3

Gosav mahin̄a tehe be atatu vwate vi vataltalego la hala vwate. Gubwen̄in ratahigi si hav mai tehe vai votu be rav van burigai nin God i atatun vui son̄son̄o be mwa lago la halana vai lol ute meto vi visirai.

Hibru 1:1

Tuai maragai huba ira atatun vevsera non God ran avoi seserai non roroi lalai ira sibida la hala ivusi.

1 Jon 2:20

Kraes mwa lol sabugainigo gin Vui Sabuga. I kadogaha kimiu duluai, gim iloe.

1 Jon 2:27

Kraes mwa batavuhai kimiu gin Vui Sabuga! I vui mwa dogo alolomiu, i gim hav mom doron te atatu mulei be men vagahi kimiu. Vui kea nu mwasigi i mwa bagahi kimiu huri ginau duluai. I giv tu wasigi nan alun Kraes, kun gabe vui mwa bagahi kimiu be giv tu wasigi aluna.

1 Jon 4:6

Gida ira atatu God, i irahei duluai gabe ram ilo God, rav tai bwero huri gida. Take sinombu be ram hav ilo te God, rasav taibwero te dum huri gida. Haḡe bwatuna gea tav gigilai dum Vui be mwa dentene.

1 Jon 5:6

Jisas Kraes haḡea atatu gabe nu mai mai wain garuhisabuga i dagan mateanana. Take nu hav mai te n̄an mai wai, take wai i daga. Vui sibona mwa bev seserai ginau geki be mwasigi bwatuna be Vui kea mwasigi.

Visirai 1:1

Geki hano be Jon nu ravae huri Jisas Kraes be God nu laia lalainia, be vi seserainia lalai ira non atatun rovoga huri havanau be vi loli. I Jisas mwa hora non enjel be rav seserainia lalai non atatun rovoga Jon,

Visirai 1:19

Rav havanau be gav gitae, i havanau be mwa du kadogaha, i havanau mulei be rav loli atagun ginau kera geki.