Leo Tavuha gabe Jon nu Ravae 14:27 - Hano Niu Testamen

²⁷ “Tamwata haḡea ginau gabe nam derainia mai kimiu; noḡu tamwata siboku gabe nam laia lalai kimiu. Nam hav laia tehe kun gabe ureure mwa laia. Gisav binbinihi te lavoai; i gisav matagu tehe.

Leo Tavuha gabe Jon nu Ravae 14:27 ပူးပေါင်းရင်းမြစ်များ

Matiu 10:26

“Gisav matagun te atatu. Huri be irahei gabe ram haḡoi ḡoro havanau tehe, vi vugeana vai lol ute melmelo. I irahei gabe ram dahuli ginau, vi maserasera.

Leo Tavuha gabe Luk nu Ravae 1:79

be vi gigitainira gabe ram dogo lol ute meto i lol malumalun mateana, i vi bula matanhalada la halan tamwata.”

Leo Tavuha gabe Luk nu Ravae 10:5

Mahavana be gim haroro lol imwa vwate, muana giv vevea be, ‘Tamwata na togo lol imwa uhu.’

Leo Tavuha gabe Luk nu Ravae 12:4

“Nam bevea lalai kimiu noḡu buluana be, gisav mataguinira tehe gabe ram wehi rebehi take rasav lol te hano liu ataguna.

Leo Tavuha gabe Luk nu Ravae 2:14

“Uloi roron God lol mahao amare, i tamwata la ureure abera atatu gabe God mwa ron̄ mwandavuha ginira!”

Leo Tavuha gabe Jon nu Ravae 14:1

Jisas mwa bevea lalainira be, “Gisav binbinihi te lavoai. Giv binihimwasigi alun God i giv binihimwasigi mulei aluku.

Leo Tavuha gabe Jon nu Ravae 16:33

Nan vev ginau geki lalai kimiu huribe, giv lai tamwata ginia, huribe be giv bul gaituvwa aluku. Ureure vi lol kimiu giv ron̄ ḡagarasi. Take giv tu wasigi! Nan rihu maragai nin ureure!”

Leo Tavuha gabe Jon nu Ravae 20:19

Haḡe la Sande ute ravravi, ira roron̄tai ram ḡoḡo ute gaituvwa i ram dogo lol gatav goro, bwatuna be ram matagui ira tomuai nora Jius. Jisas mwa mai mwa du boralolora mwa bevea be, “Tamwata na togo abemiu.”

Leo Tavuha gabe Jon nu Ravae 20:21

Jisas mwa bev muleinia lalainira be, “Tamwata na togo abemiu. Kunia be Tata mwa horau, inau mulei nam hora kimiu.”

Leo Tavuha gabe Jon nu Ravae 20:26

Atagun wik gaituvwa ira roron̄tai ram dogo ute gaituvwa mulei lol gatav goro, i Tomas bul maira. Gatava nu lok, take Jisas mwa mai mwa du bora lolora mwa bevea be, “Tamwata na togo abemiu.”

Lalaḡova 10:36

Gim ilo roroi gabe nu horae lalai sinombu ira Jius, nu seserai lua Roroi Tavuha huri tamwata sivi Jisas Kraes, kea Ratahigi ḡoro atatu duluai.

Lalaḡova 18:9

Alolon bon̄i vwate Pol mwa hueri i Ratahigi mwa bevea lalainia be, “Gosav matagu tehe, take gov avo vataha mahavana,

Ravrava non Pol lalai ata Rom 1:7

Lalai kimiu duluai Rom gabe God mwa doron kimiu i nu uloi kimiu be giv vora ira non atat sabuga: Noḡu tataro, be God, tamanda, mai Jisas Kraes, raru vi tau hogoi i tamwata be vi togo mai kimiu.

Ravrava non Pol lalai ata Rom 15:13

Nam dataro lalai God be mwa hogoi doronhohov be vi hogon bamasiri kimiu gin ron̄ mwandavuha i tamwata lol taro be giv binihimwasigi garagusi aluna. I nomiu doronhohov vi maumauri gin muramura non Vui Sabuga.

Ravrava non Pol lalai ata Rom 5:1

Batena be tan vavtutu lolmatan God sivi nonda binihimwasigi, gida tan lol tamwata mai God i geki nu loli sivi nonda Ratahigi Jisas Kraes.

Ravrava non Pol lalai ata Rom 5:10

Lol taro be tan vora ivwalu non God, nu mwemwearu mai gida sivi mateanan nituna kadogaha be gida tam bora ira tuana, kea vi varahu gida sivi rahuana non nituna.

Ravrava non Pol lalai ata Rom 8:6

Mandovai be binihin atatu mwa dogo halaten vurona sibona, kea mateana. Ta kebe binihira vi lalaḡo hurin Vui Sabuga, kea rahuana vi tamwata.

1 Korin 1:3

Nam dataro be hogoi i tamwata lalai kimiu, non God tamanda i Ratahigi Jisas Kraes.

Kelesia 1:3

Hogoi i tamwata lalai kimiu nin God tamanda i Ratahigi Jisas Kraes.

Kelesia 5:22

Take Vui mwa baivusi vwain lolotabetabe, samwarana, tamwata, ron̄ mwan̄ava, lolotavuha, tavuha, binihimarahi,

Kelesia 6:16

Tamwata i sine hagavi lalainira be ram huri silo geki i lalai atatu non God duluai.

Filipae 4:7

I Tamwata non God, be kea gaivua, tasav ilo te dum huria, vi haḡo ḡoḡo lolomiu i binihimiu lol Kraes Jisas.

Kolosi 1:2

Lalai ira tuada atat binihimwasigi duluai lol Kraes be ram dogo Kolosi, hogoi i tamwata lalai kimiu nin God tamanda.

Kolosi 1:20

I sivi Nituna, God mwa lai mulei ginau duluai huria sibona-ginau lol ureure i ginau amare. God mwa lol tamwata sivi dagan Nituna gin mateana alun volovolo.

Kolosi 3:15

Gov lin̄ tamwata gabe Kraes mwa laia vi vwalau binihimwa, bwatuna be nu uloi kimiu duluai vai lol rebehi gaituvwa be giv haḡo tamwata. Giv lai avkariana vataha mahavana.

2 Tesalonaeka 1:2

Hogoi i tamwata lalai kimiu nin God, tamanda i nonda Ratahigi Jisas Kraes.

2 Tesalonaeka 3:16

Kadogaha nam dataro be Ratahigi Tamwata vi lai lalainigo tamwata i la hala duluai Ratahigi vi togo mai kimiu n̄oto.

2 Timoti 1:7

God nu hav lai te vui lalai gida be vi lolia tai matagu, take Vui huri muramura i lolotabetabe i sine togonai.

Hibru 13:20

God mwa lol domarei Ratahigi Jisas Kraes atagun mateana. I kadogaha Jisas kea kun Lavoa huri Radaiḡoro Sipsip be Dagana mwa lalaḡoiana be men lol datauleon rahuana vai tuai non God mai bilan sipsip.

Hibru 7:2

Haḡe Ebraham mwa hara non viloḡoana la tatan̄ana han̄vulu i mwa lai tatan̄an vwate lalai Melkisidek. (Iha gea Melkisedek, binihivanana be, “Ratahigi Lavoa huri alen̄ vavtutu,” i ihana mulei vwate ram bevea be, “Ratahigi Lavoa huri Salem,” gin binihivanana be, “Ratahigi Lavoa huri tamwata.”)

Visirai 1:4

Roroi nin Jon vai lol uloilua gaibitu lol vanua Esia. Nam dataro hogoi i tamwata nin God be mwa dogo tuai, i garigi i be vi mai i nin ira vui gaibitu la lolmatan tanon God.

Visirai 2:10

Gisav matagun te havanau tehe gabe mwa abena be men dum kimiu. Giv roron̄tai! Setan vi lol ron̄ kimiu, i vi lolia rituai alolomiu ram togo lol imwa vauvauhi i vi vora kunia huri gubwen̄ han̄vulu. Gisav matagu tehe, son̄o be rav wehi kimiu. I nav lai tavwe lalai kimiu, kun gabe tavwen nomiu garogaroana.

Visirai 21:8

Take nai vevea lalai kimiu huri havanau be vi loli lalai ihei tehe be ram matmatagu; i lalainira be ram lol salil silo, i lalai ira hei be ram lol alen̄ bibili, sage ram wehiwehi bonogai, sage hovita lol bwatigoro, ira hei gabe ram lalaḡoi mateana i mera, i lalai nira be ram ḡogonai nun vatu dodolua, i lalai ira tenteneana. I vi vohainira gea vai lol numbun wain gabi tabwalue mai salva, geki gairuan mateana.”