Leo Tavuha gabe Jon nu Ravae 13:27 - Hano Niu Testamen

²⁷ Mahavana be Judas mwa lai bereti, Setan mwa haroro alolona. Haḡe Jisas mwa bevea lalainia be, “Goi vilvilehi mai ginau be gov lolia!”

Leo Tavuha gabe Jon nu Ravae 13:27 ပူးပေါင်းရင်းမြစ်များ

Matiu 12:45

Kadogaha mwa bano mwa mom hiḡe vui hantai gaibitu mulei be alen̄ara ran hantai liu ninia, ram mai bilin̄ai, ram hogon bamasiri imwa gea. Amua rahun atatu geki be vui hantai nu to alolona nu hantai. Take ataguna be kera gaibitu ram mom mai mulei, rahuna mwa hantai liu nin amua. Kunia mulei vi vora lalainira atat hantai ata lol gubwen̄ garigi.”

Matiu 4:10

Take Jisas mwa bwaliua be, “Vis dagai niniau, Setan. Huri lol Ravrava Sabuga mwa bevea be, ‘Gov gogonai God gabe nom Ratahigi, i gov lalaḡo lalainia gaituvwa n̄ano.’ ”

Leo Tavuha gabe Mak nu Ravae 6:25

Haḡe daulato mwa ban vilvilehi vai aben Ratahigi lavoa Herod mwa bevea lalainia be, “Nam doron be gov lai bwatun Jon Garuhisabuga lol gete lalaiau uhugaha.”

Leo Tavuha gabe Luk nu Ravae 22:3

Haḡe Setan mwa haroro alolon Judas Iskariot, kea tuara vwate ninira han̄vul domwan gairua.

Leo Tavuha gabe Jon nu Ravae 13:2

Ute mwa ravravi Jisas mwa ḡan ginau maira non roron̄tai. Haḡe vui hantai nu tau binihiva huba alolon Judas nitun Saemon Iskariot, huribe vi sine Jisas.

Leo Tavuha gabe Jon nu Ravae 13:28

Kera duluai gabe ram dogo la tebol ram hav iloe tehe be huri hano Jisas mwa bevea kungeki lalainia.

Leo Tavuha gabe Jon nu Ravae 6:70

Haḡe Jisas mwa bwaliura mwa bevea be, “Matu nan hav gita te lua kimiu han̄vul domwan gairua? Take vwate nin kimiu atmate!”

Lalaḡova 5:3

Haḡe Pita mwa bevea lalainia be, “Ananias, huri hano be gom lin̄ Setan be men tomuainigo i mwa loligo gom saruruhi Vui Sabuga, ginia be gom haḡo udun homu gabe gon laia nin udun bilamwa?