Leo Tavuha gabe Jon nu Ravae 14:6 - Hano Niu Testamen

⁶ Jisas mwa bwaliua be, “Inau matanhala, mwasigi, i rahuana; atatu vwate sihav van te dum aben Tata dagai niniau.”

Leo Tavuha gabe Jon nu Ravae 14:6 ပူးပေါင်းရင်းမြစ်များ

Matiu 11:27

“Tamaḡu nu lai ginau duluai lalaiau. Atatu vwate mwa hav ilo te Nitui, take Tata n̄an. Haḡe atatu vwate mwa hav ilo te Tata, take Nitui n̄an, i irahei Nitui mwa doron be vi lol bisirainia lalainira.

Leo Tavuha gabe Jon nu Ravae 1:14

Haḡe Avoana mwa bora atatu, mwa masiri gin hogoi i mwasigi, i mwa dogo mai gida. Tam ḡita sarisarina, sarisari gabe nu laia kun gabe Nitun vora gaituvwa non Tamana.

Leo Tavuha gabe Jon nu Ravae 1:17

God nu lai Silo sivi Moses, take God mwa lai hogoi i mwasigi sivi Jisas Kraes.

Leo Tavuha gabe Jon nu Ravae 1:4

Avoana uhu kea bwatun rahuana, i rahuana geki mwa lai gigita lalai atatu duluai.

Leo Tavuha gabe Jon nu Ravae 10:28

Nam lai rahuana vai tuai lalainira, i rasav mate tehe. Atatu sihav rais te dagainira ninia.

Leo Tavuha gabe Jon nu Ravae 10:7

Jisas mwa bev muleinia be, “Nam bev mwasigi lalai kimiu be: inau haḡea matgatava huri sipsip.

Leo Tavuha gabe Jon nu Ravae 10:9

Inau matgatava. Ihei tehe mwa haroro siviau kea vi rahu; kea vi haroro i vi bwihavare vi habwe gan ginau.

Leo Tavuha gabe Jon nu Ravae 14:19

Tiri ḡalia n̄an ureure sihav mom ḡitau tehe, take kimiu giv gitau; i bwatuna be nam rahu kimiu mulei giv rahu.

Leo Tavuha gabe Jon nu Ravae 15:1

“Inau mwasin taligaon waen, i Tamaḡu kea atatun ute loloara.

Leo Tavuha gabe Jon nu Ravae 18:37

Haḡe Paelat mwa hudalinia mwa bevea be, “Giḡo Ratahigi Lavoa, mwasigi?” Jisas mwa bwaliua be, “Gom bevea be inau Ratahigi Lavoa. Nan vora i nan mai lol ureure bwatuna ginau gaituvwa geki, be nav avo huri mwasigi. Ihei tehe mwa du huri mwasigi vi roron̄taiau.”

Leo Tavuha gabe Jon nu Ravae 5:21

Kun tata nu lol domarei ira atatmate i mwa lai rahuana lalainira, kunia mulei inau Nituna nav lai rahuana lalai irahei be nam doronira.

Leo Tavuha gabe Jon nu Ravae 6:33

Huri be bereti gabe God mwa laia kea gabe mwa himai nin lol ute atamare i mwa lai rahuana lalai ureure.”

Leo Tavuha gabe Jon nu Ravae 6:51

Inau haḡea bereti rahu gabe mwa himai nin lol ute atamare. Be ihei tehe be mwa ḡan bereti geki kea vi rahu vai tuai. Bereti gabe nav laia lalainia gabe vigohoku, gabe nam laia be ureure vi rahu ginia.”

Leo Tavuha gabe Jon nu Ravae 6:57

Tata gabe mwa rahu mwa horau mai i bwatuna kea inau mulei nam rahu. Kunia mulei wani gabe mwa ḡan vigohoku vi rahu bwatuna inau.

Leo Tavuha gabe Jon nu Ravae 6:68

Haḡe Saemon Pita mwa bwaliua be, “Ratahigi, gav mom ban aben ihei? Giḡo n̄an gom haḡo avoana huri rahuana vai tuai.

Leo Tavuha gabe Jon nu Ravae 8:32

giv ilo mwasigi i mwasigi vi ribwes kimiu.”

Leo Tavuha gabe Jon nu Ravae 8:51

Nam bev mwasigi lalai kimiu be: Ihei tehe gabe mwa dabe noḡu silo vagahi sihav mate tehe.”

Lalaḡova 3:15

Haḡe kunia gim wehi atatu gabe mwa domua huri rahuana, take God mwa lol domareinia atagun mateana, i kamai haḡea gaitura huri ginau geki.

Lalaḡova 4:12

Vi habweana na varahuva sivinia n̄an gaituvwa i lol ureure duluai atatu vwat mulei sigai gabe God nu horae be vi varahu dum gida.”

Lalaḡova 9:2

i mwa hudaligi huri letasi be vi seserai muai tataroi alolona huri be vi laia vai lol imwa tataro non ira Jius Damaskas, huri be si habwe te dum atatu rituai gabe ram huri malelen Ratahigi, kea vi haḡo batugehira atamwani sage vavine, i vi lai muleinira vai Jerusalem.

Ravrava non Pol lalai ata Rom 15:16

huri be nav vora atatun rovoga non Kraes Jisas lalai nira Lolobon̄i. Nam lol rovoga non God be nam bagahi non Roroi Tavuha, be kera be ira Lolobon̄i rav vora ira hogoi be God vi dara aluna hogoi be nu lolian Sabuga nin Vui Sabuga.

Ravrava non Pol lalai ata Rom 5:2

Kea nu lai gida vai alolon hogoi non God be kadogaha tam ron̄ mwandavuha. I tam samsamwara bwatuna be mai nonda doronhohov be tam hara sarisari non God.

Ravrava non Pol lalai ata Rom 5:21

Vuro nu lol mateana be vi tomuai gida, take mwa lai hogoi non God sivi vavtutu i vi lai rahuana vai tuai sivi Jisas Kraes nonda Ratahigi.

1 Korin 15:45

Nu ravana lol avoan sabuga be; “Muan atatu, Adam, kea muan atatu be nu lai rahuana, take nogonan Adam kea vui be mwa lai rahuana.

Ifisas 2:18

Uwe, sivi Kraes n̄ano be nonda mwasigi abena be tai mai vai aben Tata lol Vui gaituvwa.

Kolosi 2:17

Ginau kerageki ran kun gabe nunuan ginau vwate be vi mai. Take ginau be nu mwasigi i nu vavtutu nu mai kea Kraes n̄ano.

Kolosi 2:9

Rahun God duluai lol Kraes sibona be mwa mai gi atatu.

Kolosi 3:4

Kraes kea rahuda, i lol taro gabe vi mai mulei tav haḡohaḡo lol sarisarina.

Hibru 7:25

Haḡe bwatuna gea, mwa dau bwatuna garigi vaivotu mosmosianana sigai, kea vi varahu dumwira gabe ram huria, huria be rav hae dum aben God. Huria be kea vi rahu vai tuai, i vi tu vai tuai la lolmatan God, i vi tataroi hurira.

Hibru 9:8

Mai ginau duluai geki Vui Sabuga mwa seserainia lol taro be imwa haohao nu tu radu, hala sigai be men mahavan̄i huri gida be tav haroro lol Ute Sabuga Liu.

1 Pita 1:21

Sivi Kraes gim binihimwasigi God, gabe nu tomarei Kraes nin mateana i nu lai lalainia ute Sarisari. Nomiu binihimwasigi garagusi i nomiu doronhohov mwa do alolon God.

1 Pita 2:4

Mai vai aben Ratahigi Jisas, “Vatu” be mwa dogo. Sinombu ata lol Ureure ran hav doron te vatu geki, take kea haḡea vatu be God nu gita luae, i kea nu tavuha.

1 Pita 3:18

Kraes sibona nu ron̄ ḡagarasi huri Vuro vatuvwa n̄an huri sinombu duluai. Kea nu hav matagu tehe be vi lai kimiu vai aben God. Rebehina nu wehiana, take kea nu rahu alolon vui.

1 Jon 1:8

Be gida tas siehi gida siboda be tam hav vuroga tehe, kunia mwasigi sigai aloloda.

1 Jon 2:23

Be tas siehi naturigi tas siehi Tamana mulei. Take be tas vevea be tam dabe Nitui, tam dabe Tamana mulei.

1 Jon 5:20

Tam iloe be Jisas Kraes nitun God nu mai, i nu vagahi gida gin mwasin God, i Jisas Kraes haḡea bwatuna be kadogaha tam bora bilan mwasin God gabe mwa lai rahuana vai tuai.

1 Jon 5:6

Jisas Kraes haḡea atatu gabe nu mai mai wain garuhisabuga i dagan mateanana. Take nu hav mai te n̄an mai wai, take wai i daga. Vui sibona mwa bev seserai ginau geki be mwasigi bwatuna be Vui kea mwasigi.

2 Jon 1:9

Ihei tehe be mwa ban avare la silo vagahi non Kraes i mwa hav lol te rahurahuinia be men huri non Silo Vagahi n̄ano kea mwa hav huri te God Vai lol rahuna. Take ihei be mwa huri rahurahu silo vagahi non Kraes kea mwa lai saraḡo tamanda i nituna vai alolona.

Visirai 1:5

Nam dataro be tavuha mai tamwata non Jisas Kraes gabe God du lol domarei muleinia nin mateana i kea haḡea muai ḡoro ira ratahigi lavoa duluai ata lol ureure. Kraes mwa dabe gida, i gin dagana mwa dugu gida nin vuroda.

Visirai 19:11

Nam ḡarere i nam ḡitae be ute atamare mwa mahavan̄i, i hos maita mwa du aia. Atatu be mwa rovo aluna mwa uloinia be, “Binihimwasigi garagusi i Mwasigi, i kea nu vavtutu vataha mahavana la non harahara sage lol mahavana be mwa bano lol bwaloana.

Visirai 20:15

Haḡe ihei tehe gabe ihana nu hav ravana tehe vai lol bukan rahuana, enjel mwa bohainira vai lol numbun wain gabi tabwalue.

Visirai 22:1

Haḡe enjel mwa bagahiau gin wai rovo gabe nu gigita kun gabe kilasi, i waina mwa lai rahuana. Wai rovo geki mwa mai nin tanon togotogon ratahigi gabe God mai Nitui Sipsip ramuru dogo aluna.

Visirai 22:17

Haḡe Vui mai tasalan Sipsip Kolo, ramuru bevea be, “Mai!” Atatu duluai be ram ron̄ avoana kera geki, mwa du be rai vevea be, “Mai!” Atatu duluai gabe ram mandou mwa du be rav mai. Atatu duluai gabe ram doron wain rahuana, mwa du be rav mai ba mwinua huribe nu mahin̄ainia huba.

Visirai 3:14

Kea mwa bevea be, gov rava noḡu avoana lalai vanua Laodisia ba bevea be, “Geki noḡu avoana, gabe nam bev Amen lol tatauleo non God. Inau non gaitura vwate gabe nan mwasigi, i nam hav tul te burigai noḡu avoana. Inau bwatun ginau tau non God duluai.

Visirai 3:7

Gov rava noḡu avoana vi vano lalai enjel lol uloilua Viladelvia ba bevea be, “Geki roroi nin wani gabe nu sabuga i nu mwasigi. Kea nu haḡo gaihavan̄i be non Deved, i mahavana gabe mwa havan̄ gatava gea, atatu vwate sihav goro te dumwia, i mahavana be mwa ḡoroe, atatu vwate sihav havan̄ te dumwia.