Leo Tavuha gabe Jon nu Ravae 13:34 - Hano Niu Testamen

³⁴ I kadogaha nav lai leohorai gara lalai kimiu: gabe mwa bevea be, giv tabe vatvataha atatu. Kun gabe nam dabe kimiu, kimiu mulei giv tabetabe kimiu.

Leo Tavuha gabe Jon nu Ravae 13:34 ပူးပေါင်းရင်းမြစ်များ

Matiu 5:44

Ita inau nam bevea lalai kimiu be giv tabe nomiu ivwalu, i giv tataro hurira gabe ram lol ḡagaras kimiu.

Leo Tavuha gabe Jon nu Ravae 15:17

Geki haḡea ginau gabe nan vevea lalai kimiu: giv tabetabe kimiu.”

Leo Tavuha gabe Jon nu Ravae 17:21

Nam dataro be kera duluai rai bul gaituvwa. Tata! Nam dataro be kera rav bulu alolodaru, kunia n̄an gabe giḡo aloloku i inau alolomwa. Nam dataro be rav bul gaituvwa, huribe ureure vi binihimwasigi be gon horau.

Ravrava non Pol lalai ata Rom 12:10

Giv tabetabe kimiu gaitutuvwai. Gov lai lalai atat dolua lolotabetabe liu be lalainigo sibomwa.

Ravrava non Pol lalai ata Rom 13:10

Lolotabetabe mwa hav varihai te tuana, i lolotabetabe mwa dabe silo duluai.

Ravrava non Pol lalai ata Rom 13:8

Gisav lai te ginau non atatu n̄an vuroi kunia, vaivotu be giv laia gin binihi marahi gingin kimiu, bwatuna be atatu be mwa binihi marahi atat dodolua kea haḡe mwa dabe ira silo duluai.

Kelesia 5:22

Take Vui mwa baivusi vwain lolotabetabe, samwarana, tamwata, ron̄ mwan̄ava, lolotavuha, tavuha, binihimarahi,

Kelesia 5:6

Mahavana be gida lol Kraes Jisas, mwa hav vora te maragai be tav lai tav dovon̄a sa sigai. Muan ginau mutai be binihimwasigi lalan̄an binihimwasigi garagusi be mwa lol rovoga sivi lolotabetabe.

Kelesia 6:10

Lol taro be nonda rovoga be tav bului atatu, mwa du be tas lolia. Take tas lai nonda mwasin loliana lalainira gabe ram dogo lol tatan̄an binihimwasigi garagusi.

Kelesia 6:2

Be giv bulbului kimiu lol nomiu togoan ririhai, kimiu mwasigi gim dabe silo non Kraes.

Ifisas 5:2

Gov togo lol rahuana lolotabetabe kunia gabe Kraes nu tabe gida i nu lin̄ia sibona huri gida kun gabe hogoi bonboni i tataroi lalai God.

Kolosi 1:4

bwatuna be gan ron̄oe huri binihimwasigi garagusi be gin togo maia huri Kraes Jisas i lolotabetabe be gin haḡoe huri ira atatu non God.

1 Tesalonaeka 3:12

Nam dataro be Ratahigi vi lol nomiu lolotabetabe vi mauri liu i vi mauri huri kimiu gaitutuvwai i huri sinombu duluai huri be giv lolotabetabe kera dodolua kunia be kamai gam dabe kimiu.

2 Tesalonaeka 1:3

Ira tuaku mai ira hogosiku, tav avkari God vataha mahavana huri kimiu. Geki haḡea nu vavtutu, bwatuna be nom binhimwasigi garagusi mwa mauri vataha mahavana, i lolotabetabe be kimiu duluai gim do maia, huri be kimiu gaitutuvwai gim mauri.

Hibru 13:1

Giv tabetabe kimiu kunira huhu gaituvwa.

Jemes 2:8

Silo gaivua geki mwa du lol ravrava sabuga: “gov tabe tuamwa kunigo sibomwa.” Be gov tabe silo geki giḡo gom lol ginau vavtutu.

1 Pita 1:22

Kadogaha be gin lol rahumiu ram melmelo ginia be gim dabe mwasigi, gov haḡo dum tabean mwasigi huri ira tuamwa atamwani i vavine lol Kraes. Giv tabe kimiu gaitutuvwai liu mai lolomiu duluai.

2 Pita 1:7

be rovoga non God mwa dogo huba giv bulusia gin alen̄ tavuha lalai ira tuamwa; be alen̄ tavuha mwa dogo huba giv bulusia gin lolotabetabe.

1 Jon 3:11

Roroi gabe gim ron̄oe la bwativuna, be giv tabetabe kimiu.

1 Jon 3:23

God mwa doron be tav tau nonda binihimwasigi alun Nituna Jisas Kraes i tav tabetabe gida. Geki havanau gabe Jisas nu vevea be tav lolia.

1 Jon 4:21

Leo horai gabe Kraes mwa laia kea be, “Giv tabe God i giv tabetabe kimiu mulei.”

2 Jon 1:5

I kadogaha, vavin gitalua geki vorate tatauleo gara take tatauleo n̄ano be tan ron̄oe la bwativuna. Nam hudali kimiu be tav tabetabe gida duluai