Leo Tavuha gabe Jon nu Ravae 12:2 - Hano Niu Testamen

² Haḡe ram lol vatuvwai ginaganiana huria aia, Mata mulei mwa bului huri rovoga; i Lasarus mulei vwate ninira gabe ram dogo la tebol mai Jisas.

Leo Tavuha gabe Jon nu Ravae 12:2 ပူးပေါင်းရင်းမြစ်များ

Matiu 26:6

Batena Jisas mwa ḡan ginau lol imwan Saemon gabe lepa lol vanua Betani,

Leo Tavuha gabe Mak nu Ravae 14:3

Batena Jisas mwa ḡan ginau lol imwan Saemon gabe Lepa lol vanua Betani, vavine vwate mwa mai abena mai bwelehu vatu. Alolon bwelehu gea hun wai sasasavi bonboni gabe volina nu marahi maragai. Haḡe vavine gea mwa havan̄ bwelehu i mwa dadan̄ wai sasasavi gea alun bwatun Jisas.

Leo Tavuha gabe Luk nu Ravae 12:37

Vi vora ginau samsamwara lalai ira atatun rovoga gea batena nora ratahigi mwa habwera be kera ram mamata hohovia vaivotu mwa dabagilu! Nam bevea lalai kimiu be, kea vi tagahi non koti i vi hudalinira duluai be rav to mahuri huri ginaganiana i kea vi lalaḡo lalainira.

Leo Tavuha gabe Luk nu Ravae 14:12

Haḡe Jisas mwa bevea lalai vuigin imwa be, “Mahavana be gom lol ginaganiana, gosav uloi te nom buluana, sage ira tuamwa sa kera ata la vanuamwa sage ira ratahigin roso gim dogo ute gaituvwa--bwatuna be kera mulei rav uloi dumwigo ataguna huri ginaganiana, kunia ram ḡel mulei hano be gon lolia lalainira.

Leo Tavuha gabe Luk nu Ravae 22:27

Ihei lavoa, wani gabe mwa do mahuri be men gan ginau sa wani gabe mwa lol ginaganiana lalainia? Mwasigi haḡea be, wani gabe mwa do mahuri huri ginaganiana. Take inau abemiu kun wani gabe mwa lol ginaganiana lalainia.”

Leo Tavuha gabe Luk nu Ravae 5:29

Haḡe Livae mwa lol ginaganiana gaivua lol imwana huri Jisas, i ira harahara homu ivusi mai sinombu dodolua, ram dogo bul maia.

Visirai 3:20

Giv roron̄tai! Inau nam du lolvwan gatava nam dorodoro; be ihei mwa ron̄ siloku i mwa havan̄ gatava, inau nav haroro lol imwana ba ḡan ginau bul maia, i kea vi gan ginau bul maiau.