Leo Tavuha gabe Jon nu Ravae 15:5 - Hano Niu Testamen

⁵ “Inau mwasin bwatun taligaon waen, i kimiu rarana. Ihei tehe mwa bulu maiau, inau maia, i vi vwavwae bilin̄iai; huribe gisav lol te dum hano dagai niniau.

Leo Tavuha gabe Jon nu Ravae 15:5 ပူးပေါင်းရင်းမြစ်များ

Matiu 13:21

Take avoana mwa hav garoga tehe alolora. Ram davuha mahavana vwelvwele. I la mahavana be ram habwe kalkaliana sa mwa lol bonogainira bwatuna avoana, ram hovi darihou.

Leo Tavuha gabe Jon nu Ravae 12:24

Nam bev mwasigi lalai kimiu be: birin koni, mwa du be vi hovi lol tano ba mate, bisata vi togo gahena, ta be vi mate vwaina vivora ivusi.

Leo Tavuha gabe Jon nu Ravae 15:16

Gin hav gita te luau; nan gita lua kimiu i nam uloi kimiu be giv vano ba bwavwae bilin̄ai, vwae gai gabe vi tu vai tuai. Haḡe Tata vi lai havanau tehe lalai kimiu gabe gim hudalinia lol ihaku.

Leo Tavuha gabe Jon nu Ravae 5:19

Haḡe Jisas mwa bwaliura mwa bevea be, “Nam bev mwasigi lalai kimiu be, inau Nitun God nasav lol te dum ginau hurin binihiḡu mahaḡea, nam lol hano n̄an gabe Tamaḡu mwa lolia. Hano be tata mwa lolia inau mulei Nituna nav lolia.

Leo Tavuha gabe Jon nu Ravae 9:33

Vaivotu be wani gea mwa mai nin God, sa be sigai sihav lol te dum ginau vwate.”

Lalaḡova 4:12

Vi habweana na varahuva sivinia n̄an gaituvwa i lol ureure duluai atatu vwat mulei sigai gabe God nu horae be vi varahu dum gida.”

Ravrava non Pol lalai ata Rom 12:5

Kunia mulei, gida ivusi, ta alun Kraes, gida n̄oto rebehi gaituvwa n̄ano. Gida duluai tam bul gaituvwa aluda siboda, i kunia be udun rebehi gaituvwa ram bul gaituvwa.

Ravrava non Pol lalai ata Rom 6:22

Ta kadogaha gom du dagai nin vuro i gom mai gi turi non God. Geki mwa lai rahuana lalainigo huri God n̄ano, i geki mwa lai rahuana lalainigo vai tuai.

Ravrava non Pol lalai ata Rom 7:4

Lol hala n̄an gea, ira tuaku, huria be kimiu gin tarihou huba mai Kraes lol rebehina, nu kunia n̄ano be gin mate huba mai. Geki mwa loli bwatuna be kimiu gis vora non atat dolua kea be nu tomare nin mateana i be gida tav lol rovoga tavuha non God.

1 Korin 10:16

Tam lai avoan avkari huri lahan rahuana lol ganisabuga, be tam bulu alun dagan Kraes. I ginaganiana be tam biha borae kea tam bulu alun rebehin Kraes.

1 Korin 12:12

Rebehin atatu gaituvwa n̄ano take mavuvuna ivusi. Len̄len̄a be mavuvun rebehi ivusi, take mavuvuna n̄oto gea mwa lol rebehi gaituvwa n̄ano.

1 Korin 12:27

Kimiu duluai n̄ano kimiu rebehin Kraes, i gaitutuvwai alolomiu gim bulu n̄an lol rebehi gea.

2 Korin 13:8

Gasav lol te dum havanau ḡoro mwasigi.

2 Korin 9:10

God be mwa hogoi biri huri rivu i bereti be vi ganiana, vi laia lalainigo biri duluai be gom doronia i mwa lolia mwa mauri be vi vora harahara gaivua nin nomiu lolotavuha.

Kelesia 5:22

Take Vui mwa baivusi vwain lolotabetabe, samwarana, tamwata, ron̄ mwan̄ava, lolotavuha, tavuha, binihimarahi,

Ifisas 5:9

Gigita mwa lai mwasin lalan̄an tavuha duluai, i togoan vavtutu i mwasigi.

Filipae 1:11

be giv lol ginau tavuha ivusi mai buluiana non Jisas Kraes be vi lai roroa i avkari lalai God.

Filipae 4:13

Nav lol dum ginau duluai sivi Kraes, bwatuna be kea mwa lai hui wasi lalaiau.

Filipae 4:17

Mwasigi be barabe hurira be nam doron be nav lai hogoi nin kimiu, take nam doron be kimiu giv lai vatavuha nin nomiu hogoi.

Kolosi 1:10

Gov togo lol rahuana be mwa lol doroniva non God la hala duluai. Nom rovoga tavuha vi vwaevwae i vi mauri lol mataisao non God.

Kolosi 1:6

Lol ute duluai lol ureure, Roroi Tavuha gea mwa lon̄ahi ute n̄oto lol ureure. Roroi Tavuha geki mwa lai vatavuha vataha ute lol ureure, kun vatavuha be nu mai alumwa lol muan gubwen̄i be gon ron̄oe huri hogoi non God. Kadogaha gom iloe ginau n̄oto i mwasigi huri hogoi non God.

Jemes 1:17

Lalaḡov tavuha duluai i hogoi tavuha duluai ram mai nin God. Ginau tavtavuha keragea ram mai nin God be nu lol alo, vula, ira visiu, i kea mwa hav leahi tehe kun gigitan ginau keragea be ram leahi.

1 Pita 2:4

Mai vai aben Ratahigi Jisas, “Vatu” be mwa dogo. Sinombu ata lol Ureure ran hav doron te vatu geki, take kea haḡea vatu be God nu gita luae, i kea nu tavuha.

2 Pita 3:18

Take giv mauri lol hogoi i mataisao non nonda Ratahigi varahuda Jisas Kraes. Sarisari lalainia Kadogaha i vai tuai! Amen.