Leo Tavuha gabe Jon nu Ravae 14:26 - Hano Niu Testamen

²⁶ Gaituramiu gabe Vui Sabuga, kea gabe Tata vi horae lol ihaku, vi vagahi kimiu alun ginau duluai i vi lol kimiu giv vinihi dum ginau duluai gabe nan vevea lalai kimiu.”

Leo Tavuha gabe Jon nu Ravae 14:26 ပူးပေါင်းရင်းမြစ်များ

Matiu 1:18

Geki vevurin Jisas Kraes Kun hanigi nu vora. Mere ratahina gabe Josep nu lai mahalei huria, ta amua ramuru siv to ute gaituvwa Mere mwa habwea be kea vi haḡo naturigi gin Vui Sabuga.

Matiu 1:20

Mahavana mwa do mwa binihia kunia, enjel non God mwa bisirai abena lol maturubore. Enjel mwa bevea lalainia be, “Giḡo Josep, varan Deved, gosav matagu tehe be gomen lai Mere uhu gi tasalamwa. Bwatuna be Vui Sabuga mahaḡea mwa hogoi naturigi lalainia.

Matiu 28:19

Bwatuna gea, giv van vai lol sinombu duluai vataha ute, i giv lolira gi noḡu roron̄tai. Giv garuhisabugainira vai lol ihan Tata i Nitui i Vui Sabuga.

Matiu 3:11

Inau nam ḡaruhisabugai kimiu gin wai, bwatuna be gim binihileahi huri vuromiu. Take atatu vwate abena vi mai radu ataguku. Wani gea lavoa liuau, i inau siboku nam hav dadariha tehe be nav haḡo non sus. Wani gea vi garuhisabugai kimiu gin Vui Sabuga i gabi.

Leo Tavuha gabe Mak nu Ravae 12:36

Vui Sabuga nu hogoinia lalai Deved be vi vevea be: ‘God Ratahigi mwa bevea lalai noḡu Ratahigi be, Gov togo la mwatuaku, vava nav tau nom ivwalu gi tanon vavarahin bwalagemwa.’

Leo Tavuha gabe Mak nu Ravae 13:11

Batena be ram haḡo batugehi kimiu, i ram lai kimiu vai lol imwan harahara, gisav matagu te susuvwai huri havanau be giv vevea; batena be mahavana vi mai, giv avo alun havanau be mwa laia lalai kimiu baten gea. Huri avoana gabe giv avo aluna si hav vora te nomiu; rav mai nin Vui Sabuga.

Leo Tavuha gabe Luk nu Ravae 1:15

Huri vi vora lavoa la lolmatan ratahigi. Sihav mwin te waen sa wai wasi. Take vi masiri gin vui sabuga la mahavana kea radu lol sibwen̄in ratahina,

Leo Tavuha gabe Luk nu Ravae 1:35

Take enjel mwa bwaliua be, “Vui Sabuga vi himai alumwa, i roron̄o non God vi malugo; bwatuna kea vi uloi naturigi vi vora abemwa be naturigi sabuga vi uloiana be Nitun God.

Leo Tavuha gabe Luk nu Ravae 1:41

Batena Elisabet mwa ron̄ avoan helheloi non Mere, naturigi mwa rihui sibwen̄ina. Haḡe Elisabet mwa masiri gin Vui Sabuga,

Leo Tavuha gabe Luk nu Ravae 1:67

Haḡe tamana Sakaraia mwa masiri gin Vui Sabuga, mwa bev sera avoana non God be:

Leo Tavuha gabe Luk nu Ravae 11:13

Kimiu atat hantai take gim ilo halana be gim lai ginau tavuha lalai ira nitumiu. Vaviha mulei be Tamamiu amare vi lai Vui Sabuga liu lalai ira hei gabe ram hudalinia huria!”

Leo Tavuha gabe Luk nu Ravae 2:25

La mahavan gea atatu vwate ihana Simion nu togo Jerusalem. Kea atat vavtutu mwa ḡogonai God i mwa hohovi huri gubwen̄ ribwesiva nora ata Israel. I Vui Sabuga mwa do maia,

Leo Tavuha gabe Luk nu Ravae 24:49

I inau siboku nav horae vai alumiu ginau gabe Tamaḡu nu tatauleo huria. Take giv hohov lol bwatutun vanua vai votu muramura ata amare vi himai alumiu.”

Leo Tavuha gabe Luk nu Ravae 3:22

i Vui Sabuga mwa hivo aluna gitanana kun manbona. I silo mwa himai nin amare, mwa bevea be, “Giḡo Nituku gabe nam dabego i nam doron maragainigo.”

Leo Tavuha gabe Jon nu Ravae 1:33

Nam hav iloe te radu be kea haḡea, take God gabe nu horau be nav garuhisabuga gin wai nu vevea lalaiau be, ‘Gov gita wani gabe Vui vi himai aluna; kea haḡea wani gabe vi garuhisabuga gin Vui Sabuga.’ ”

Leo Tavuha gabe Jon nu Ravae 12:16

Non roron̄tai ram hav lai te batoi binihiva ata lol hano be mwa loli; take batena be Jisas nu hae mulei huri non tanon ratahigi, ram siv vinihi dumwia be ravrava Sabuga nu vev ginau geki huria i mulei be atatu ran lol ginau geki lalainia.

Leo Tavuha gabe Jon nu Ravae 14:16

Nav hudali Tata, i kea vi lai Turai dolua lalai kimiu, gabe kea vi togo mai kimiu vai tuai.

Leo Tavuha gabe Jon nu Ravae 14:25

“Nam bev ginau geki lalai kimiu mahavana be nam dogo radu mai kimiu.

Leo Tavuha gabe Jon nu Ravae 15:26

“Taro vi mai gabe Vui vi lol bisirai mwasigi huri God i kea mwa mai nin Tata. Nav horae huri kimiu nin Tata, i kea vi avo huriau.

Leo Tavuha gabe Jon nu Ravae 16:7

Take nam bev mwasigi lalai kimiu be: nu tavuha lalai kimiu be nai van dagai, bwatuna be, be nasav vano tehe, Turai sihav mai tehe lalai kimiu. Take be nai van dagai, nav horae huri kimiu.

Leo Tavuha gabe Jon nu Ravae 2:22

Batena be nu tomare mulei nin mateana, non roron̄tai ram binihi dumwia be nu vev ginau uhu amua, i ram binihimwasigi ravrava sabuga i havanau Jisas nu vevea.

Leo Tavuha gabe Jon nu Ravae 20:22

I mwa mambu vai alura mwa bevea be, “Giv lai Vui Sabuga.

Leo Tavuha gabe Jon nu Ravae 6:45

Ira atatun vevsera ran ravae be, ‘God vi vagahi atatu duluai.’ Ihei tehe gabe mwa ron̄ Tata i mwa huhui ginau ninia, kea vi mai vai abeku.

Leo Tavuha gabe Jon nu Ravae 7:39

Jisas mwa avo kungeki huri Vui Sabuga, be kera be ram binihimwasiginia, kea vi laia lalainira. Ran hav lai te Vui Sabuga radu lol mahavana gea, bwatuna be Jisas mwa hav hae te mulei radu vai lol non ute Ratahigi.

Lalaḡova 1:2

vaivotui gubwen̄i gabe mwa laia vai amare. Amua mwa siv laia vai amare, kea nu lai avoan dura gin muramura non Vui Sabuga lalainira gi non hala.

Lalaḡova 1:4

Haḡe mahavana be ram mai ute gaituvwa, kea mwa lai avoan dau geki lalainira mwa bevea be, “Gisav van te nin vanua Jerusalem, take giv hohovi huri hogoi gabe Tamaḡu nu tatauleo huria, kea gabe nan vevea lalai kimiu.

Lalaḡova 1:8

Take giv masiri gin muramura mahavana be Vui Sabuga vi himai alumiu, i kimiu giv vora gaituraku lol vanua Jerusalem, i lol vanua Judia duluai mai Samaria vava vi votui nogonan ureure.”

Lalaḡova 11:16

Haḡe nam binihi dum avoana be Ratahigi nu vevea be, ‘Jon nu garuhisabuga gin wai, take kimiu giv garuhisabuga gin Vui Sabuga.’

Lalaḡova 13:2

Mahavana be ram lol rovoga lalai Ratahigi i ram ḡaragaravwavwa, Vui Sabuga mwa bevea lalainira be, “Nam doron be giv tari Banabas mai Sol, huri rovoga be nan uloinira huria.”

Lalaḡova 13:4

Haḡe mwa hora lua ira tarua geki gin roron̄o non Vui Sabuga, Banabas mai Sol ramuru bano vai Selusia i ramuru bano nin aia la waḡa vai Saipras.

Lalaḡova 15:28

Haḡe Vui Sabuga i kamai gam dame be gasav tau te ginau marahi mulei alumiu gi tuan silo geki mwa eno huba be nuhav tavuha tehe:

Lalaḡova 15:8

I God gabe mwa ilo binihin vataha atatu, mwa seserai non mwasigi gin tabeana alun ira Lolobon̄i, ginia be mwa lai non Vui Sabuga lalainira, kunia n̄an gabe nu laia lalai kamai.

Lalaḡova 16:6

I kera ram dol lago lol vanua Vrijia i Kalili bwatuna be Vui Sabuga mwa hav mahin̄ainira tehe be rai vano lol vanua Esia.

Lalaḡova 2:33

God nu lol domareinia vai amare huba, be vi togo la mwatuana. God Tamanda nu lai Vui Sabuga lalainia huba, kun gabe nu tatauleo huba huria lalainia tuai. I ginau duluai gea be gim du gim ḡitae, i gim ron̄oe, kea rovoga non Vui Sabuga duluai gabe Jisas mwa laia lalai kamai.

Lalaḡova 2:4

Haḡe kera duluai ram masiri gin Vui Sabuga, i ram dau bwatuna ram avo gin avoan dodolua, kun gabe Vui Sabuga mwa lolira be rav avo.

Lalaḡova 20:28

Giv gita ḡoro kimiu sibomiu, i giv gita ḡorora gabe Vui Sabuga nu taura la limamiu. Kimiu giv vora radaiḡoro huri uloilua non God, gabe kea nu lolia huria sibona sivi mateanan Nituna.

Lalaḡova 20:35

Nam lol seserai hala duluai lalai kimiu huri rovoga hahavwani la hala geki be tav buluira gabe ram rihu holhole, i gin vinihi dum avoana be Ratahigi Jisas Sibona nu vevea be, ‘Samwarana liu huri ginau be gom hogoinia ninia be atatu mwa hogosigo ginia.’ ”

Lalaḡova 28:25

Haḡe kunia ram bano, take ram hav dara tehe alun nora binihiva sibora ataguna be Pol mwa avo huri ginau gaituvwa geki: Pol mwa bevea be “Nu vavtutu mahaḡea be Vui Sabuga nu avo sivi atatun vevsera Aesaia lalainira ira sibimiu!

Lalaḡova 5:3

Haḡe Pita mwa bevea lalainia be, “Ananias, huri hano be gom lin̄ Setan be men tomuainigo i mwa loligo gom saruruhi Vui Sabuga, ginia be gom haḡo udun homu gabe gon laia nin udun bilamwa?

Lalaḡova 7:51

“Kimiu ira binihi lalan̄a. Stivin nu vev rahurahuinia be, ‘Lolomiu kun ira len̄len̄aga, i bweromiu mwa bora huri avoana non God! Kimiu gingin ira sibimiu, kimiu mulei gim du ḡoro Vui Sabuga.’

Lalaḡova 7:55

Take Stivin mwa masiri gin Vui Sabuga, mwa dada vai lol ute atamare i mwa ḡita sarisarin God i Jisas mwa du la mwatuana God.

Ravrava non Pol lalai ata Rom 14:17

Lol ute ratahigi non God, ginaganiana i wai mwinu varate ginau gaivua. Ginau n̄ano be nu marahi, kea be gom lol vavtutu lalai God, tamwata, i samwarana lol Vui Sabuga.

Ravrava non Pol lalai ata Rom 15:13

Nam dataro lalai God be mwa hogoi doronhohov be vi hogon bamasiri kimiu gin ron̄ mwandavuha i tamwata lol taro be giv binihimwasigi garagusi aluna. I nomiu doronhohov vi maumauri gin muramura non Vui Sabuga.

Ravrava non Pol lalai ata Rom 15:16

huri be nav vora atatun rovoga non Kraes Jisas lalai nira Lolobon̄i. Nam lol rovoga non God be nam bagahi non Roroi Tavuha, be kera be ira Lolobon̄i rav vora ira hogoi be God vi dara aluna hogoi be nu lolian Sabuga nin Vui Sabuga.

Ravrava non Pol lalai ata Rom 5:5

I doronhohov geki sihav lol te dum lolhoro lalai gida, bwatuna be God nu salil non doroniva be vi vamasiri irubwida. Kea nu lai non doroniva lalai gida sivi non Vui Sabuga, gabe God nu laia lalai gida.

1 Korin 12:3

Nam doronbe giv iloe be atatu sigai be mwa lin̄ Vui non God mwa domuainia, vi vevea be, “vi vevegiana na Jisas.” Atatu vwate si hav vev te dumwia be, “Jisas kea Ratahigi,” be buluiana non Vui Sabuga sigai maia.

1 Korin 6:19

Mwa du maragai be gov iloe be rebehimwa kea imwa tataro non Vui Sabuga gahena mwa dogo alolomwa. Gon lai Vui Sabuga huba nin God. Haḡe kunia giḡo gom hav mom bora te bilamwa sibomwa,

2 Korin 13:14

Hogoi non nonda Ratahigi Jisas Kraes, tabetabe non God, bulbul tavuha non Vui Sabuga, vi togo mai kimiu duluai.

2 Korin 6:6

Gam seserainia be kamai atatun rovoga non God gin rahumai be nu melmelo, nomai iloilon halan ginau, nomai ron̄ mwan̄ava i alen̄ tavuha non Vui Sabuga, gin mwasin lolotabetabe,

Ifisas 1:13

Haḡe kea mai kimiu mahavana be gin ron̄ mwasin silo vagahi huri Roroi Tavuha be vi lai varahuva lalai kimiu, kimiu gim binihimwasigi alun Kraes. I lol Kraes, God mwa dau mwasin non dovon̄a alun gogonaiana alumiu, ginia be mwa lai non Vui Sabuga gabe nu tatauleo huria.

Ifisas 1:17

nam hudali God non nonda Ratahigi Jisas Kraes, Tata be nu roroa liu be vi lai vuin mataisao i visirai lalai kimiu huri be giv ilo tavuhainia.

Ifisas 4:30

I gosav lol te Vui Sabuga be vi ron̄ mwahantai. Vui kea mwasigi non God be kea bilana God nu lai Vui lalainigo be men seserainia be God vi loligo gov maribwesi mahavana be nogonan gubwen̄ vi mai.

1 Tesalonaeka 4:8

Ihei tehe be mwa hav tabe te non silo vagahi, mwa hav daha te atatu, take God gabe mwa lai non Vui Sabuga lalai gida.

2 Timoti 1:14

Gov haḡo wasi ginau tavtavuha duluai be nan taua lol rahumwa. Vui Sabuga be mwa dogo alolomai mwa lai muramura lalainigo huri ginau geki.

Taetas 3:5

kea nu varahu gida bwatuna non sine hagavi. Nu hav vora te bwatun be huri rovoga tavuha be tan lolia haḡe tam bavtutu maia. Nu varahu gida sivi bwaga melmeloi gida gi sinombu gara sivi Vui Sabuga.

Hibru 10:15

I Vui Sabuga mulei mwa bev lua ginau kerageki lalai gida, Ratahigi mwa bevea be,

Hibru 2:4

God sibona nu seserainia be non roroi mwasigi, ginia be mwa lol ira ginau dan̄an̄a i tagaro gin non muramura duluai. I mwa hogoi non Vui Sabuga mulei lalai ira hei tehe gabe mwa uloinira huria.

Hibru 3:7

Huri ginau gea, vi ḡunia be Vui Sabuga mwa bevea be,

Hibru 9:8

Mai ginau duluai geki Vui Sabuga mwa seserainia lol taro be imwa haohao nu tu radu, hala sigai be men mahavan̄i huri gida be tav haroro lol Ute Sabuga Liu.

1 Pita 1:12

God nu seserainia lalainira be nora rovoga nu hav vorate hurira Sibora take huri kimiu, lol taro be nu veveana na ira mwasigi be gim ron̄oe kadogaha. Kera be ram doretore huri Roroi Tavuha lalai kimiu ran vev ginau kerageki mai buluiana non Vui Sabuga gabe nu horana nin ute atamare ginau alolona gabe ira enjel ram doronia be rav gitae.

2 Pita 1:21

Avoan vevsera sigai nin atatu be nu doron be vi vevea, take sinombu be Vui Sabuga mwa domuainira ram bev avoana non God.

1 Jon 2:20

Kraes mwa lol sabugainigo gin Vui Sabuga. I kadogaha kimiu duluai, gim iloe.

1 Jon 2:27

Kraes mwa batavuhai kimiu gin Vui Sabuga! I vui mwa dogo alolomiu, i gim hav mom doron te atatu mulei be men vagahi kimiu. Vui kea nu mwasigi i mwa bagahi kimiu huri ginau duluai. I giv tu wasigi nan alun Kraes, kun gabe vui mwa bagahi kimiu be giv tu wasigi aluna.

1 Jon 5:7

Ginau gaitolu be ram lol seserainia,

Ravrava nin Jud 1:20

Ira mwasin tuaku, giv haḡo mwasin nomiu binihimwasigi garagusi be vi lol domarei kimiu, giv tataro lol Vui Sabuga.

Visirai 2:11

Atatu be bwerona abena na roron̄tai tavuhai avoana duluai be Vui Sabuga mwa bevea lalai uloilua duluai!” “Ira hei gabe ram muramuraga lol nora garogaroana, lol taro be mateana vi mai varuana sihav wehi te dumwia.”