Leo Tavuha gabe Jon nu Ravae 15:25 - Hano Niu Testamen

²⁵ Ginau geki, mwa du be vi loli mahaḡea huribe havanau gabe nu ravana lol nora silo vi visirae be: ‘Ram barihai bonogaiau n̄an bwatuna sigai.’”

Leo Tavuha gabe Jon nu Ravae 15:25 ပူးပေါင်းရင်းမြစ်များ

Matiu 10:8

Giv lol barahu ira harova, giv lol domare ira atatmate, giv lol melmeloinira lepa mwa dumwira, i giv hora dagai vui hantai. Roron̄o gim laia gi tabeana, giv lalaḡoinia gi tabeana.

Leo Tavuha gabe Luk nu Ravae 24:44

Haḡe mwa bevea lalainira be, “Geki haḡea ginau be nan vevea lalai kimiu mahavana be nan togo radu mai kimiu: ginau duluai nu ravae huriau lol Silo non Moses, i Ravrava non ira Atatun Vevsera, i lol bukan Sam mwa bisirai mwasigi.”

Leo Tavuha gabe Jon nu Ravae 10:34

Jisas mwa bwaliura mwa bevea be, “Nu ravae lol nomiu Silo sibomiu be, God mwa bevea be, ‘Kimiu ira god.’

Leo Tavuha gabe Jon nu Ravae 13:18

“Nam hav avo tehe huri kimiu duluai; nam ilo ira hei gabe nan gita luara. Take mwa du be ravrava Sabuga vi visirai gabe mwa bevea be, ‘Atatu gabe mwa ḡan bul maiau vi van burigaiau.’

Leo Tavuha gabe Jon nu Ravae 19:36

Ginau geki nu loli be ravrava Sabuga men mai gi mwasigi be, nu vevea be, “Huina vwate sihav mosi tehe.”

Ravrava non Pol lalai ata Rom 3:19

Gida tam iloe be ira silo be ram eno kea nora be ram dogo halaten silo. Geki mwa du ḡoro avoana non atatu duluai be men tau ureure duluai aten silo vevegi non God,

Ravrava non Pol lalai ata Rom 3:24

i kera duluai ram doron be rav vavtutu mai God nin non tataro, gabe non hogoi be God nu hav volia tehe. Mwa du be rav ribwesira nin vuro sivi Kraes Jisas.

2 Korin 11:7

Nan toretore huri Leo Tavuha non God lalai kimiu voliku sigai. Nan lolia siboku kun be nan hav vora te muai atatu be kimiu giv vora muai atatu. Gim binihia be kunia nu vahala?

Kelesia 2:21

Be nam bev ginau kerageki nam hav vano tehe alun hogoi non God, kea mateanan Kraes vi vora ginau vuroi n̄ano.

2 Tesalonaeka 3:8

I la mahavana be gam ḡan ginau gan atatu dolua, gam bolia duluai. Gam lol rovoga wasi bon̄i i rani huribe gasav vol te ginau nin vwate alolomiu.

Visirai 21:6

Haḡe nu vevea lalaiau be, “Ginau duluai nu nogo huba. Inau Alva i Omeka, Bwatuna i nogonana. Nav lai vuroinia lalai hei nu mandou mata vuravuran wai rahu lalainira duluai gabe ram mwinua.

Visirai 22:17

Haḡe Vui mai tasalan Sipsip Kolo, ramuru bevea be, “Mai!” Atatu duluai be ram ron̄ avoana kera geki, mwa du be rai vevea be, “Mai!” Atatu duluai gabe ram mandou mwa du be rav mai. Atatu duluai gabe ram doron wain rahuana, mwa du be rav mai ba mwinua huribe nu mahin̄ainia huba.