Leo Tavuha gabe Jon nu Ravae 13:5 - Hano Niu Testamen

⁵ I kea mwa dadan̄ wai lol disi, i mwa dau bwatuna mwa bwaga bwalagera non roron̄tai i mwa man̄ira gin man̄man̄i be mwa weswesinia.

Leo Tavuha gabe Jon nu Ravae 13:5 ပူးပေါင်းရင်းမြစ်များ

Leo Tavuha gabe Luk nu Ravae 7:38

mwa du atagun Jisas, mwa dei i mwa mehoi bwalagena gin mataruana. Haḡe mwa man̄ mamahainia gin iluna, i mwa rimrim bwalagena, i mwa salil hun wai sasavi bonboni alura.

Leo Tavuha gabe Luk nu Ravae 7:44

Haḡe mwa ban burigai huri vavine i mwa bevea lalai Saemon be, “Gom ḡita vavine uhu? Nam haroro lol imwamwa, i gom hav lai te wai lalaiau huri bwalageku, take kea nu bwaga bwalageku gin mataruana i mwa man̄ mamahainira gin iluna.

Leo Tavuha gabe Jon nu Ravae 13:10

Jisas mwa bevea be, “Be atatu tehe gabe rebehina nu melmelo huba, mwa hav mom du tehe be vi mom bwagae, take bwalagena n̄ano. Kimiu duluai gin melmelo take gaituvwa n̄an sigai.”

Leo Tavuha gabe Jon nu Ravae 13:6

Haḡe mwa mai aben Saemon Pita, i Saemon mwa bevea lalainia be, “Gomen bwaga bwalageku, Ratahigi?”

Leo Tavuha gabe Jon nu Ravae 13:8

Pita mwa bev luae be, “Sigai gosav bwaga te bwalageku n̄an haḡea!” Haḡe Jisas mwa bwaliua be, “Be nasav bwaga te bwalagemwa, gosav vora te noḡu roron̄tai.”

Leo Tavuha gabe Jon nu Ravae 19:34

Haḡe atatun bwaloana vwate mwa derai non sari lol ḡaḡaun Jisas, i daga mai wai ram rovo ninia.

Lalaḡova 22:16

Matu kadogaha gomom hohovi huri hano? Tomare ba lai garuhisabuga i vi bwaga kaburai vuromwa ginia be gov tataro lalainia.”

1 Korin 6:11

Lol taro tuai huba, kimiu rituai haḡea kunia, take nu bwaga melmeloi kimiu huba. I nu lol sabugai kimiu, i nu tau bavtutui kimiu mai God lol ihan Ratahigi Jisas Kraes i mai Vuin nonda God.

Ifisas 5:26

be vi lolia gi bilan God. Kraes mwa avoinia gin avoana be men lol uloilua gim melmelo ginia be mwa bwagae gin wai.

1 Timoti 5:10

Vi iloana mulei na non rovoga tavuha, rovoga be nu gitaḡoro tavuhai ira nituna, nu laiḡoḡo ira tausala, nu bwaga lolonen atat sinombu non God, nu buluira be ran togo lol taro ririhai, i nu lin̄ rahuna be vi lol lalan̄an rovoga tavuha.

Hibru 10:22

I huri ginau geki nu tavuha be tam mai sosori aben God be binihinda vi melmelo i nonda binihimwasigi garagusi ran wasi. Amua binihinda ran bibili gin vuroda, mwa melmelo be tam ḡagaru lol wai melmelo.

1 Jon 1:7

Take be tas togo lol gigita, kun gabe God mwa dogo lol gigita, kea gin binihiva be gida duluai tam bora vatugi gaituvwa n̄an maia. I dagan Jisas nitun God vi bwaga melmeloi gida nin nonda bwatigoro.

1 Jon 5:6

Jisas Kraes haḡea atatu gabe nu mai mai wain garuhisabuga i dagan mateanana. Take nu hav mai te n̄an mai wai, take wai i daga. Vui sibona mwa bev seserai ginau geki be mwasigi bwatuna be Vui kea mwasigi.

Visirai 1:5

Nam dataro be tavuha mai tamwata non Jisas Kraes gabe God du lol domarei muleinia nin mateana i kea haḡea muai ḡoro ira ratahigi lavoa duluai ata lol ureure. Kraes mwa dabe gida, i gin dagana mwa dugu gida nin vuroda.

Visirai 7:14

“Nam bwaliua be, ratahigi nam hav iloe tehe, giḡo gom iloe.” Kea mwa bevea lalaiau be, “Geki haḡea sinombu gabe ran ron̄ ḡagarasi i ram wehira huri nora binihimwasigi. Mwa bwaga melmeloinira gin dagan nitui sipsip.