Leo Tavuha gabe Jon nu Ravae 14:13 - Hano Niu Testamen

¹³ I nav lol havanau tehe gabe gim hudaligi huria lol ihaku, huribe vi lol bisirai sarisarin Tata siviau Nituna.

Leo Tavuha gabe Jon nu Ravae 14:13 ပူးပေါင်းရင်းမြစ်များ

Matiu 21:22

Be kimiu gim binihimwasigi alun God, havanau tehe be gim navohia lol nomiu tataro, vi laia lalai kimiu.”

Matiu 7:7

“Be giv hudaligi, vi lai lalai kimiu. Giv hiḡe, giv habwe. Giv dorodoro, vi havan̄ lalai kimiu.

Leo Tavuha gabe Mak nu Ravae 11:24

Bwatuna hiḡea nam bevea lalai kimiu be: mahavana be gim dataro i gim hudaligi huri havanau tehe, giv binihimwasigi be gin laia huba, i giv lai dum ginau gabe gim hudaligi huria.

Leo Tavuha gabe Luk nu Ravae 11:9

“Kunia nam bevea lalai kimiu be: Giv hudaligi, i vi laia lalai kimiu; giv hiḡea giv habwea; Giv dorodoro i gatava vi mahavan̄i huri kimiu.

Leo Tavuha gabe Jon nu Ravae 10:30

Inau mai Tata gaituvwa n̄an.”

Leo Tavuha gabe Jon nu Ravae 12:44

Jisas mwa bevea gin silo gaivua be, “Ihei tehe mwa binihimwasigiau mwa hav vinihi te mwasigiau n̄an, take mulei alun wani gabe nu horau.

Leo Tavuha gabe Jon nu Ravae 13:31

Ataguna be Judas mwa bano, Jisas mwa bevea be, “Kadogaha Nitun Atatu vi sarisari; sarisarin ihan God vi visirai aluna.

Leo Tavuha gabe Jon nu Ravae 14:14

Be giv hudaliau huri havanau tehe lol ihaku, nav lolia.”

Leo Tavuha gabe Jon nu Ravae 14:6

Jisas mwa bwaliua be, “Inau matanhala, mwasigi, i rahuana; atatu vwate sihav van te dum aben Tata dagai niniau.”

Leo Tavuha gabe Jon nu Ravae 15:16

Gin hav gita te luau; nan gita lua kimiu i nam uloi kimiu be giv vano ba bwavwae bilin̄ai, vwae gai gabe vi tu vai tuai. Haḡe Tata vi lai havanau tehe lalai kimiu gabe gim hudalinia lol ihaku.

Leo Tavuha gabe Jon nu Ravae 15:7

Be giv togo aloloku i noḡu avoana vi togo alolomiu, giv hudaligi huri havanau tehe gabe gim doronia, giv lai dumwia.

Leo Tavuha gabe Jon nu Ravae 16:23

“Batena be gubwen̄i gea vi mai, gisav hudaliau te huri havanau. Nam bev mwasigi lalai kimiu be: Tata vi lai havanau tehe gabe gim hudaligi huria lol ihaku.

Leo Tavuha gabe Jon nu Ravae 16:26

Batena gubwen̄i gea vi mai, giv hudalinia lol ihaku, i nam hav vevea tehe be nav vano ba hudalinia huri kimiu,

Leo Tavuha gabe Jon nu Ravae 16:7

Take nam bev mwasigi lalai kimiu be: nu tavuha lalai kimiu be nai van dagai, bwatuna be, be nasav vano tehe, Turai sihav mai tehe lalai kimiu. Take be nai van dagai, nav horae huri kimiu.

Leo Tavuha gabe Jon nu Ravae 4:10

Jisas mwa bwaliua mwa bevea be, “Be gos ilo havanau God mwa laia i ihei gabe mwa hudalinigo be men mwin te wai gos hudalinia huri wai gabe vi lai rahuana lalainigo.”

Leo Tavuha gabe Jon nu Ravae 4:14

Take ihei tehe gabe vi mwin wai gabe inau nav laia lalainia sihav mandou te mulei. Wai uhu gabe nav laia lalainia vi mai lalainia gi matavuravuran wai alolona i kea vi laia ninia wain rahuana i rahuana vai tuai.”

Leo Tavuha gabe Jon nu Ravae 5:19

Haḡe Jisas mwa bwaliura mwa bevea be, “Nam bev mwasigi lalai kimiu be, inau Nitun God nasav lol te dum ginau hurin binihiḡu mahaḡea, nam lol hano n̄an gabe Tamaḡu mwa lolia. Hano be tata mwa lolia inau mulei Nituna nav lolia.

Leo Tavuha gabe Jon nu Ravae 7:37

La nogonan gubwen̄i gabe gubwen̄ marahi ata lol samsamwara Jisas mwa du amare mwa bevea gin silo gaivua be, “Ihei tehe gabe mwa mandou vi mai huriau ba mwin wai.

1 Korin 14:13

Kea be mwa haḡo hogoi be vi avo la avoan dolua kea vi tataro huri hogoi be vi vev lolon hano be mwa bevea.

Ifisas 2:18

Uwe, sivi Kraes n̄ano be nonda mwasigi abena be tai mai vai aben Tata lol Vui gaituvwa.

Ifisas 3:12

Lol Kraes tam mai la lolmatan God mai binihiv rahurahu i mai mataguana sigai. Tav lol dumwia geki sivi binihimwasigi lol Kraes Jisas.

Ifisas 3:14

Haḡe inau nam dai bwatuku lol tataro la lolmatan Tata,

Filipae 4:13

Nav lol dum ginau duluai sivi Kraes, bwatuna be kea mwa lai hui wasi lalaiau.

Kolosi 3:17

Ginau n̄oto be gom lolia i gom bevea vi loli be men gogonai Jisas nonda Ratahigi. I lol ginau n̄oto be gom lolia, gov lai tabeana lalai God tamanda sivi Jisas.

Hibru 13:15

Tataroi tuntun gea nu vavtutu huribe mwa mwalue nin atatu be ram uloi God be nora Ratahigi.

Hibru 4:15

Nonda Muai Tataroi, nu hav vora te kun ira muai tataroi dodolua be mahavana be gida nonda muramura sigai, i gida tam hovi lol bwatigoro, take rasav hagav te dum gida. Take nonda Muai Tataroi gea mwa hagav maragai gida, huria be ginau kera gea be ram ḡal gida atagu take rav ḡalia muana. Kea haḡea dolua i vurona sigai.

Hibru 7:25

Haḡe bwatuna gea, mwa dau bwatuna garigi vaivotu mosmosianana sigai, kea vi varahu dumwira gabe ram huria, huria be rav hae dum aben God. Huria be kea vi rahu vai tuai, i vi tu vai tuai la lolmatan God, i vi tataroi hurira.

Jemes 1:5

Take be ihei mwa doron mataisao vi hudali God huria. Kea nu maḡemu i samsamwara be vi laia lalai sinombu, i kea vi laia lalainigo mataisao.

Jemes 5:16

Nu tavuha be giv vev lua vuromiu gaitutuvwai lalai kimiu gaitutuvwai, i giv tataro lalai kimiu gaitutuvwai i God vi varahu kimiu. Batena be atat binihimwasigi mwa dataro, tataro gea nu muramuraga maragai.

1 Pita 2:5

Kimiu mulei gin ḡun vatun rahuana, i giv lin̄ kimiu sibomiu ba lol tanon tataroi sabuga i be giv ḡun lalaḡo sabuga gabe mwa lai tataroi tuntun sabuga lalai God. Kea vi lai ira tataroi geki sivi Jisas Kraes.

1 Jon 3:22

Be tas hudali te God gin havanau tehe kea vi laia lalai gida, bwatuna be tam dabea. I tam lol ginau be mwa samsamwara ginia.

1 Jon 5:14

Mahavana be tam dataro, tav tataro lalai God gin binihiv wasi. Tam iloe be God vi vwaliu nonda tataro mahavana be tam hudaligi huri ginau be God mwa samsamwara ginia.