Leo Tavuha gabe Jon nu Ravae 12:28 - Hano Niu Testamen

²⁸ Tata lol ihamwa na sarisari!” Haḡe silo mwa avo nin lol ute atamare mwa bevea be, “Nan lai tanon Ratahigi huba vai aluna, i nav lol dum muleinia.”

Leo Tavuha gabe Jon nu Ravae 12:28 ပူးပေါင်းရင်းမြစ်များ

Matiu 11:25

Lol mahavana gea Jisas mwa bevea be, “Tata, giḡo Ratahigi ḡoro ute atamare i lol ureure, nam avkari maragainigo, bwatuna gon lol bisirai lalainira bwaḡele hano gon tahulinia nin ira mataisao.

Matiu 11:26

Mwasigi, Tata, geki halana gon doron be vi loli haḡea kunia.

Matiu 17:5

La mahavana be mwa avo radu na Pita, tenlan̄ gigita mwa haravuinira. Haḡe ram ron̄ avoana lol ten lan̄i gea mwa bevea be, “Geki haḡea Nituku gabe nam dabea i nam ron̄ mwandavuha ginia. Giv ron̄oe.”

Matiu 26:42

Jisas mwa mom bano mulei varuana mwa dataro, mwa bevea be, “Tata, be gosav lai te dagai laha geki niniau vai votu be nai mwin aluna, nom doroniva n̄an vi tu.”

Matiu 3:17

Haḡe silo mwa himai nin ute atamare, mwa bevea be, “Geki haḡea Nituku gabe nam dabea, i nam doron maragainia.”

Leo Tavuha gabe Mak nu Ravae 1:11

I silo mwa himai nin ute atamare mwa bevea be, “Giḡo mwasin nituku, nam samsamwara ginigo.”

Leo Tavuha gabe Mak nu Ravae 14:36

Mwa dataro mwa bevea be, “Tata, Tamaḡu! Ginau duluai nu maron̄ron̄o lalainigo. Lai dagai laha huri ron̄ḡagarasi uhu niniau. Take noḡu doroniva vina nomwa n̄ano.”

Leo Tavuha gabe Mak nu Ravae 9:7

Mahavana be mwa avo radu tenlan̄i mwa haravuinira, haḡe silo mwa mai lol tenlan̄i mwa bevea be, “Geki mwasin Nituku gabe nam dabea giv ron̄oe!”

Leo Tavuha gabe Luk nu Ravae 3:22

i Vui Sabuga mwa hivo aluna gitanana kun manbona. I silo mwa himai nin amare, mwa bevea be, “Giḡo Nituku gabe nam dabego i nam doron maragainigo.”

Leo Tavuha gabe Luk nu Ravae 9:35

Haḡe ram ron̄ avoana lol ten lan̄ gea mwa bevea be, “Geki haḡea nituku gabe nan gita luae--giv ron̄oe!”

Leo Tavuha gabe Jon nu Ravae 11:4

Mahavana be Jisas mwa ron̄oe, mwa bevea be, “Lasarus mwa haro, take mwa hav vora te gin binihiva be vi mate; take huria be men seserai lua muramura non God. Harova geki, hala huri be God men lol roroai ihaku, inau nituna.”

Leo Tavuha gabe Jon nu Ravae 18:11

Jisas mwa bevea lalai Pita be, “Tau mulei nom bua lol tanona! Matu gom binihia be nasav mwin te dum alun lahan ron̄ ḡagarasi gabe Tamaḡu nu laia lalaiau?”

Leo Tavuha gabe Jon nu Ravae 9:3

Jisas mwa bwaliura mwa bevea be, “Matagarana mwa hav bulus te vurona sage vuron tamana i ratahina. Kea mwa matagaraga be muramura non God vi gitana la rovoga aluna.

Ifisas 2:7

bwatuna huri taro vai non̄oiha duluai kea vi seserai mwasin hogoi be gaivua liu lol non lolotabetabe ginia be kea nu tavuha mai gida lol Kraes Jisas.

Ifisas 3:10

Taritari non God be sivi uloilua ira vwalaua duluai mai ira muramura duluai lol ureure kadogaha rav ilo mataisao non God, gabe mavuvuna ivusi maragai.

Ifisas 3:21

Lalainira roroai lol uloilua i lol Kraes Jisas huri vataha mahavana, vai tuai vai tuai. Amen.

2 Pita 1:17

Jisas nu ron̄ silon God, sarisari lavoa, lol taro be nu lai binihi marahi i sarisari nin God tata. Silo mwa bevea be, “Geki nituku, kebe nam dabea, i nam ron̄ mwandavuha ginia.”