Leo Tavuha gabe Jon nu Ravae 12:32 - Hano Niu Testamen

³² Batena be vi lol domareiau nin ureure geki, nav haraḡoḡo atatu duluai huriau.”

Leo Tavuha gabe Jon nu Ravae 12:32 ပူးပေါင်းရင်းမြစ်များ

Leo Tavuha gabe Jon nu Ravae 1:7

kea nu mai be men vev luae lalai sinombu huri gigita geki, huribe atatu duluai rav ron̄ roroi huria ba binihimwasigi.

Leo Tavuha gabe Jon nu Ravae 12:34

Haḡe sinombu ram bwaliua be, “Nonda Silo mwa bevea lalai gida be Kraes vi togo vai tuai. Kunhanigi be gim bevea be vi lol domarei Nitun Atatu? Ihei geki be Nitun Atatu?”

Leo Tavuha gabe Jon nu Ravae 18:32

Geki mwa loli huribe men lol dum avoana non Jisas gim mai gi mwasigi, avoana nu vevea mahavana be nu avo huri halana be kunhanigi kea vi mate.

Leo Tavuha gabe Jon nu Ravae 19:17

Kea mwa bwihavare, mwa datal non volovolo, mwa bano lol ute mwa uloinia be, “Tanon bwalan Bwatun Atatmate,” i mwa uloinia. (La avoana non ira Hibru be “Kolkota.”)

Leo Tavuha gabe Jon nu Ravae 3:14

Kun tuai Moses lol vanua vuroi, nu haḡo domarei nunun teltele gabe ran lolia gin vatmerameraga la gai, kunia mulei inau Nitun Atatu rav haḡo domareiau la gai,

Leo Tavuha gabe Jon nu Ravae 6:44

Atatu vwate sihav mai te huriau vaivotu be Tata vi lin̄ia lalaiau; i nav lol domarei muleinia vai lol rahuana lol nogonan gubwen̄.

Leo Tavuha gabe Jon nu Ravae 8:28

Haḡe kunia Jisas mwa bevea lalainira be, “Mahavana be gim lol roroaiau Nitun Atatu. Giv siv iloe be, ‘Inau nam dogo Vai tuai’; kunia giv iloe be nam hav lol te ginau la noḡu roron̄o mau, take nam bev hano gabe Tata mwa bagahiau ginia.

Kelesia 3:13

Kraes nu lai dagai silo vevegi be silo nu taua aluda. Mwa leahi ute mai gida i mwa daua sibona halaten vevegi gea. Mwa ravana lol ravrava sabuga be, “Ihei tehe be rebehina mwa seserainia la bwatungai kea vi lai vevegi.”

1 Timoti 2:6

Nu mahin̄ainia sibona be vi vora varahun sinombu. Geki mwa lol ḡigilainia la mwasin tarona be God mwa doron atatu duluai be rav rahu.

Hibru 2:9

Havanau be gam ḡita dumwia kea Jisas, huri mahavana vwelvwele kea nu togo hivhivo halaten ira enjel. Gin sine hagavi non God lol non hogoi, Jisas mwa mate huri atatu duluai. I kunia be Jisas nu ron̄ḡagarasi i mwa mate huba, kea mwa lai tanoi haehae mai gai sosorin bwatu!

1 Pita 2:24

Kraes nu tatal vuroda alolon rebehina la volovolo i gida mwa du be tas lin̄ rahuan vuroga i tav tau bwatuna ba rahu lol rahuan vavtutu. I gida tam rahu bwatuna halan duru alun volovolo.

1 Pita 3:18

Kraes sibona nu ron̄ ḡagarasi huri Vuro vatuvwa n̄an huri sinombu duluai. Kea nu hav matagu tehe be vi lai kimiu vai aben God. Rebehina nu wehiana, take kea nu rahu alolon vui.

1 Jon 2:2

Kraes nu ron̄ gagarasi sibona be men lai dagai vuroda i vuron ureure duluai.

Visirai 5:9

Ram lol iboi gara ram bevea be: “Giḡo gon dadariha be gov lai buk lulun̄i i gov roto tigoro huri buka be vi mavugeri. Huri be giḡo gon bwalo, i gin mateanan gin mateanan nom ron̄ ḡagarasi mwa boligo huri sinombu non God alun varan sinombu duluai, lalan̄an avoana, i lalan̄an vanua mai lalan̄an atatu be gulira dodolua.